Ade ketuturan satua, jani ade kone katuturan satua I dadong REBO.

I dadong REBO ngelah pondok di

muncuk bukite. Ditu ia ngoyong ajake didine. I dadong REBO tusing ngelah banjaran kerane ia
kasenggenguh culig, sesai ngendahang anak, enggal gedeg, muah demen nyakitin anak len. Santukan
punika ia tusing ade anak enyak ngajak ia. Dadine ia ngungsi ke alase, ngae pondok di muncuk bukite.

Ditu di desa merta sari, desane linggah tur asri. Gemah ripah loh jinaei. Masyarakate idup makmur.
Petanine tetep mupu sabilang mapulapulan. Santukan ditu ade danu linggah gati. Ida dewi danu ica tur
pmapaice kerahayuan ring panjakne sami.

Sedek dina anu I dadong REBO luas ke peken desane, ia dot pesan meli penganggo muah sarane
pasucian. Men sube ia nganggo baju ane rograg tur magobe dekil. Sesubane neked di peken liu anake
ngetarang adi I dadong REBO tusing taen masugi, kulitne daki tur kakah, bok ne semput care duk
gempel, buine nganggo penganggo ane sube rograg. Kerane gobane aeng tusing ane anak bani maekin.
Keto masi dagange pade ngejohin. Ape buin ia kesengguh bisa ngeleak.

Saget ade anak alit bagus pisan, wanen ia maekin I dadong REBO. Takonine I dadong REBO, eh nak odah
adi bengil gati ragane, sing ke ngelah yeh jumah anggon mesugi? Mesaut I dadong REBO: eh anak cenik
kume lindung cai, dong wanen ibe teken kai. Awak nu meboreh cekuh wanen iba ngorahang kai bengil.
Neh not kai ngabe isin alas, ne ade siap keker lakar kai adep anggon meli penganggo. Keto I dadong
ngeraos sade jengat tur nelik, ulian gedeg basangne.

Kerane gobane aeng, anake cenik ento jeg jejeh ningalin, batisne ngejer tur kanti pesu enceh, melaib ye
ngalih memene. Meme tyang anune jak anak tua bengil sade jengat tur matane nelik.

Ulian sapetekan I Dadong Rebo, mekejang anake melaib, prejani dagang-dagange di peken ngenggalang
nekepin dagangane tur melaib, apang tusing enggalan capatine ajak dadog REBO. Keto nyen karma
desane mapisuna ngorahang anak buka I dadog rebo bisa ngeleak. Yen alih benehne ia care keto ulian
bekung sing dani ngelah panak, buine ia ngoyong di tengah alase tusing ngelah penganggo, kaling yen
pepayasan ane melah ane lakar dare dogen nu keweh I dadong ngalihin di tengahin alas.

Ningalin indike punika jero bendesa rauh tur namdabin. Eh anak odah dong dadi serab bane pekeni ulian
sapengrauh dane. Keto jero bendesa mapajar sada alus banban.
Mesaut I dadong REBO, eh jero bendesa tyang boye je mapetakut deriki ape buin lakar nyakitin anak,
tyang wantah jagi matumbasan nangging ten madue jinah. Ne tyang ngabe keker lakur anggon pesilur
belanjaan tyange. Ben goban tyange jelek buka leklek kene ade anak cenik nyacadin tyang. Ditu tyang
pedih, ben ulian lacur tyange dong dadi ati gati kayang anak cenik kume lindung keto bani nyacad
padewekan tityange.

Oh keto, nah ne jadi bang be gelah meli kekere ento apang ade anggon dan meli penganggo muah ane
len lenan. Keto raos jero bendesane. I dadong REBO melengok bengong angob tekenin alus banban jero
bendesa damdabin ia. Tusing taen ia nepukin ade anak polos care keto.

Disubane baange pamelin keker, ngenggalang ia ke dagang bajune meli penganggo. Ditu dagange nu
jejeh tekening I dadong REBO. Sambilange ngejer dagange ngadepin ape ane tagiha jak I dadong REBO.
Sesubane ia suud meblanja ngengglang ia mulih ke muncuk bukite.

Disubane I dadong REBO mekalah uli peken liu anake ngortaang buat jele bikas I dadong REBO duke
dumun. I jero bendese namdabin, dane mapajar : eh pare wargi makesami saje je jele bikas I dadong
REBO dugas ipidan nanging anake jele tusing je setate jele, minab ia sube tusing care ipidan. Buine sing
dadi I rage ngortaang anak kene keto yen tuare ade bukti.

Buin manine.

Anake alit sane nyapatin I dadong REBO mekabar ngebus dingin, keto masih dagange ane ngadepin baju
ngebus dingin sepeninggal I dadong REBO. Liu aneke ngortaang gelem anake alit lan dagange di peken
ulian ke endahang olih I dadog aksasa. Ditu buin pare kramane pedih.

