KATO-KATO PENGULUO Mano warih nan kito samo kito jawat, pusako nan samo kito terimo, khalifah
pusako nan samo kito terimo, khalifah nan
(yang tibo dari pihak nan jantan)
Assalamualaikum ww
Pertamo-tamo marilah kito panjatkan puji dan syukur kehadirat Allah SWT atas
rahmat dan ridhonyo pado hari nan iluk ketiko nan baek kito sekalian dapat batemu
dalam acara iko.
Ninek mamak dari suku nan sebelah kampong nan sabagi, tuo tengganai, cerdik
pandai, alim ulamo, serto segalo kito nan hadir kiniko, kecik idak basebut namonyo,
gedang idak pulo di imbau gelanyo.
Kedatangan kami pado hari iko beserto dengan arak iringnyo, dilepeh oleh serai nan
serumpun, ayam nan bainduk ke umah iko hendak menepati janji semayo ikat buek
kito, serah terimo uluor anta penganten.
Ninek mamak yang kami mulyokan, sebagaimano nan lah samo-samo kito ketahui
bahwo adat basendi syaraq, syaraq basendi kitabbullah, adat nan salingkung negeri,
syaraq nan salingkung alam, adat nan setepak, lumbago nan setuang, nan dikatokan
induk undang tambang teliti, induk undang tambang lumbago, mano nian tambang
pusako yaitu yang kito pusakoi turun menurun.
sekretariat tanjung gedang, muara bungo, bungo-jambi, hp. 081 326 000 501
samo kito junjung, khalifah kito junjung dari nabi, warih dijawat dari nan tuo,
manolah warih nan dijawat dari nan tuo yaitu mengenai utang kepado anak, ado
empat perkaro “so turun mandi, kaduo sunat rasul, katigo menyerah anak mengaji,
kaempat menganta anak ke umah tangonyo”
Jadi dalam acara kito pado hari iko, iolah mambaye utang kepado anak perkaro nan
kaempat. Menurut pepatah adat “kok idup dianta ke umah tanggonyo, kok mati
dianta ke tanah layu”
Kami pado hari iko manganta anak ke umah tanggonyo, ruponyo disiko untungnyo
maimbau, mako itulah disiko kami anggap parit nan basudut, aur nan barumpun, yo
kasiko anak kami uluor, kami serahkan, kami uluo dengan hati nan suci, kami
serahkan dengan muko nan jernih, kami uluo kebawah payung nan sekaki kembang,
kami serahkan ke bawah mahligai nan sebatang tegak.
Ninek mamak serto hadirin nan kami mulyokan
Tapi kini pedih-pedih ati kami tekan, malu-malu muko kami usapkan, kareno kami
idak dapat menyerahkan anak buah anak panankan kami dengan emeh nan batail,
perak nan batajau, kereno emeh nan kuneng, perak nan puteh kami idak punyo,
maklumlah kami ikuk meranting kepak meranggeh, bukit lengeh pematang kering,
lalang idak capo idak tumbuh, tumbuh sebatang lah layu pulo (maklumlah kami idup
dek hari nan bagaji, gedang dek upah nan bajangko).
sekretariat, tanjung gedang, muara bungo, bungo-jambi, hp. 081 326 000 501
 buleh ndak kami tetah kami aja tegur, kami sapo anak buah anak panakan kikoko,
“Tebang tebeh baluka mudo, pemalun tegak berdiri, idak ba emeh diserahkan jugo, runcing tanduk samo-samo kito pepat, gedang keleso samo-samo kito pampeh.
silih menyerah diri”
Ninek mamak suku nan sebelah kampong nan sebagi nan kami hormati,
Kini kami serahkan anak panakan kami dengan punggung idak batutup, kepalo nan Akhirnyo kami manyadari pulo bahwa dalam kato penyerahan kami ko sekironyo ado
idak batudung, kami serahkan dengan keris pindek nan balengkuk, keris panjang nan kekurangan serto tutu kato nan idak pado tempatnyo, dengan segalo kerendahan
balimbai, dimano letak dimano iluk, asal dalam pegang pakai, tacacak buleh dijadikan hati, kami unjukan lutut nan duo, kami susun jari nan sapuluoh, kami tundukkan
unja, talentang buleh dijadikan pengapit, ta untai buleh dijadikan tali pengepit nan kepalo nan satu mohon dimaafkan.
jauh, penanting nan berat, jadi biduk sampan pelayang, jadi kudo palajang bukit,
bukit serigi buang-buangan. Kini tu Ninek mamak suku nan sebelah kampong nan sebagi, seran padi dijerami,
penadah kami limpahkan, ninek mamak terimolah kini kapanakan kami serahkan.
Ninek mamak suku nan sebelah kampong nan sebagi
Penyerahan kami iko bukanlah kami serah dengan serah patah arang, tapi kami
serahkan dengan serah patah umbut kareno kami ingin bakampuh itu yo nak liba,
bauleh itu yo nan panjang, sungguhpun putus tapi masih ado suto alus nan jalin
menjalin.

