Pejuraika tiga iti isu bansa Iban di baruh tu ari sukut kebuah, empas lalu nama
penyadi jemah ila enti enda diputarka; Tulis jurai dalam tukuh esei.
Kemaya hari tu, bansa Iban suah ngirup arak baka langkau, tuak tauka arak bukai
enda ngira kemaya. Enti kelia suba, bansa Iban suah agi ngirup arak maya bisi
pengerami baka gawai tauka kawin tang diatu, makin hari bansa Iban suah amat
ngirup arak enda ngira kemaya. Ari perati ba rampa pendiau ti bisi ngelingngi aku,
bansa Iban suah amat ngirup arak enti sema sida udah tembu ngereja siti-siti
pengawa. Ambika baka chunto, enti sida udah tembu beduruk betambak, ngumpul
lada, ngetau tauka ngaga rumah, sida sigi beirupka arak. Ukai semina nya aja,
bansa Iban suah ngirup arak kemaya hari tu laban dikena mutarka penanggul ti
bisi diasaika sida enda ngira penanggul ketegal kereja, penanggul dalam pengidup
tauka utai bukai. Lebuh benung mabuk, sida ngembuan runding penanggul ti disepi
Ketegal ari pengawa beirupka arak tu, mayuh macham empas ti deka disepi
bansa Iban ke suah beirupka arak. Ari sukut pengerai runding, dia orang ti suah
ngirup arak tu deka ngembuan penanggul pengerai kelebih agi ari sukut runding
enggau tubuh. Enti sema mensia nya suah amat ngirup arak, dia iya deka
ngembuan penanggul berunding ke rasional lalu suah agi deka nyanda laya enggau
orang bukai. Enti bala nembiak bansa Iban ngembuan ulah kelalu balat ngirup arak
mega deka ngasaika empas ari sukut berunding tu. Sida tentu deka napi penekul
dalam pengawa pelajar sekula sida. Kelimpah ari nya mega, orang ke suah ngirup
arak tu mega deka ngembuan penanggul pengerai tubuh baka ngembuan penyakit
buah pinggang, tungkul ati, darah tinggi dudi hari ila. Ukai semina nya aja, ari
sukut pengelantang ruang bilik mega deka bisi empas enti sema diri sebilik suah
amat ngirup arak. Penanggul baka belaya tauka bejamah enggau diri sebilik deka
suah agi nyadi enti sema sida sebilik ngembuan ulah ke balat ngirup arak.
1
Enti isu enggau penekul tu enda diputarka enggau jampat, dudi hari ila iya
deka ngenataika mayuh macham penyadi kelebih agi ngagai pengidup raban bansa
Iban. Enti nembiak rebak baru bansa Iban terus tepejuh dalam pengawa beirupka
arak nyau enda nemu ngetu, dia jemah ila sida deka tinggal pemansang ari sukut
runding, ekonomi enggau sukut bukai ari nembiak bansa bukai. Ukai semina nya aja,
enti isu tu enda diputarka enggau lengkas, dia bala anak dalam ruang bilik ti suah
meda apai indai iya belaya ketegal pengawa ngirup arak tu mega suah agi deka
tusut runding, takut tauka bisi mega bala anak tu tadi ngembuan ulah ti enda
manah baka nginsap, gian dadah tauka gam, belaya, enchuri enggau mayuh agi ke
bukai. Nya alai, isu ngirup arak tu patut diputarka enggau manah lalu bepun ari
ruang bilik bansa Iban kediri empu dulu. Pengawa beirupka arak tu ulih dikereja
kelebih agi lebuh maya bisi pengerami tang enti sema nyau dikereja hari-hari,
Isu identiti bansa tu ukai siti isu ti baru kelebih agi dalam raban bansa Iban. Ukai
semina bansa Iban aja, bansa bukai mega napi isu tu. Isu baka bekenaka jaku
Iban ke standard, isu pekayan, isu adat bansa Iban suah didinga kitai kemaya hari
tu. Isu bekenaka jaku Iban tu nyadi ketegal bansa Iban kemaya hari tu rindu
amat bekenaka jaku rojak lebuh maya bejaku enggau bisi mega kebuah isu tu
nyadi ketegal bisi sekeda bansa Iban ngasaika jaku Iban tu tusah. Pengawa
bekenaka jaku rojak lebuh maya bejaku tu endang isu ti pemadu besai. Kitai suah
ninga nembiak rebak baru diatu lebuh maya sida nulis tauka bejaku ba sebelah
media rama tauka dalam pengidup besehari-hari, sida suah nyampurka jaku Iban
enggau jaku bukai baka Jaku Melayu sereta Jaku Inggeris. Maya pengawa
praktikum aku maya nya, aku suah ninga nembiak bansa Iban ke diatu suah amat
nyampurka jaku Iban enggau jaku bukai. Pekara tu ukai siti pekara ti manah
Empas ti ulih dipeda aku nyata ketegal ari isu nyin tadi iya nya bala
nembiak ba kelas ti diajar aku nya ngembuan penekul dalam pelajar enggau
2
pengawa bekomunikasyen sida enggau diri sekaban. Siti penanggul ti nyata amat
dipeda aku dalam sukut pelajar subjek Jaku Iban sida iya nya bala nembiak ti
engkeman didinga lalu kadang-kadang, reti ayat nya pan enda entu datai. Kelimpah
ari nya, empas ari isu identiti bansa tu baka chunto dalam sukut adat bansa Iban
mega endang nyata dipeda. Kebuah pia laban kemaya hari tu, semina mimit aja
penyampau orang ke endang landik dalam atur adat bansa Iban lalu tu tau
ngujungka adat bansa Iban tu ila deka lenyau ketegal makin ditinggalka.
