TIMANG JALUNG
Manggai di kampung siak bala sebayan ke nandang mansang ngayak nadai dinga kuak
empeliau arang.
Manggai di pulau sida sebayan ke danjan dulu lenyau nadai dinga kangau orang.
Manggai di jerami taun siti tu kemari bedau bekau sempeli padi bangang.
Nya alai tak lalu nyingkang deh endun kumang ke bulang kaki nantai
Dia nyaya deh ai mata sida endun dara nelaga labuh bekaberai
Laban beguai diambi sida Indai Bilai kedua aya kitai Bugai
Tampung Deskripsyen
Anang guai dulu Aya Jimang nganti kami duai dulu nginang kelembembang lebu nyangkung
Datai diteratak tanah langgung peda balat repa beta serangkap beta di balut rumput
mambung
Nya alai peda dan siti udah diambi melanyi bujang tinggi disuli tanduk labung
Dan ari kiba udah diambi bunga genaya bujang bula tak laga balut upung
Nya alai tu nadai dipensiang laban ke tinggal aku ti laya midang pumpung
Nya alai aki agi idup enggau sening kukut karung kerubung
Jawang disinang sulu sangkung bisi ngundang kami dua ngadang ngerimbas papan kandung
Kejang ari nya nyau jimpu di munggu datai di iya datai seberai
Richah rami di sebayan danyan ulu ba titi kesa entali jalai iya dikarung iya
Nya alai diatu berubah nabur dan neladan kapal bujang nyumbuh
Nyau manggai tembawai madang rembai apin lesi bebadi dulu kelia
Ukai main mit anak batang rembai bebuah ninting ari tiap lemai
Lalu ninga gagak lapa ga rumah bala diemba iya bala penguang
Lalu manggai di pendai ulu balat chiru baka madu minyak kebayang