Cukuik dunsanak kasadonyo Ampun jo rela nan kami mintak Sagalo kami anak mudo Jari sapuluah nan kami susun Maafkan kami anak randai Kami bamain carito randai Ganti bagurau samo gadang Kami anak randai.................... ( Nama Grup ) Dalam daerah kota padang Carito lamo kami baokan Baringin gadang di tangah koto Anak lah urang talang pitalak Pandai basangguah lipek tigo Elok lah randai di bao tagak Buliah nak sanang panonton kito
Sasimpang jalan ka pacuan Sungguah randai pamenan mato Akiraik usah di lupokan Cubolah timbang dek nan pandai Timbang nagari jan binaso Kami bamain tari randai Manganduang pasan jo curito Bungo si cerek di tapi banda Jikok di rambah tolong rundukan Kami ketek nan jolong baraja Jikok salah tolong tunjuk kan Kaba riwayaik rang dahulu Tasabuik datuak suri marajo Baringin gadang di tangah koto Suku banamo caniago Bujang budiman nan jauah hari Dituruik mamak maso itu Pusako di jawek dek panghulu Samo di danga barito nyo
3. PANYINGGAHAN : Solok silayo bacawan pinggan
Bari batata batang padi Arok dek cayo tarang bulan Palito nyalo di padami Guruah patuih panubo limbek Pandan tasanda di subarang Tujuh ratuih ramuan ubek Adiak batamu mangko nyo sanang Padi sipuluik panjang tangkai Tiok di gatiah lareh juo Apo pakasiah nan adiak pakai Tiok mancaliak sayang juo Luruih lah jalan ka kampus unand Basimpang jalan ka koto tuo Asalai lah nan diangan Anak pisang pulang ka bako Suri tauladan bujang budiman Budi baik baso katuju Kambang lah bungo parawitan Kana lah janji maso dahulu Lenggo geni saba lah dulu Kami nan sadang duduak baiyo Randai lah jatuah maso itu Simak dek sanak barito nyo
4. CUPAK MAAMBIAK LADO : Urang lah cupak ma ambiak lado
Lado di ambiak hari lah sanjo Caliak dek mamak lah untuang ambo Tenggan dek mamak lah jo mintuo Namuah lah bana ambo batanak Aia nan indak lah di parian Namuah lah bana ambo bakandak Ujuak kok indak lah ba barian Bungo satangkainan baru kambang Anak lah mamak si lenggo geni Dari lah jauh ambo lah datang Adiak nan surang pautan hati Janji di ikek sajak samulo Foto di simpan ka ganti diri Anak lah mamak pulang ka bako Indak bacarai lah sampai mati Anak lah urang di pauh limo Pai ka balai hari lah sanjo Kini lah dapek nan di cinto Pataguah iman molah di dado Batu lah sangka balantai batu Rami dek anak lah mudo-mudo Randai lah jatuah lah maso itu Simak dek sanak lah baritonyo
5.INDANG PAYOKUMBUAH : payokumbuah koto nan ampek
Basimpang jalan lah ka limbangan Jalo lusuah ikan tak dapek Badan lah panek dek baranang Bujang budiman lenggo geni Janji di ikek dalam hati Indak basobok nan dicari Badan lah kuruih dek mananti Anak mamak mangkutak alam Samo baniek dalam hati Dandam kasumaik kini lah dalam Dituruik juo si lenggo geni Lenggo geni bungo nan kambang Ayam paniak lah pagi patang Anak mamak datang maminang Ayam lapeh dimakam musang Sinan cakak mangko tajadi Mangkutak alam bujang budiman Simak dek sanak baritonyo Randai lah jatuah maso itu
6.muaro paneh : panjang jambatan deh mamak lah diumbilin
Tunggaknyo basi deh mamak salo-basalo diambiak badak deh mamak sarato camin tuan tabayang deh mamak diruang mato namuah lah bana deh mamak ambo gubala itiak didalamdeh mamak lah kandang urang namuah lah bana deh mamak ambo mambao adiak didalam deh mamak lah tangan urang anak lah urang deh mamak lah kota padang pai ka pasa deh mamak baduo-duo asa lai dapek deh mamak lah kaparintang
si lenggo geni deh mamak gadih nan jombang
bujang budiman deh mamak urang tapandang caliak dek anak deh mamak alam takambang pacik pidoman deh mamak buliah nak sanang janji di ikek deh mamak di dalam hati photo disimpan deh mamak dalam lamari mamak bagala deh mamak sutan mantari rusuah kok tibo deh mamak di dalam hati mangkutak alam deh mamak nyatolah berang ayam tapauik deh mamak lah dek talinyo dimano tumbuah deh mamak sinan disiang pataguah iman deh mamak didalam dado