Ringkesan
Pendidikan sané becik sajeroning pawangunan wangsa sané kabaos aor tan pawates
puniki wantah pendidikan sané prasida ngwetuang SDM sané madué kawikanan utawi
(intelektualitas) imbang ring émoralitasnyané. Duaning asapunika pawangunan séktor
pendidikan patut kadasarin antuk nilai-nilai adiluhung karakter wangsa.
Ring wacana budaya sane mamurda “Mageret Pandan ring Tenganan” maosang indik
budaya sane kalintang unik ring desa Tenganan sane patut kalestariang antuk sakancaning para
jana utaminnyane masyarakat Baline, mangda budayane punika tetep ajeg , pinaka piranti
ngajegang jagat Bali kayang kawekas
Awig-awig desa pakramane punika pinaka sepat siku-siku sane prasida kaanggen
panuntun lan nepasin sahananing wicara sane wenten ring desa pakraman mangda krama
druwene manggihin kasukertan.
Malarapan antuk budaya Bali sane kalintang adiluhung tur sampun kasub ring dura
negara punika mawinan para torise akeh rauh ke Bali malila cita muktiang kalegan moponin
kaluwihan budaya Baline. Budaya Bali wantah madun jagat Baline sane ngarad para wisatawane
rauh ke Bali punika mawinan Bali ngajegang pariwisata budaya. Sakewanten sameton Bali patut
yatna duwaning pariwisata punika maduwe pengaruh becik kelawaning kaon.