Nuwun para warga saha para rawuh kakung putri ingkang dahat pinundi nundi.Inggih awit palilaning gusti Allah, pengeran ingkang akarya jagat.Ing kalenggahan punika keluarga bapak ……….( tuan rumah ), kepareng amiwaha putra mahargya siwi mulakramaaken putra/ putrinipun ingkang asesilih dyah ayu ……….(nama manten pi ) antuk lanang bagus ……………. Hanenggeh putra atmaja saking panjenenganipun bapak saha ibu ………..( ortu pa ) ing kalenggahan punika bade kita estreni sesarengan reroncen sarto rankeaning upacara adat jawi pangging, utawi temu temanten. Ingkang tinurwaaken kanthi mijilno temanten putri saking sasana busana, labet wis paripurna rinupoko dening juru renggo busana/ juru paes/ crew wedding/ tata rias/mua saking………..mila temanten putri gya kakanti jengkar tepas wangi. Nulya kawuryan ana teja hangenggung mawa praba tuhu punika tejane temanten wanita, ingkang mijil binayang karya saking panti busana.Alengkeh lengkeh pindho sardala lupo anggenyo lumampah anut iramaning gendhing ingkang hangrenganing kapyiarsa, abusana amiwah apepaes cara prameswari ning raja, opo to tandane? Palarapan sinungging awrni kresna.Ing mustaka renengganan cunduk ingakng awngun wulan tumanggal, marmo tinaretes ing sesotya tinatik natik mawa retna.Mungguhing sanggul rinenggo cunduk mentul ingkang tansah hamembat membat lan ugi hamentul mentul, mangkana saha amimbuhi ayuning warni temanten putri hanenggeh dyah ayu ….. Kaapit rama lan ibu genya lumaksana tumuju sasana rinengga jinurung putri domas lan mangggala yudha, ingkang mangke kasedu hanyengkuyung pepanggihanipun temanten Priya lan wanita, alon genya lumaksana sri temanten tumuju bale asri kepareng mingggah sitinggil.Temanten putri marmo kapratitisaken dening juru paes/ juru rias/ juru rengga busana, juru tata rias/ profesinal tatarias ……putri domas lan manggala yudha tansah kumering satindaknyo.Kawistara wus prato ing panti pinajang, milo risang pinangantiyan ing acaran sungging ( foto ) sesarengan kaapit rama lan ibu tan kasupen putri domas lan manggala yudha. BEDOL KEMBAR MAYANG Sigra cancut gumrengut cancut taliwandha hangemban jejibahan kinen hanyungkuyung pepanggihane temanten sekaliyan, kinen hambedol mayang sakemabaran, iyo sekar dewandaru sakembaran, iyo kembar mayang iyo kembang mayang, mangkana kawistinggal bagus bagusing warna.Sembadha ing karya tuhu punika mustikane para jejaka, ingkang awasta risang manggala yudha, kasedu sinaraya dening keluwarga agung bapak …………( ortu pi ) kinarya hamapak rawuhipun temanten Priya dalah para pangekaring pingganten kakung.Pinondongan linggar saking sasana pasanggrahan tumujuning panti pawiwahan agung jumujuk ing ranupadha hanenggeh papan kang tertamtu pinangka papan pepanggihanipun, kanti bedolipun mayang sakembaran mratandaaken bilih uapacara temu temanten sigra kaleksanan, mugi gusti Allah ingkang maha wikan tansah paring nugraha kabagyan temanten sekaliyan, anemuo bener lan kabeneran. Miyai langgening talang ya anggelar pandam cor tunoner kekonang, surung soroting tan padang kasorong lan pajare purnane gegana dasaring mangsa katigo, imo anaweinging anjungan jala. Para rawuh kakung putri mekaten kembar mayang sampun kaleksanan binedol mila dungkap titiwanci tumapaking gati PEPANGGIHANE TEMANTEN kakung lan putri kanti asesanti jaya- jaya wijayanti mugi jaya awit berkahing gusti Allah ingkang maha suci.Sumangga kita estreni sesarengaan pepanggihaning ing kalenggahan panggihing niki.Para rawuh kinarya paring pakurmatan panggihing penganten handika sami kasedu jemeneng sawetawis sumangga kawula dereaken. TEMU TEMANTEN Kumandang larasing gendhing kodok ngorek, marmo hambarung pepanggihane pinanganten kakung lan putri, satuhu angulat pakartine para raja ing