TALUH MAS

Ada kone daa tua dadua dibanjar ayu, maumah mapunduh dadi apisaga.
Daane ane adiri hati. Nanging daane lenan melah bikasne tur dana, demen ia
nulungin anak tiwas.

Sedek dina anu ada dra ulung dipakarangan daane ane corah, krane
tangkahne matatu utsing bias nglantas makeber. Mara daane ento nawang ada dara
ulung dipakarangane. Lantas ia gedeg pesan sambilanga ngulah darane ento,kadena
lakar ngusakang, pamula-mulaane. Laut makeber darane totonan sekereng-
sekerengne, nanging sing ada bisa nglantas, ulung di pekarangan trunine dane.
Mara tawanga ada dara ulung di pakaranganne, lantas ia kema nuduk darane ento,
laut ubuhina melah-melah. Sasubanne was tatunne, lantas elebina.

Sawatara petang dina, darane ento buin melipetan kaumah daane dana,
nglantas macelep ka guungane I pidan, laut mataluh mas. Keto sadina-dina darane
ento malipetan kema, masih ia mataluh. Dadi daane dane ento kendel pesan, maan
pamales emas uli darane ento. Tusing makelo ia dadi sugih, nglebihin kasugihan
desane ditu.

Mare ni daa corah nawang sangkannyapisaagane sugih, lantas ia kema

nylibsib kaumah ni sugihe nagih mamaling dara. Mara darane neked kema lantas
ejuke abane mulih, celepanga kaguungan gelahne, pejnaga jumah meten, apanga ia
mataluh emas ditu. Nanging darane tuara nyak mataluh. Makelo ni daa corah
ngantiang, masih darane tuara mataluh, kamti ia gedeg empose baongne. Mara ni
daa corah ngungkabang jlanan guungane, nget darane ento masiluman dadi lalipi
gede tur mandi, matendas duang dasa. Be, apa kaden tenggkejut daane corah,
lantas jerit-jerit ngidih tulungan. Ditu pisagane lantas pada teka kema, ada ngabe
tumbak, ada ngaba kayu, bakal anghona ngamatioang lalipine ento. Mara pisagane
teked dtu, lantas lipine ento buin masiluman dadi dara alut makeber malipetan ka
alase. Anake ditu pada ngon, nawang kasaktian darane, tur pada takut orahange
darane ituni Betara nyalantara, buina ni daa corah kaucap jele.