LANGGUR NGAJAR SEHARI (LNS) JAKU IBAN PRIMARI 5

KELAS / PEMAYUH NEMBIAK

KELAS: 5 Pelanduk
Penyampau Nembiak: 15 iku

HARI BULAN

19 Ogos 2020

JAM

0730-0830

TEMA

Dunya Ensera enggau Cherita

TOPIK

Jeman Geleman

STANDARD ISI

2.1 Macha Inggar

STANDARD PELAJAR

2.1.1 Macha ngena sebut ti betul sereta lanchar.

OBJEKTIF

Ba pengujung pelajar tu nembiak ulih:

1. Macha inggar tibak cherita ngena sebut ti betul sereta lanchar.(Raban Pandai)
2. Macha inggar segenteran tibak cherita ngena sebut ti betul sereta lanchar. (Raban
Sedang Pemandai)
3. Macha 3 baris ayat tibak cherita ngena sebut ti betul sereta lanchar.(Raban Lemi)
4. Nerangka reti 2 leka jaku ti digaris dalam teks.

ELEMEN NERESA KURIKULUM (ENK)

Jaku

KEREBAN

LCD, Teks, Kad Manila

TISIH

Macha segenteran tibak cherita ngena sebut ti betul sereta lanchar.

RIPIH NGAJAR & BELAJAR

❖ Set Induksyen
Pengajar ngayankan teks tu lalu milih siku nembiak macha inggar.
Pengajar enggau nembiak meri komen chara iya macha teks.Udah nya pengajar lalu
nerangka kebuah kitai mesti macha teks enggau inggar sereta lancar.

MIRI: Tikas pemeresi rampa menua nyengkaum dalam tasik patut

dikemeran kena nentuka produk dagang temuai Miri ti tebilang, iya nya
aktiviti nyelam enggau nginti ba tasik sereta mega ba tasik dalam,
terus nyadi siti ari sektor ti nyungkak ekonomi besai nengeri tu.

❖ Aktiviti 1

1. Nembiak beratika teks cherita ti diayanka pengajar ngena LCD.

2. Macha teks sengian.
3. Nembiak macha teks bebala mayuh lalu betanya-saut enggau pengajar dikena
ngulihka penerang. (5W1H)
(Nama, Kemaya, Nama kebuah, Sapa, Dini, Baka ni)

❖ Aktiviti 2

1. Nembiak dibagi ngagai tiga raban.(1 Ngibun 3 Nurun)

2. Pilih siku nembiak nyadi tuai setiap raban.
3. Nembiak macha teks dalam raban lalu ngerintaika pekara ti nyadi nitihka rurun
cherita dalam teks.
4. Nembiak nuliska rurun cherita ba kad manila ti diberi.(ngena kar iThink)
5. Tiga iku nembiak bejalai lalu macha rurun cherita ti dirintaika raban bukai lalu siku
ngibun.
6. Nembiak ulih meri penemu ngena sticky note.

❖ Aktiviti 3 (Lawa Galeri)

1. Nembiak dibagi ngagai raban baru.

2. Nembiak nguji nyangka lalu nerangka reti tiga leka jaku ti digaris bemalinka
 diksionari.
3. Nembiak nuliska reti leka jaku ba kad manila, udah nya dilekatka ba dinding.
4. Nembiak bukai bejalai lalu macha.
5. Pengajar bejalai lalu nyerenih kereja nembiak.
6. Nembiak mantaika asil kereja beraban.

SERIDI

Pengajar ngiring lalu ngembing nembiak ti lemi macha.

PENGAYA

Pengajar meri teks baru awakka dibacha nembiak.

SIMPUL PENEMU

Pengajar ngasuh nembiak nyeritaka baru teks ti udah dibacha.

REFLEKSYEN / TELUSUR

Limpir 1
Adar: Bacha lalu peretika tibak cherita di baruh tu.

Mata panas nyau nampun di bubun. Sida Penghulu Garung pan lalu ngetu merarau.
Kira ngalih hari, dia daun kayu didinga gemisai dipuput ribut ti betiup serunyut landai.
Dan kayu didinga bekerikuk lembau. Kesuh ribut nyau nyapu puchuk tapang pelai ti
deka diambi sida buah. Kena tiup ribut ngalih ti bepuput lantang, lalu tedani Endu Eit
Tanggi Senggelang Anyam Telentang Tekalih Dada, Endu Kumang Puchung
Pemandang Ke Tetunggang Mali Nyaya, Endu Rikuk Papan Gantung Lulung Langit
Ayung Menua, nya ga Bunsu Rembia ke ngemataka pesara tali tekang. Endu Rembia
lalu ngerak semua indu manyi.

Lalu nyeriat magang semua indu manyi ngabung ninggalka sarang. Dinga
ngenjing begemung puchuk tapang pelai laban rengung indu manyi ti meri anak sida
mandi ba panchar panas ngalih.

Bala anak mit bekekiak nanya sida ke tuai kebuah indu manyi nyau begau baka
nya.Nyeriat angkat ari sarang ngenjing begemung.“Ukai begau sengapa indu manyi nya
‘chu,’ terang sida ke tuai. “Nama maya tu hari, lebuh hari panas bisa baka tu, indu
manyi angkat ari idang. Meri anak mandi, kenu ku kenang tuai, ngambika anak manyi
nya jampat besai, jampat tuai, jampat nyadi indu manyi empu. Indu manyi ti udah tuai
terebai ninggalka idang. Nya dikumbai orang tuai ‘manyi midang,’ ‘chu.’

Dibali ari cherita Jeman Geleman: Janang

Ensiring

Limpir 2
Reti Leka Jaku

1. Bekerikuk - munyi kayu ti bekindas enggau pangan diri

2. Bekekiak - munyi orang bejaku (minta utai/madah) enda ngetu-ngetuk (ituk )

3. Begemung – munyi inggar ti bedauh tauka begu’

4. Gemisai – munyi daun ti udah rangkai lebuh kena tegu tauka indik

5. Nyeriat – bulu indu manyi ti angkat ketegal deka terebai

6. Idang – sarang begulai enggau anak sereta madu indu utai baka renyuan, manyi,
gamang, engkerawai, engkelulut etb

7. Pesara tali tekang – Tali rintung dikena muar singut/manyi

8. Rengung – munyi utai injin, nyamuk (indu utai) ti mantik didinga enda badu-badu