Sapo tau kito idup idak muju sepanjang waktu, kok malang nan sekejap mato, kok
tumbuh anak buah anak panakan ketiko kemudian hari, kok bajalan inyo malintang
tapak, bakato nyo lah menentang bena, kecak betih bak betih, kecak lengan bak
lengan, gedang keleso inyo ndak malindih, runcing tanduk nyo ndak menggerwang
idak tapepatkan, iolah alih kepado kami serai nan barumpun, ayam nan bainduk,
kami bersedio menjadi apar gedang tempat batitik, gedung bacaro tempat balek,

sekretariat tanjung gedang, muara bungo, bungo-jambi, hp. 081 326 000 501 sekretariat, tanjung gedang, muara bungo, bungo-jambi, hp. 081 326 000 501
 KATO-KATO PENJAWAT
(yang menarimo dari pihak nan batino)
Assalamualaikum wr wb.
Ninek mamak dari suku nan sebelah kampong nan sabagi, tuo tengganai, cerdik
pandai, alim ulamo, serto segalo kito nan hadir kiniko, kecik idak basebut namonyo,
gedang idak pulo di imbau gelanyo.
Ninek mamak serto dengan arak iringnyo, kok balayar idaklah salah arah, kok
membidik idaklah salah alamat, memanglah lubuknyo jalo tahambu, lah rantaunyo
rambak tasirak.
Kinitu nan ditunggu lah datang nan ditantik lah tibo, kedatangan ninek mamak kami
tunggu dengan muko nan jernieh, hati nan suci, kok laman lah disapu, tanggo lah
tegak, pintulah tabukak.
Ninek mamak dari suku nan sebelah kampong nan sabagi
Sebagaimano lah samo-samo kito denga kato-kato penyerahan uluo anta nan lah
disampaikan Ninek mamak dari suku nan sebelah kok pepatah ma ujan lebat, pantun
lah ma anak jalai, kini tu kato bajawab kok gayung basambut.
sekretariat tanjung gedang, muara bungo, bungo-jambi, hp. 081 326 000 501
 orang batino mudik badayung, ndak lalu ke muara bungo, tanam ketulo nan
padi, pandai nian mamak menggayung, tulang putuih daging idak keno,
racun manggilo didalam hati
 Ndak mudik ke teluk langkap, galah tasanda di pendayungan, orang cerdik
pandai bacakap, orang pendeka pandai menggayung
 Menggetah dipucuk rotan, keno anak balam tembago, sepatah kato nan
bukan, segalo io belako
Ninek mamak dari suku nan sebelah kampong nan sabagi
Nan selamo ko lah putih mato dek mencelik, lah jenjag liye dek menunggu,
menunggu klo ado kato mamak nan bakato kasih, pememan nan bakato sayang,
syukur Alhamdulillah nampaknyo kini tu kok pintak lah balaku, doa lah ta Kabul, itu
nan kami rumput batang padi, nan kami siyang batang bayam, itu nan kami ujut
petang pagi, itu nan kami cinto siang malam. So kehendak ninek mamak, duo tigo
kehendak kami, tentang penyerahan ko, yo kami terimo dengan segalo senang hati.
Tapi kereno kami ingin bekati samo berat, ndak ba uji samo merah, ndak selimbai
serempak naek, ndak melangkah serempak turun, lah kami cubo merentang tanjung
melingka dulang, lah kami entakkan galah ke awan, lah kami semburkan dayung ke
angin, tapi nampaknyo idak jugo dapat menakik darah ke tiang, idak basuo mencari
kutu ke ijuk.
Kini lah talentang sungai ulak, sekuju di sungai tabir, nasib malang idak dapat di tulak,
nasib muju idak dapat di kabir.
sekretariat, tanjung gedang, muara bungo, bungo-jambi, hp. 081 326 000 501
Kini….
Ninek mamak dari suku nan sebelah, kini mencecah ayek mato tenang, menggalang
ayek mato jatuh, lah samo Nampak, suko nampaknyo ninek mamak menerjun ranjau
nan lapuk, sanggup mengandang mengeliling, itu nan sepuluh kali iluk sebeleh kali
baek. Idak kami elak tuah ndak datang idak kami geleng tanduk ndak tumbuh, kok
terbit kami tuai mudo, titik kami tampung tinggi, kecik tapak tangan niru kami
tadahkan.
Kini tu Ninek mamak dari suku nan sebelah kampong nan sabagi beserto arak dengan
iringnyo, kok laman lah kami spay, tanggo lah tategak, pintu lah tabukak, sesuai
dengan pantun seloko
“cempedak babuah ditengah laman, dijuluk anak sambil balari, jangan lamo ninek
mamak tegak dilaman, naeklah ke umah, kami menanti”

Mari kemari panakan, disiko kito nan tacecak, disiko rangkiang kito nan tategak,
besanda kito kebane lapuk, beteduh kito di batang maranggeh.
Tigo ringgit setengah delapan, sebulan tigo puluh hari, nan sedikit samo kito makan,
nan idak samo kito cari.

Akhirnyo dalam kato-kato penerimoan kami ko, ado kekurangan serto tutu kato nan
kurang pado tempatnyo, maklumlah kereno harap kami talumpat-lumpat, kereno
cemeh kami tarabo-rabo, syaraq nan salingkung alam, adat nan salingkung negeri,
adat nan setepak, lumbago nan setuang, tapi ico pakai nan balain-lain, sungguhpun
menurut takak jalan kami naek, melalui jenjang jalan kami turun, tapi entah ado tapo
ninek mamak nan tegisir lalu naek, nan tasinggung lalu turun. Oleh kerano tu, dengan
segalo kerendahan hati, kami unjukan lutut nan duo, kami susun jari nan sapuluoh,
kami tundukkan kepalo nan satu mohon dimaafkan.

sekretariat tanjung gedang, muara bungo, bungo-jambi, hp. 081 326 000 501 sekretariat, tanjung gedang, muara bungo, bungo-jambi, hp. 081 326 000 501