PANTUN BAHASA BANGKA

Pohon ara daunnya rimbun

Tempat bersarang si burung dara
Uang dan harta terkumpul bejibun
Tapi sayang tidur di penjara

JAWAB BUJANG BESAOT

Pita mirah tutup kerudong
Baju tituron kaen belande
Terasa susah idup dikurong
Tujuh keturon jangen dicube

Jangan dipaot kayu yang patah

Karena susah kaki melangkah
Terasa perotko nek muntah
Nengong mentinak banyak betingkah

JAWAB BUJANG BESAOT

Pucok mengkalak hendak dilempah
Rampai sasa isi belacin
Kalok mentinak banyak tingkah
Cerai saja cari yang lain
====================
Laut terbentang berwarna biru
Angin berhembus daun bergoyang
Semakin kupandang wajah dirimu
Tak kan terhapus kasih dan sayang

Anak kecil berkepang kuda

Rambut lurus bermuka oval
Adinda hanyalah seorang muda
Harapan daku janganlah jahil

Getah nangka ditambal ban

Banting tulang mengais rezeki
Gerangan apakah wahai badan
Menahan beban ditinggal bini

Kario Kurawa tinggal di Kurau

Jago berpantun di ranah Melayu
Kenapa engkau meringkuk galau
Melongo manyun bak bunga layu

Diplasa Abang karna tak santun

Kadung janji pada teman-teman
Terpaksa datang meski tiada pantun

Tangan Abng pegal menimba

Dari petang melupa kartun
Tanah Bangka asalnya hamba
Datang kemari pura-pura berpantun

Manceng di laot Pantai Matras

Bawak seikat ubi talas
Bujang besaot janganlah malas
Ayo cepat bekerja dengan keras

Ambil kayu dibuat gasing

Makan ketupat di rumah ani
Cemane kepale dak pening
Umur lah due puluh empat dak punye bini
Kalo tuan ke Pagkalbalam
Singgah sebentardi warung makan
Kenapa Tuan mulai diam
Apa SMS-ku menggangu tuan

Bunga rampai di dalam puan

Buluh perindu di atas gunung
Adakah sampai kepadamu tuan?
Rindu kekanda tidak tertangung

Ayam disabung jantan dipaut

Jika ditambat kalah laganya
Asam di darat ikan di laut
Dalam belanga bertemu jua

Pucok mengkalak hendak dilempah

Rampai sasa isi belacin
Kalok mentinak banyak tingkah
Cerai bai cari yang lain

Jalan-jalan ke desa pemali

Keseset di jalan mampir ke sempan
Beli gule-gule kek roti
Cemane ikak ni

Keluer pegi beli kue

Kue kereng payah di putong
Biar jadi bujang tue
Yang penting banyak duit di kantong

Pegi ke kebon lewat utan

Ditengah jalan ade kayu melintang
Saat waktu yang ditentukan
Ku ingen ketemu kek abang

Ne panton bukan sembarang panton

Panton asli karya anek bengkek
Khilaf salah kamei mintak ampon
Moga terhibur bi ayuk, abang, adik, bik, mang, nek, akek.

Gei kepasar ngesaic kerang,

Tengah bejelen digigit kerengge,
Dek jedei menghina ras urang,
Sege ras dek jamin masok surge.

Siang-siang ngejer anek ayem,

Ayem e larei ke belekeng umah urang,
Jen gelek igek mandik malem-malem
Kalok penyaket segele tulang.

Atok Urip nek melei rukok,

Rukok dibelei beng tuko Abek.
Daripada ngumpol duit kek ngerukok,
Along besumbang kek amal baek.

Ukan lubang men dek dalem,

Tapi sareng keben kerengge,
Ukan alam e yang kejem,
Tapi urang e yang dek kawa nyage.

Men dek kawa gawei ke uten,

Duit masok jadei musel,
Men serakah lah masok ke beden,
Tanah nek muyang abis de juel.

Lempah daret pucok idet,

Melei pelempah dengen mutor,
Urang Bengkek pandei beradet,
Bier idup jadei terator.

Amang Sukri melei knalpot,

Knalpot lama besek suara,
Men TI lah sekapot-kapot,
Alam ancok urang e sara.

Mutek sang pakai suyak,

Mutek di kebun Kampong Bareu,
Kalok adet lah de lupak,
Banyek urang dek tertei maleu.

