Sampating
busana
hangemba
busananing
prameswari nata, tinon saking mandrawa kawuryan
abyor mompyor pating glebyar pating calorot pidha
kartika gumingsir papan.
Pnggih
Wus dungkap wahyaning mangsa kala, tumapaking
prastawa gati nenggih upacara adat panggihing
pinanganten sarimbit, nalika samana, pinanganten
kakung lumaksana hanuju mring sasana piniji,
makaten ugi pinanganten putrid wus jengkar saking
palenggahan harssa hamapag rawuhipun ingkang
raka garwa. Lon-lonan ngenira lumaksana
pinangganten
kekalih,
pratandha
suka
hanengenaken mring rasa pangati-atidha suka
hanengen
Balangan gantal
Dupi wis samya caket nggenira lumaksana,
pinanganten kekalih samya apagut tingal, tumuli
kemlawe astane samya abebalangan gantal, kinarya
pralambang manunggaling sih katresnan jati
pinanganten kekalih, pindane suruh sanadyan
dinulu beda lumah lawan kurebe, parandene lamun
ginikit padha rasane.
Pecah Tigan
Ing mangke pinananten kakung gya marepegi
ponang antiga, tumuli tinapak ing pada, pecah
sanalika, sayekti kinarya pralambang antebing
tekade,
anggenya
badhe
mecah
panggulawentahipun rama ibu, arsa madeg
balewisma mandireng pribadi, kinarya sarana
tumangkaring wiji murih lestarining tumuwuh.
Sesinduran
Nalika samana pinangnten kekalih sampun
jumeneng jajar akekanthen asta, dening rama gya
ginendong sindur kekanthi manjing sasana
adimulya, kalenggahakeng ing dampar pelamnan.
Paran to werdine dene pinanganten jroning
lumaksana kanthi ginendhong sindur, sayekti
kinarya pralampita, bilih bebrayanipun pinangantin
sarimbit tansah tinuntun dening reh darmaning
kautaman, tinangsulan dening reh darmaning reh
darmaning palakrami, jumbuh paugeraning nagari
miwah agami ingkang rinasuk. Sanadyan lon-lonan
ngenya lumaksana , parandene ing mangke
pinanganten sarimbit wus ngancik unggyang kan
tinuju , neggih sasana adimulya, pramila katur
sagung para tamu sumangga kula dereaken lenggah
malih kanthi mardika ing penggalih.
Sindur gya linolos, ibu juru sembaga tumuli
hamratitisaken adicara bobot timbang . bp......
gya lenggah ing dampar pinasri, pinanganten
sarimbit pinangku dening rama . kawijil
pangandikane ibu .............., mundut pirsa
dhumateng ingkang garwa- awrat pundi bapakne?