kedaton, miyos hanganti garwa prameswari muhung barong lantaran kodok ngorek jumbuh ing kalenggahan punika pinanganten putri wus medak saking satinggil. Daya daya ametuk rawuhipun ingkang rakanata.Sawetawis katinggal saking katebihan dampyak dampyak tindaknya pinganganten kakung dalah para pengarak anyaketi sasana wiwaha inggih bale wiswane bapak ………(ortu pi ) soyo cedhak soyo celak genya lumampah temanten kekalih, hangenya sami anyaketi ranupadha uborampe pangging hanengging ing sasana kang wus tertamtu minagka papan panggihing temanten sekaliyan, keder ndredek kang rinoso jroning jojo.Pinanganten sekaliyan ingkang arsa pepanggihan, soyo caket soyo parek, soyo cedhak, soyo celak pingangnten kekalih dening kang kaesti temanten kakung lan putri muhong sih pangestu para tamu kakung putri mugi anggene apolokrami tansah rinobyong robyong murah rizki. Saksana temanten putri mulat teamnten kakung, teamanten kakung hamirsani temanten putri.Mangkono tempuking catur pandulu nuwuhake lindu jroning jojo.Saksana teamnten kekalih kumlawe kang asta hambalangken sadak kang kinarya saking suruh ginulung tinali lawe tondho pratitis pamilihe lha menika to janmo kang kinarsake dadi jodhone, marmo binalang sadak kang kinarya saking suruh tinali lawe puteh suruh labet kasusu selak weruh kang Dadi jodhone, tinale lawe puteh lambange kasucen mugi genya bebrayan sekalihan among adedasar niat sarto gegayuhan ingkang suci.Nulya temanten kekalih jawat asta ateges sesalaman kapratitisaken dening ibu renggo buasana mugi gusti ingkang akarya jagat tansah pinardawa kamulyane. Dene temanten putri sumembah hanguwos pepodho tondho bektining kang tanpo upomo.Jumbuh kalih suraose ayat saking al qur’an surat an nisa ayat 34 ……..Satuhuning kaum Priya iku mujudake pemimpin tumrap kaum wanita labet wus kaparingan kaluwihan mila kedah den bekteni, dene pinanganten kakung mulat antiga ginakaet ing bokor rukmitan saronto ing wardaya antiga tinindak ing podho pecah sanalika. Bundering kanangan antiga mralambangaken tekat temanten kekarone kang wus bunder kempleng golong gilik sayuk sayek saeko kapi.Antiga kapecah mengku pralampita mugo mugo sak wunyo polokrama temanten karone biso pecah nalare mandireng pribadi lepas saking tanggel jawabe tiyang sepuh sekalihan.Temanten putri amijiki amparane kang garwa mawi toya kembang manca warna, temanten putri kajumenengaken dening temanten Priya gadahi tanggel jawab paring pangayoman kang sembadha linambaran deranging asmara agenging trisno. LIRU KEMBAR MAYANG Sunartan acaoro liru kembar mayang yo acoro ijol ijolan kembar mayang.Kembar mayang kang lumebet sasana mralambangaken nugraha agung saking ngarsane gusti Allah ingkng maha sugih.Wondene kembang mayang ingkng medal saking pasiti pesto mralambangaken gudha rencana miwah angkara murka sarto sambikala ingkang binucal tebih. Saksana temanten kalih jumeneng jajar semandhing temanten kakung anyang sono sisih kanan dene temanten puti anyang sono ing sisih kereng, nuli bapak ……….( ortu pi ) sekaliyan anyeketi temanten kekalih.Temanten sekaliyan gya dinulang bogo mewah pinaringan unjukan tirta wening, temanten kekalih dinulang sega putih dening bapak ……. (ortu pi ).Mugo mugo bening pikire jenjem penggalihe, among ka ayem lan kantentreman kang tansah tinemu. GENDONGAN Nuli temanten sekaliyan sinampiran sindur ingkang awarni rekta miwah seto ateges abang lan putih dening bapak …….