Dari Pusuk ke kampong Sekak,

Singgeh sedenget di Beruas,
Banggalah kek budaya ikak,
Darei budaya ade ciri khas.

Punduk di kebun ade tige,

Kebun e ade di Bukit Kuang,
Budaya asli patot dijage,
Sebelum ilang diambik urang.

Jangen langok beramel harta,

Sebab semua ya dek muet rugei,
Jangen sumbong men banyek harta,
Sebab harta dek dibawek matei.
 Melei aek langsung de bukek,
Kena aos lah dek ketara,
Salah satu ciri khas Bangkek,
Urang e rukun banyek budaya.

Pantai Matras de Sungailiat,

Pantai e begus aek e biru,
Men ade urang melarat,
Jengen de tengong beic de bentu.

Sungguh la jeuh kampong tuik,

Saking jeuh e belenje ge sara,
Kampong kamei kampong yang unik,
China kek Islam duduk besama.

Mutor di jalen ngebut gale,

Untong nasib dek betumbur,
Mimang nakne Bengkek suat ne,
Utan gundul danau belembur.

Melei rusep di kampong Mancong,

Rusep de cecel kek pucok ubei,
Jangen takot belakei urang kampong,
Urang kampong banyek bec urei.

Dari Mancong nek ke Kelapa,

Ke Kelapa melei boneka,
Men idup ngelawan urang tua,
Pas di akhirat masok neraka.

Jangen takot berumah tanggek,

 Sebeb rezekei de ator Tuhan,
Jangen takot macel ke Bangkek,
Sebeb urang e pandei bekawan.

Idup di dunia Cuma sementara,

Sebab ya pebenyek la amal ibadah,
Keneng semboyan nek muyang kita,
Adet besendi syara’, syara’ besendi kitabullah.

Jelen-jelen ke kampong tuik,

Jengen lupak mutek kedebik,
Panton kamei cukup disinik,
Laen waktu de sambung agik.

