Batanghari aeknyo tenang

Sungguhpun tenang deras ke tepi

Anak Jambi jangan dikenang
Kalo dikenang merusak hati

Hidup api pangganglah kuau

Kuau dipanggang si abang kaki
Maksud hati nak meraih pulau
Pulau dijago sinago sakti

Kami ba umo di lereng bukit

Rebahlah padi digiling batang
Kami umpamo si burung pipit
Kemano terbang di halau urang

Lubuk pungguk tepian napal

Tempat budak mencuci baju
Awak biduk nak serempak kapal
Idaklah mungkin nyo samo laju

Kalo ado gelang di tangan

Idak melurut cincin di jari
Kalo ado tunang awak nian
Idak merebut si tunang kanti

Bederai hujan di rimbo

Tibo di padi bederai jangan
Becerai kito di muko
Namun di hati becerai jangan

Kalu ado mobil ke Bungo

Numpanglah aku ke Rantau Panjang
Kalu ado cewek butanyo
Katokan aku sudah tabuang

Muaro Bungo medan buperang

Jepang masuk Belando lari
Hilang bungo dapat dikarang
Hilang kau kemano kucari

Kota Bangko bepagar bilah

Kota Jambi bepagar besi
Kota Bangko kutinggal sudah
Kota Jambi tempat ku jadi

Seberapo rimbun kayu di Jambi

Rimbunlah jugo kayu di Tungkal
seberapo rindu kau nan pegi
Rindulah jugo kami nan tinggal

Ke talang pegi mulatah

Pegi merumput lanyo padi mudo
Malang nian nasib kau antah
Tibo lah di mulut tebuang jugo

Anak cino menanam ubi

Ubi tetanam dimakan babi
 Anak siapo nan bepantun tadi
Cubolah diulang sekali lagi

Macam mano awak nak mandi

Banyak lah bilah daripado buluh
Macam mano awak nak jadi
Banyak yang negah daripado nyuruh

Macam mano awak nak mandi

Anak buayo di bawah titin
Macam mano awak nak jadi
Adek kayo abang musekin

Cik Siti mngepang rambut

Rambut tekepang sebelah kanan
Kalo sudi surat disambut
Kalolah idak buanglah ke laman

Cubo-cubo main galumbang

Sampai ke tepi membao tampah
Cubo-cubo menanam mumbang
Nasib baik negeri betuah

Jangan lah takut minyak tetumpah

kapayang nenek agi babungo
jangan cemeh kasih berubah
sayang betambah dari nan lamo

Atap di ambek bedesau desau

jangan lupo mengambek tali
biak lah badan jauh dirantau
mungkin dirantau ado untung kami

ikan patin ikan seluang...

digulai dengan asam jawo..
ikutkan hati dirantau urang...
tanah kelahiran bisa lupo....

Aduh induk talunjuk ku luko

pancung nyo rebung aur lah beduri
sepantun pungguk terbang ke rimbo
burung lah nang banyak talebih nyo benci

Kalu ado burung yg lepeh

jgn dtangkap dgn anak nyo
jangan menjadi anak pamaleh
idak lah senang hdup d dunio

hari ini menanam padi..

esok lusa munanam serai..
malam ini kita bujadi..
isuk pagi kito bercerai..

makan nasi lauk sambal kangkung...

makan besamo berawang pulo..
rindulah hati nak balik ke kampung...
apolah dayo badan lah ibo...

Batanghari aeknyo tenang,

Sungguhpun tenang deras ke tepi
Anak Jambi jangan dikenang,
Kalo dikenang merusak hati.

Hidup api pangganglah kuau,

Kuau dipanggang si abang kaki
Maksud hati nak meraih pulau,
Pulau dijago sinago sakti.

Kami ba umo di lereng bukit,

Rebahlah padi digiling batang
Kami umpamo si burung pipit,
Kemano terbang di halau urang.

Lubuk pungguk tepian napal,

Tempat budak mencuci baju;
Awak biduk nak serempak kapal,
Idaklah mungkin nyo samo laju.

Kalo ado gelang di tangan,

Idak melurut cincin di jari
Kalo ado tunang awak nian,
Idak merebut si tunang kanti.

Bederai hujan di rimbo,

Tibo di padi bederai jangan;
Becerai kito di muko,
Namun di hati becerai jangan.

Kalu ado mobil ke Bungo,

Numpanglah aku ke Rantau Panjang
Kalu ado cewek butanyo,
Katokan aku sudah tabuang.

Muaro Bungo medan buperang,

Jepang masuk Belando lari;
Hilang bungo dapat dikarang,
Hilang kau kemano kucari.

Kota Bangko bepagar bilah,

Kota Jambi bepagar besi;
Kota Bangko kutinggal sudah,
Kota Jambi tempat ku jadi.

Seberapo rimbun kayu di Jambi,

Rimbunlah jugo kayu di Tungkal
seberapo rindu kau nan pegi,
Rindulah jugo kami nan tinggal.

Ke talang pegi mulatah,

Pegi merumput lanyo padi mudo
Malang nian nasib kau antah,
Tibo lah di mulut tebuang jugo.
 Anak cino menanam ubi,
Ubi tetanam dimakan babi;
Anak siapo nan bepantun tadi,
Cubolah diulang sekali lagi.

Macam mano awak nak mandi,

Banyak lah bilah daripado buluh
Macam mano awak nak jadi,
Banyak yang negah daripado nyuruh.

Macam mano awak nak mandi,

Anak buayo di bawah titin
Macam mano awak nak jadi,
Adek kayo abang musekin.

Cik Siti mngepang rambut,

Rambut tekepang sebelah kanan
Kalo sudi surat disambut,
Kalolah idak buanglah ke laman.

Cubo-cubo main galumbang,

Sampai ke tepi membao tampah;
Cubo-cubo menanam mumbang,
Nasib baik negeri betuah.

Agi lah dulu berambut panjang

Kini berambut nan jejak bahu
Agi lah dulu bukasih sayang
Kini sarupo lah ngidak tau

kayek mandi ke tepian umo

Jangan lah lupo maon kain selai duo
Kami burami dirumah tuo
Menghidup budayo di kampung lamo

baderai hujan di rimbo

Padi-padi baderai jangan
Bacerai kito dimato
Dihati bacerai jangan

Apo di harap ilia ku Jambi

Harap di biduk di ayik dereh
Apo di harap kupado kami
Harap buteduh di kayu anggeh

Apo di harap ilia ku Jambi

Harap di biduk bulantai idak
Apo di harap kepado kami
Harap di tau ku pandai idak

Baumo dalam beluka

Anak siamang dikejar rusa
Kalau biko lah dikota
Jangan lupo kami yang di desa.
 Babiduk dalam payo
Singgah manahik aka jihang
Awak buhuk tidak na ado
Macam puman di katon uhang.

Pandai nian buselup jepang

Tali ijau telapak putih
Pandai nian biko bakundang
Ibarat pulau munyisi buih

Itu ku segan baumo di mampun

Padi ku abih di linden batang
Itu ku segan balik ka dusun
Upat puji fitnah datang

Burung ndu inggap di batang

Inggap nyo didahan kawo
Rindu kau dapek ditahan
Rindu aku saparo gilo

Mudik dusun padang duku

Di mudiknyo padang pisang
Bukan ku ndak dengan kau
Hidupku miskin diriku malang

Kalun adik mumancing umbai

Tulung jugo mumancing atap
Kalun adik idak sasuai
Tulung jugo baon bacakap