(ortu pi ), Kanti acdicara Sindur binayang, ingkang tansah ngemu pralambang anetepi sabdatama ki hajar dewantara “ Ing Ngarsa Asung Tuladha, ing Madya hambangun karsa, Tut Wri handayani “ Marmo ginendong mawi selendang kekarone awerni rekta miwah seta digigolo mugi temanten kekarone tansah tinuntun rehing kautaman wani belo bebener wedi nindaake kanistan, alon genya lumaksana ingkang amengku karso sarwi hangendong temanten Priya lan wanita kanti acoro singepan sindur.Yo acoro gendong sindur yo winastan acoro sindur binayang lamun keni kawelo ing lisan pangudi asmoro driyaning bapak …… tumrap temanten kakung lan temanten putri. Ngger putraning rama labet mangsilangut kang siro tuju yo ngger mulo sing ati ati ojo pegat ing kaprayitnan, mangkono jinurung pujo puji mugo- mugo kang akarya jagat tansah paring rahmat maring siro sakoloron kaki nini. KROBONGAN Wus prapto ing sasana kang tinuju tindaknyo ingkang amengku karso genya gendong temanten, prapto ing sitinggil inggih panti pinajang, temanten kekalih nulya kapangku dening bapak …….., kapratitisaken dening juru renggo busana sanking ………..ingkang madepok wonten …….. milo risang teamnten kapangku dening bapak …….( ortu pi ) Kanti adicara bobot timbang.Temanten kakung pinangku ing ampeyan sisih kanan wondene temanten putri kapangku ing ampeyan sisih kereng, nuli ibu ……..kepareng nyuwun pirso nuwun sewu awerat ingkang pundi pak? …..podho abote iki bu ………Tondho pangrengkohe keluargo agung bapak ….. tumrap temanten kakung lan putri, kekalihipun karengkuh kadi dene putra miwah putri piyambak. Saksana temanten kekalih klaengggahaken dening bapak ………kanti adicoro Tanem Jero, Sak wusyo polokrama temanten kekarone ugi kinudang mugo biso urip mulya mukti Wibowo tan kalendran ngagungaken asmane keluargo ngluhurake asmane wong tuwo bebasan mikul duwur mendhen jero. Wus satoto lenggah temanten kekarone nulya ngleksanaaken adicara Kacar kacur, minangka pralampita raos tanggel jawabe temanten kakung dening temanten putri anyekepi baga wastra mewah sasana , tegesipun nyekapi pangan sandang lan papan mewah pareng pangayoman kacu bangun tulak jinereng ing pangkone temanten putri wondene temanten putra ngasta tilam lampus isi uborampen kacar kucur, ora sronto ing wardaya uborampe kacar kucur gya sinuntar wonten pangkone kang garwa.mangkono lamun cinandra kacar kucur, kacar kucur, kacar kucur mugo mugo uripe temanten biso sempulur awit berkahing gusti Allah kang maha luhur, kacar kucur kacar kucur kacar kucur wong liyo biso dadi sadulur miwah kacar kucur kacar kucur kacar kucur yen awan padha ngluyur yen bengi tunggal sakasur, menika ingkang awasta jejodohan uborampe kacar kucur kang katampi dening temanten putri milo katur wonten ngarsane bapak lan ibu …… pralampita yen to tiyang sepuh kedah paring wewarah pitedah saha panggulowentah, muo Widodo lestari bebrayane temanten kakung lan putri. Ana Kenya kalih kang endah sulistya warni angasta bogo rinengga peni katur temanten kakung lan putri ingkang nedya DAHAR SESARENGAN Yo dahar dulang dinulang temanten kakung atur dulangan dumanteng temanten putri, temanten putri ugi paring/ atur dulangan dumateng temanten kakung.Linambaran esem kang pahit madu marmo kumembang ing lati “ Duh kang mas marem ing lati pinampi pandulang panjenengan kang mas “, semono ugo aku yayi roso marem jroning ati yen to nompo pandulang iro wong ayu Nadya wujute naming sego putih lawuhe iwak gerih, lamun kang mas caket ana sanding iro diajeng pindo mungguhing suwarga luko. Mekaten menggah biso kawiyos ing lisan pangudi asmaraning driya temanten sekaliyan kang wus sesandingan sarto dahar sesarengan, nulya temanten kekalih nedya ondrowino inggih NGUNJUK TIRTA WENING sesarengan kinarya dadiyo kekiyatan anggen iro amurwakani mangun bebrayan mugo ilang suker sakite, kare bagas kawarasane ilang senthek sukertane kariya bagya mulyane.Ana jejaka kekalih kang pekik tur bagus endah sulistya warno angasta unjukan tirta wening katur temanten kekalih bade manggih duh kita lan bagya mulya arso tinempuh piyantun sekaliyan bungah susah padha dilakoni bebasan ringan sama dijinjing berat sama dipikul.Gembul bujana dalah ondrowino sampun paripurna, nulya bapak….sekaliyan nedya jengkar saking dampar palenggahan kepareng hamapak rawuhipun sang besan kanti adicara mertuwi yo adicara tilik nitik yo adicara MAPAK BESAN sarwi gegandhengan asta panjenenganipun bapak…..