Bangka Pulau Asal Kite

Ikan kerisi dibuet gulai.....
Ikan tenggiri dipanggang ketak......
Yoh sini sape nek mulai.....
Kite bepanton melayu Bangkak...
.
Budi Js
ikan kelesak untuk rampai
tambe senangen tambe kek siput...
pun ikak lah mulai,
Ko ge pengen lah ikutt....~hajar mang....
.
Bangka Pulau Asal Kite
Maen palu pacak tepantok.....
Maen sagak ambik serenggai.....
Kajin lah dalu, mata lah ngantok....
Dek hal bepanton supaya ramai....
.
Khabiel Khurane
anak katak jatuh k'laot
nyangkut d'pelepah batang rubiak
kalo ikx lh mlai besaot
q nx lh biar dx pacak
.
Bangka Pulau Asal Kite
Ukan dak nek mandik di laot.....
Tapi cuaca dek sanget bagus......
Ukan dak nek agik besaot.....
Urang rumah lah ngajak bekelumbus....
.
Wahyu Virgo Back
Si Limbat bermain debus,
ditunton orang pulang pegi,
biar urang rumah nek ngajak bekelumbus,
mari bepantun sampai pagi. ~tariiiiiiiik mang~
.
Feri Hendriadi
Dari terak terus ke teru.
Singgeh suat dirumah papen.
Kalo tegerek hati ne rindu,
tige hari kenyeng dek maken
.
Budi Js
ke pasar lame nyarik pipit
dek telalu dilibes butun
biar mate agik sipit
tetep lajuu bebales pantun ~ahay looy..
.
Feri Hendriadi
Nek mancing ikan lah tudak,
dapet sikok ikan berujong.
Nek nangis bukanlah budak,
nek terbeng bukanlah burong...
ancooooook atei anek mak nak ne lah
.
Feri Hendriadi
Biar bederap dayong sekoci,
kupak nanas didalem kebun.
Apa diharap ke badan kami,
siang bepanas malem berembun....
.
Feri Hendriadi
Jawaban pantun bangka pulau asal kite : malem malem bemaen gambus,
cucok kalo dipanto ngupi.
Men urang rumah ngajek bekelumbus,
dek usah madeh madeh kami...hahahahaha
.
Feri Hendriadi
Ko beli pantun Bangka Pulau Asal Kite : Tok ketok burong belatok,
burong belatok maen di api.
Men mata amang lah ngantok,
ubat e diminom kek kupi...bantai mang
.
Wahyu Virgo Back
Ambik ragek utk naroh kayu api.
itu gale nya untuk dijual,
jangan nue igek minum kupi,
harge gule kini lah mahal.
.
Abdoellah Hazmy
Mang Bangka.. Wi Selingking Wi kelubuk..
kayu melintang arus menumbuk..
Geli ati ningok ikak bekelumbus....
dek sadar selimot e lah kantet dibantai tikus...
.
Feri Hendriadi
Wahyu Virgo Back : bawa sauki pakai kapal,
dipakai nanggok ikan kiong.
Biar kupi kek gule lah mahal,
agik ade gule kabong
.
Bangka Pulau Asal Kite
Kenek ati nek gi ke Jebus.....
Nyarik durin dapet e buni.....
Kenek ati agik nek bekelumbus......
Tapi lah siang kek dilibes bini.
.
Feri Hendriadi
Ditengah kebun maken ubi rebus,
cecel kek ikan asen belanak.
Men lah siang agik nek bekumbus,
ukan cuma dilibes bini tp dipelasah anak
.
Wahyu Virgo Back
Feri Hendriadi.anak kecil rajin menabong,
duit nya ditabong untuk gi pelesir,
emang ayak pake gule kabong,
gule kabong kini banyek dicampur gule pasir.
.
Feri Hendriadi
Gi plesir ke kampong nibong,
beli pisang iket kek tali.
Klo dikampong ikak gule pasir dicampur gule kabong,
along ikak meli e dikampong kami
.
Sutartina Ruchiat hahaha gelik ati bace pantun wak2 ne. keluarlah dr selimot ya jng bekumbus agik. gi lah
mandik
dek kawak dek dimasek kek bini.
.
Bangka Pulau Asal Kite
Ke Pemali gi mancing delek....
Singgah di kebun gi nguser babi......
Men bini lah dek nek agik masek.....
Terpaksa ke kebun gi nyabut ubi...
.
Budi Js
ade ubi mantak dilasek
jadi tapai kek tepung kanji
men bini dak masek
Uwaii, belari ke warung nasi
.
Bangka Pulau Asal Kite
Ke Baturusa gi nanggok kelik....
Ikan kecos si ikan parik.....
Dek kawah amang ke warong nasik.....
Ditingok tetanggek ngemalu dirik
.
Budi Js
pucuk ubi campur kek cendol
kanti nunton tipi oveje
oo Yuk Desi Arisanti Iswari , jangan kek sibuk mencet jempol
Bales lah panton kami ne
.
Wahyu Virgo Back
Daripada makan kueni nafas sesak,
along makan pelem dek pacak muntah,
mon bini dek kawa masak,
malem2 jgn diberik jatah.
.
Sutartina Ruchiat
jalen kaki ke payak benue.
ditengah jalen ketemu kek kawan.
men punya laki mecem wak2 ne.
abis ko pentong kek kayu pelawan.
.
Budi Js
amen ngelempah terong kisik