Kramane ngeke daya lakar ngematiang I dadong REBO. Kramane seke bedik ngebah kayu di bukite, ade
ane nganggo umah, ane ngnggo pedau tur ade masih ane anggone badan sampi. Makelo-kelo sayan
medikang dogen kayune di alase. Borone di alase sayan keweh ngalih mah tur yeh. Keto msai I dadong
REBO.

Kerane keweh ngalih lakar daar di alase, I dadong REBO buin tuun ke desa. Ditu ia paling mejalan
pedidine. Wargi desane sube naenin teken sapengrauh I dadong REBO. Ulian ento makejang anake
mecelep ke umah ne, takut gelem ulian I dadong REBO ngeliwat.
Karene tingaline sepi, ditu lantas I dadong REBO paling. I mejalan kemu mai ngalih dagang, nanging lacur
tusing ada dagang nyang abesik. “Nah yen ade anak ane sing nyak pesu kal enyagang jani umahne” Keto
I dadong rebo ngomong. Dingehe ajak kramane. Ditu silih sinunggil kramane ade mesaut, ngeke daya
lakar nguugang umah idadog REBO. “Apang twange asane”, keto kramane ngeraos. Ditu sube sekayan
batu lan kayu beten umahne dadong REBO ke paling oleh kramane. Sekebedik tanah bukiti ulung tur
longsor.

Liu kramane masolah kaon kadi punika, ulian kewentenan wicara I dadong REBO demen nyakitin anak.
Ne jani ulian liu kayune palinge, yeh danune ngangsad aad. Ida hyang dewi danu duka ulian solah
panjakne. Kerane danune ngansan aad anake ane metani keweh ngalih yeh, ngawinang hasil petanine
ngansang medikang.

Disasih kaulune, I dadong REBO lakar tuun ke desa. Tingaline bukite sube lngah ade kayu. Ditu
danepedih. Ulia pedihne ia ngeling gerong-gerong. Ngatonang indika punika Ida Hyang Bhatara Indra
Bendu mewastu ida mapaica ujan bales. Bales gati ujane ulung uli semengan nganteg ke sanje. Kerane
bukite sube kauugang dadone wenten longsor , keto masih umah idadong raksasne ulung kene longor.
Bukite tegeh lad umahne dadong REBO sube enyag, tanahne ulung ngirug danu meawastu danune pegat
dados kalih. Ane danginan ke orahang danu bulian ane dauah keadanindanu tamblingan.

Ulian kene longsor punika desane ane asri tur setata mengamgihin merta medadi benyah, asing papula-
pulaan keanyudang blabar, sarwa buron ubuh-ubuhan mati. Sampi kucit godel kambing makejang mati
pakeplek-plek keni longsor lan blabar. Akeh endut nyanyad ring sawewengkon desa. Ulihan ento desane
keadanin desa benyah.

Ngatonang indike sapunika dane jero bendesa maupang desane. Ring sajeroning paruman kacumpuin
jagi ngelaksanayang yadnya pinaka ngaturang guru piduka lan nunas kerahayuan jagat, yadnyane ento
mawasta yadnya danu kertih.

Ring sajeroning yadnya punika tumedun Ida Hyang Dewi Danu. Ida Mapajar sumangdene kramane becik-
becik nyaga peican ida sane merupa telaga/danu. Sampunang ngusak asik ring wewedangan palinggihan
ida miwah palinggihan Hyang Bhatara indra ring Bukiti Agung. Rasis Ida Hyang Dewi Danu Pamaica tirta
suci. Tirta sane kemedalang makebyak glang sekadi mas. Runtuh tirtane ring purwa medal dados swan
kuning lan swan besi. Ring sisi pascima taler kapaica tirta suci, tirtane ento mekadi emas, wewidangan
punika mangkin kesengguh dados Yeh Mas. Asing panugrahan ida bhatara dewi danu kaanggen tirta
panglukatan anggen ngelukat jagate sami.

Makelo kelo wus ngaturang yadnya danu kertih tur ngelukat jagat wewidangan desa benyahe ngancan
masari, asing pajalan I karma ngemanggihin sari. Memargi beneng kangin kauh kaje kelod jeg rahayu
pemargin I krame tur setate pekaryan I karma mesari. Ulihan ento desa ne ane benyah ento mewasta
Panca sari.
Nah keto nyen alit alit ngajak mekejang denyen de pesan nyen ngortaang anak kene-keto yen tuara ade
bukti, ulian kaon laksane buka keto ida batara dados bendu tekeneing panjakne.

BUine de pesan nyen ngemaling kayu di alase. Kerane yen kayune ilang yeh danune pastika ngangsan
medikang tur bisa ngeranayang longsor nuju masan ujane. Yening longsorne ulung ke danu sinah
danune ngangsan nyenikang ulian kaurugin longsor. Yen sube danune usak sinah, jagate lakar
ngemanggihin kaon.

Ngiring alit alit ajak mekejang, jage lan lestariang wewidangan alas lan danu. Sampunang ngemaling
kayu, sampunang makarya cemer ring danune.

Sampaiakan pesan lagi ya