( ortu pi ) sekalyan hamapak sang besan kinaseh hanenggeh ingkang kinurmatan bapak……(ortu pa ) sekaliyan ingkang mijil saking telatah ……. ( alamat manten pa ). Kawustingal saking katebihan mandap saking roto titian mijil saking wisma palereman bapak …..( ortu pa ) sekaliyan.Inggih rama lan ibunipun temanten kakung, ingkang kepareng rawuh ing kalenggahan menika ( punika ), ketebang ketebang lumampah lon lunan lumebet ing panti wiwaha.Prpto ing gapurane panti pesta mangkana pinapak dening bapak ……..( ortu pi ) sekaliyan, esem kang pahit madu kumembang ing lati.Mangkono saksana pyuk gapyuk, kanti jawat asta bapak….( ortu pi ) hanggandeng bapak….( ortu pa ) , lon lunan tumuju sasana rinengga temanten.Temanten sekaliyan jumeneng atur pakurmatan dumateng rawuhipun sang werdha catur, sawetawis bapak ……( ortu pi ) sekaliyan kadereaken lenggah ing dampar palenggahan caket palenggahanipun temanten putri.Wondene panjenenganipun bapak…..( ortu pi ) sekaliyan pinarak lenggah ing panti palenggahan sisih kanane temanten kakung rawuhipun sang werdha catur soyo damel jangkeping kabgyan risang temanten sekaliyan. Nulya temanten kekalih anglepas kalang canela ( sandal ), temanten kakung anglolos duwung ( keris ) nedya sumungkem angabiyantoro dumateng rama lan ibune kanti adicara ngabekten yo ADICARA SUNGKEMAN.Canela linepas duwung linolos, temanten kekalih nulya marak sebo mangkono depe depe tan silahing, bebasan jaja teken yanggut siwito wonten ngarsane ibu lan rama sarwi andap asoring manah “ pangabekti kulo katur rama lan ibu miwah nyuwun lumunturing puji astuti “ iyo yo nger tak tompo, gawene gedene pangestune rama muga tumandhuk marang sliramu wong ayu.Gilir gumantos temanten kekalih hanggenya anyungkemi pepadane kawiwer wiwer rekmane sinartan lumunturing berkah pangestu mugiya genya palakrama temanten kekalih tansah manggih yayu hayem tentrem, paripurna sumungkem wonten ngrasane bapak ….( ortu pi ) sekaliyan. Temanten kekalih sumungkem wonten ngrasane bapak ….( ortu pa ) sekaliyan, ngerpepeh ngerpepeh pindo soto matarangan genya lumampah temanten kekalih, tinampi sungkeman winsik wewarah luhur sinartan lumunturing puji astute, mugi mugi genya polokrami temanten kakung lan putri tansah winantu ing suko basuki, kawistingal kanti gilir gumantos risang temanten hanyungkemi pepadanipun bapak …..( ortu pa ) sekaliyan , inggih kepareng ngaturaken puji konjuk sak andaping pepadha miwah nyuwun puji astowo mugo hanggenya bangun balewisma tansah winantu ing suko basuki nulya kales ing rubedha nir ing sambikala jumbuh kang ginayuh lulus raharja kang sinedya. Paripurna adicara sungkeman katur rama lan ibu kepareng sungging sesarengan, katur bapak ….( ortu pi ) sekaliyan, kepareng hangapit temanten kekalih nedya kalestantunaken dening …..( fotografer ) miwah …….( shooting ) mugi kenging kinarya pangenget enget mbenjang kauri lamun temanten kakung lan putri ingkang rinupoko dening juru paes saking …….sami hamirsani lembar bogo lembar album keluarga saking ……( fotografer ) mieah hamirsani video ingkang rinepta saking ……( shooting ), mila tertamtu enget rikala sinengkaake ing aluhur dadi raja sedina ratu sedalu hinggo tuwuh greget ingkang makantar kantar kinarya gayuh gegayuning kayun mamayu bawana mugo- mugo widada lestari bebrayane temanten.
Parz 2019 Second Claster ….Manfaat…..Barokah Ya rabb…..