mintak resep kek amang tuik
men dak kawah ke warong nasik
icak icak bae nitip kek seperadik
.
Dina Bundanya NabillaEka
gi kelaot nangkp parik
yg dapet ikan duri
men kewarung ngemalu dirik
bekumbus bae smbil gi2t jari...
.
Budi Js
cemane care masuk ke belitong
naek perahu kaen panjang jadi layar e
cemane care ayuk neg mentong
Lah kedulu leteh bejalen kaki ke paya benue
.
Wahyu Virgo Back
Makan kuah mi tercampur tatung,
dek makol agik yg punya jimat,
wak2 di BY ni lah gile bepantun,
dek inget agik kek sholat jum'at.
.
Desi Arisanti Iswari
Makan pempek kanti kek bakwan
Makan di tgh lawang
Oo Budi Js ukan daknek ngeyaot cabaran
Tapi takut malu diketawa kek amang...Bantaii yuk tina amang2 ne hehe
.
Feri Hendriadi
Yuk Tina : Ikan delek ikan kiong.
Dilempah kuning campor kek nasi.
Jen galek igek ngerajin nek mentong,
dek kawa dirik ditinggal laki
.
Sutartina Ruchiat
jalen2 ke kp. guntong.
gi ngeliat urang naek bateng pinang.
ukan ko ya galek mentong.
tp wak2 ya yg dek pati renang.
.
Budi Js
ikan yuk dimasek santen
ikan e mantak masen kecut
men ayuk Tina sutek kek bejalen
jangan lupak mesen tukang urut, ~uhuuuy....
.
Feri Hendriadi
Wahyu Virgo Back : Ke sungai due gi ngambik kangkung,
dapet seiket bungkus kek kaen.
Lah nuwe mkn mie kuwah dicampur tatung,
cem kek dek de agik gawi laen
.
Feri Hendriadi
Sutartina Ruchiat :Ujen lebet seger berpayong,
aek e sampai ke kelekak.
Yuk Tina jen nua igek bejalen kekampong2..
gi ngeleteh kaki ketak
.
Budi Js
ulos sutra tenun nya medan
potong bahan tawar berlima
kalo minta pantun nya diteruskan
tolong cicilan bayar dimuka, ~~hajaarrr....
.
Budi Js
Desi Arisanti Iswari :maken bakwan ditengah lawang
dak wajar tu along dipantang
men neg ngelawan kami amang2
belajar luk sampai ke jepang, ~mencial igik mate...
.
Desi Arisanti Iswari
Jln2 pegi ke dusun
Naek perahu ke btg kali
Yg punye status dqkde aben nek nyual pantun
Macem mane kami nek meli
Ambiikk...
.
Desi Arisanti Iswari
@budi jsMelqncong ke jepang jgn sendiri
Men belajar pegi la ke cina
Men nek ngelawan amang2 ku ajak yuk ahyati
Biar abis ikak diganyang
Layaann:-)
.
Budi Js
lempah rujak petai cina
linot mate lempok disudor
weew, ka lah ngajek yuk ahyati yuk tina
takot kami je bawak penepok kasor
~lah menceleng mate bos, liat ku senyum2 sendirik, wkwk
.
Wahyu Virgo Back
Feri Hendriadi,bakar ubi jalar sampai mutung,
ambilkan selang lalu siramkan,
ukan gile nalar makan mi kuah campur tatung,
untuk menghilangkan mahluk yg menyeramkan.
.
Khabiel Khurane
Sutartina Ruchiat gring kamben k'rumah dukun
smpai d'sna ikat d'pager
sking nyamen kwan bpantun
dx trasa prot laper
.
Sutartina Ruchiat
udeh kp jelutong kemudian nameng.
maken rebus ubi cecel kek kelapa.
klok ngumong jangen kek ngerameng.
dek kawa kelak binjol kepala.
.
Feri Hendriadi
Ke Tuatunu gi nangkep tiung,
anek serindit maken kejepit.
Deknkawa kami maken ubi mutung,
muet perut kami jadi sakit
.
Budi Js
calok sambel kek kawan pajoh
tambah peyek nasik ge nambah
kalok lah nampel ke bangka yoh
dak renyek agik laok di rumah
.
Feri Hendriadi
Sutartina Ruchiat : Sungai koba sampai ke nibong,
sungai kurau item aek nya.
Yuk tina tadi lah mentong,
ne lah lbh parah nek muet benjol kepala..
.
Abdoellah Hazmy
ikan julung julung nyangkot dikuali...
bik bik disine minta tulung...mintak cabut bulu kaki...
.
Budi Js
panen lada tanggok disusun
kering lada terpal disingkir
ingen ikak og ningok kami bepantun
dak tau pening kepala kami mikir
.
Abdoellah Hazmy
Tina...gi Kelekak nyarik cempedak...
dapet sikok buet kek lempok...
jadi bini jangen gareng igak...
dek kawa laki nyarik agik sikok...hehehehe
.
Budi Js
oo, yak Abdoellah Hazmy
ketempoh teribik terinjek kaki
surong kek rumpot sampai ke isik
nyuroh bik bik disine nyabut bulu kaki
along dikukot bae pakai kedik
.
Abdoellah Hazmy
Ooo abeng Budi....
ade empat punai sekawan...
dibetet tige jatoh di perigi..
kesian be ki kedik kaki bik bik sekaban...
bende sikok ni lah kek pengikat laki..qiqiqiqi