Enti isu tu enda diputarka enggau lengkas, dia makin hari identiti bansa
Iban makin lenyau nitihka arus pemansang dunya. Enti identiti bansa Iban
semakin lenyau, dia dudi hari ila raban bansa Iban nadai ngembuan identiti asal
kelebih agi ari sukut jaku, adat enggau utai bukai. Enti dalam sukut jaku,
penanggul nembiak rebak baru ti suah nyampurka jaku Iban enggau jaku bukai
endang deka ngasuh jaku Iban tu mati lalu lenyau jemah hari ila. Ukai semina nya
aja, enti nembiak rebak baru bansa Iban enda bebendar ngetan lalu belajarka
adat asal bansa Iban, dia adat tu mega deka sama turut lenyau. Nya alai, identiti
Tanggungpengawa tu patut dipegai semua komuniti bansa Iban lalu anang semina
Isu bansa Iban ti tinggal ba pelajar sekula kemaya hari tu mega ukai siti isu ti
baru. Kemaya hari tu, agi bisi bala anak Iban enda dianjung nurun ke sekula
ketegal ari mayuh macham kebuah. Kebuah ti suah dipeda kitai iya nya bala anak
tu tadi endang enggai nurunka sekula ketegal ti enggai dani tumu, enggai nembuka
kereja rumah lalu bisi mega sida nembiak tu tadi milih deka bekereja. Sida
ngasaika pengawa besekula tu enda beguna lalu semina masau duit enggau awak
aja. Ukai semina nya aja, bansa Iban tinggal ba dalam pelajar sekula laban sekeda
anak Iban enti udah nyau tama sekula sekondari, sida pan lalu belaki enggau
3
bebini sereta bisi mega ke ngandung. Ketegal ari tu tadi, sida pan lalu ngetu
besekula. Isu tu mega nyadi ketegal agi mayuh nembiak raban bansa Iban bedau
nemu pemesai reti sereta guna pemandai dalam pelajar sekula. Pemandai besekula
tu ukai semina nembiak nya patut nyulut dalam sukut akademik tang mega ari
sukut pengelandik jari enggau utai bukai. Kebuah tu tadi, nya kebuah sida enggau
nurunka sekula lalu tinggal dalam pelajar sekula. Nembiak raban bansa Iban mega
kemaya hari tu bisi enggai nyambung pelajar ngagai tikas ti tinggi agi ketegal sida
ngasaika utai nya semina masau duit lalu sida berunding, nyamai agi sida terus
bekereja sepengudah ambis sekula sekondari. Ari media rama, bisi mega sida
madah pengawa nyambung sekula ngagai tikas tinggi nadai guna laban nadai ulih
Isu bansa Iban ti tinggal dalam pelajar sekula tu endang mayuh meri
macham empas. Enti sema bansa Iban tinggal dalam pelajar sekula, pengidup
sereta penemu sida mega enda betambah lalu majak tinggal pemansang ari bansa
bukai ke benung ngemansangka bansa diri. Enti penemu enda betambah lalu majak
ngembuan mentaliti pengawa besekula tu enda beguna, pengidup sida mega enda
berubah. Pemandai ari pengawa besekula tu mih ti ulih ngemansutka siti-siti ruang
bilik nya ari pemerinsa lalu ngemansangka pengidup diri. Kelimpah ari nya, enti
bansa Iban tinggal ari sukut pelajar sekula, tu deka meri penanggul ngagai
pengulih nembiak bansa Iban besemekih enggau nembiak bansa bukai dalam sukut
Enti penanggul tu enda diputarka enggau lengkas, dia bansa Iban jemah
hari ila deka majak tinggal pemansang ari bansa bukai kelebih agi dalam sukut
ekonomi, pengelandik berunding, teknologi enggau mayuh agi ke bukai. Enti bansa
Iban enda ulih nitihka singkang bansa bukai, dia bansa Iban deka tinggal jauh di
belakang lalu engka bansa bukai deka nyeliahka bansa Iban ari mayuh macham
bidang. Ukai semina nya aja, enti isu tu enda diputarka enggau lengkas, dia
nembiak rebak baru bansa Iban jemah ila enda ngembuan pengelandik ke seriran
enggau arus pemansang dunya kelebih agi pengelandik dalam bidang teknologi. Tu
deka ngujungka sida deka tinggal di belakang laban nadai ngembuan pengelandik
4
ke ulih napi pemansang arus dunya. Nya alai, bansa Iban patut besaup enggau
pangan diri kelebih agi nulung bala komuniti sekula ngambika anak sida enda
tinggal dalam sukut pelajar sekula. Tulung ti tau dikenataika semua bala bansa
Iban iya nya bepun enggau seruran nganjung anak sida nurun ke sekula lalu
nyukung semua program ti bisi digaga bala komuniti sekula dikena ngemansangka
anak sida.