2. Yang kami hormati, Datuk Pemangku Adat nan cedek pandai ba undang.
ba undang tau magak dengan mageh. pandai mauku dengan menyako,
yang memegang Tali Udang Tambang Teliti. Kok kusut tempek bausai, kroh
tempek bajeneh. silang nan mamatut, ngang nan mamadu.
3. Yang kami muliakan Cedik dengan Pandai, Alim dengan Ulamak. Seluruh
bindang dalam negri. Kok ujan nyo nan mamageh payung, kok kelam nan
mamageh suluh, kok licin nyo nan mamageh tungkek.
4. Selain dari pado itu idok-idok, amai-amai orang penyantun baik budi orang
caruah iluk baso. aus tempek minta ayek, lapa tempek mintak nasi sebab
inyo nan memedang bakul nasi, inyo nan memegang tabung kawo.
5. Begitu pulo adek-adek nan mudo-mudo cepat kaki ingan tangan, cepat
kaki idak menarung, ingan tangan idak memecah. nan di suruh cepat pegi
kok di ibau. pamain di galanggang pausek di balai panjang.
6. Anak umah tango umah, anak semang paro jaka. kecik idak di sebut
namo, gedang idak di ibau gela.
9. Nenek mamak yang kami mulio kan. sungguhpun nenek mamak kami
sebut kan namo, baimbau kan gela sembah tajilo kawan tatabo di tengah
kito di nan banyak. nan duduk baimpit lutut, tegak basing bau di lingkung
bendul nan batumbuk. di pampu lantai nan bajalin nan di sungkup atap
nan basangit di lingkung dinding empat segi.
KATO-KATO ULU ANTA LAKI_LAKI
Nenek mamak yang kami muliakan, ujung baluk kapal melintang, incung
luan patah kemui. dari jauh kami kami datang, ado niat dalam hati.
Sebelumkato sebuah nak kami sampai, unding sebuah nak kami sebut, kami
mohon maap kepado nan tuo-tuo. bajalan kami nak dulu selangkah, bakato
kami nak dulu sepatah.
Nenek mamak yang kami muliakan, ado pun pihak kami nan datang
selangkah turun dari tanggo, bareh tabentang nan kami turut, jalan panjang
nan kami tempuh masuk ka kampung iko. Kampung indah bukan kepalang,
teduh dek nio nan baralek. imbun dek pinang nan bajajo. rumah di renah
lereng bukit di lingkung parit nan bajilo nan di paga kuto nan bajajo. masjid
nyo gedang suraunyo rami, kagum mato kami dek mamandang. latibo kami di
laman rumah nyo gedang laman nyo ujo. naek kami babukakkan pintu duduk
kami lapek la tabentang, baru duduk panapan la tibo, ayek mangiring di
belakang kue taidung kiri kanan.
Adopun sekarang kini pihak kepada penganten kito la duduk babandung duo,
senang la ati dek mamandang, senang dalam kiro-kiro. la bekebek kato
mamak babuwul mati babuwul sentak sebagian nan bana batimbang tangeh
lah di pakai sepanjang sarak la di bao sepanjang adat nan bano adat nikah.
Pada hari nan sehari ko, hari baek bulan batuah. angin tenang umbak selesai.
kini kapal la di laye kan kano janji nan di karang, karang mamak disiki
karangan tuo kampung mamak nan datang, kami mambao kato masak hari
naek sianu ka rumah tanggo nyo. kami anta sepanjang adat kamilepeh
sepanjang sarak.
bak papatah jo patitih, bak pantun jo saluko. pucuk kempeh selaro kempeh,
kempeh semak-semak baluka mudo.
lepeh kandusanak di siko selain dari pado itu kalu mujo indak mengandung
tajalo mamak di ikan, nyampang malang ayah maminang tasauk mamak di
ludak, tapi pintak pinto dari kami latibonyo disiko, kalu inyo jadi bido nan
baek untuk tungkat jalan nan licin, untuk suluh jalan nan kelam, jadi kayu
pemaga adat, dalam beradat pulo nyampang iluk retak tangan nyo kalu
singkat bao mauleh, kok centeng bao mamilai. kalu iluk retak lidah nyo kusut
bao mnenyelesai, kau keruh bao manyeneh. kalu duduk di balai adat, duduk
bao lah samo rendah, tegak baolah samo tinggi.
namun demikian mak, susah la aku nak bakato suka la aku nak ba andai
tentang diri si anukoraso manyadap manga pinang mak ntah ba ayek ntah
idak bak umpama padi seribu awak tumbuh musim ta lampau urat tagantung
di jerami, bilek tinggi nan di adang. tapi sementang nan bak itu mak, pintak
kami dari nan datang yo mintak di terimo anak buah penakan kami dengan
hati nan suci muko nan jerneh
JAWABAN PEREMPUAN
Kalu macam tu mak, lah babalek darah ka muko. senang lah bae hati mamak
tentang anak manantu kami lah digantung di nan tinggi, lah disanda di nan
gedang, lah didalam genggaman tangan.
tentang serah mamak tadi kami terima dengan hati nan suci muko nan
jerneh.
=SEKIAN MAK=