Liturgi I : (Sikkola Minggu)

PANOMPAON

Liturgi I.no 1
Dimulana i nunga adong Hata i, jala saor
tu Debata do Hata i, jala Debata do Hata i.
Ima na saor tu Debata dimulana i

-1-
 Liturgi I : (Sikkola Minggu)
PANOMPAON

Liturgi I.no 2
Mansai uli saluhut na tinompa ni Debata,
angka dolok dohot rura, angka
suansuanan na rumatarata, saluhutnai
patuduhon hinauli ni panompaon ni
Debata, tung na so hadodoan do
parbinotoanNa.

-2-
 Liturgi I : (Sikkola Minggu)
PANOMPAON

Liturgi I.no 3
Holan marhite hataNa sambing do. Molo
didok Debata jadi ma ho na tiur:, jadi do.
Songon i do sude. Sandok molo didok
Debata jadi, manjadi ma songon na
nidokNa i

-3-
 Liturgi I : (Sikkola Minggu)
PANOMPAON

Liturgi I.no 4
Hajanghajang, dohot panondang di
hajanghajang ni langit, nang angka
dengke dohot nasa na marhosa masiboan
mansamna dijadihon marhitehite HataNa.

-4-
 Liturgi I : (Sikkola Minggu)
PANOMPAON

Liturgi I.no 5
Di ari paonomhon, ditompa Debata ma
jolma tumiru rupaNa, tudos tu
pangalahoNa, baoa dohot boruboru
ditompa, asa dirajai sandok tano on

-5-
 Liturgi I : (Sikkola Minggu)
PANOMPAON

Liturgi I.no 6
Dung sun ditompa Debata nasa na adong,
maradian do Ibana tutu sian nasa ulaon
panompaon, alai torus do Debata
mangulahon angka na denggan na ringkot
di ngolunta. Amen

-6-
 Liturgi II : (Remaja/Naposo)
PANOMPAON

Liturgi II.no 1
Holan Alani hisaphisap ni daging, ndang
ta ramoti be sude natinompa ni Debata,
tatangkup do angka binatang laho bahen
hiasan dijabunta be, Alani leas ni rohanta,
ndang ramoti na tinompa ni Debata

-7-
 Liturgi II : (Remaja/Naposo)
PANOMPAON

Liturgi II.no 2
Jotjot do hita mambolokkon sampah di
sembarang inganan, ndang ta radoti be
haiason dohon haulion ni lingkungan, Hau
ditaba, binanga ditimbun holan laho
pasauthon lomo nirohanta, ndang
taperdulihon be generasi namangihut

-8-
 Liturgi II : (Remaja/Naposo)
PANOMPAON

Liturgi II.no 3
Parsaoran pe lam lungun, songon i nang
holong nungga lam ngali, sude angka
punguan nang ulaon nungga gabe alat
laho patuduhon haadongan dohot
hapistaranta be

-9-
 Liturgi II : (Remaja/Naposo)
PANOMPAON

Liturgi II.no 4
Holan hasintonganta sandiri do
tahatindangkon, jala jotjot late rohanta
marnida hamujuon ni angka dongan,
ndang adong be roha dame dihita, holan
ungutungut nama ta pasahat tu na
humaliangta.

- 10 -
 Liturgi II : (Remaja/Naposo)
PANOMPAON

Liturgi II.no 5
Alani naung sega angka dolok, gabe masa
ma lalo dohot aek na godang, na gabe i
dibahen sidalian mangulahon angka
naramun,

- 11 -
 Liturgi II : (Remaja/Naposo)
PANOMPAON

Liturgi II.no 6
Asa jagar jala uli diida dongan, gabe
taulahon do ulaon dosa na mambahen
gabe mago holong sian rohanta jala ndang
haduk rohanta manggosa angka donganta.

- 12 -
 Liturgi III-Ina (Ina) ANGKA
PARUNGKILON

Liturgi III.no 1
Nahum 1:7-8, Pardenggan basa do Jahowa,
tau partanobatoan di ari hagogotan, jala
ditanda do angka na marhaposan tu ibana.
Alai marhitehite aek na sumar sun siap
inganannasida dibahen ibana, jala
haholomon mangalotongi angka musuna.

- 13 -
 Liturgi III-Ina (Ina) ANGKA
PARUNGKILON

Liturgi III.no 2
5 Musa 31:6, Pir ma tondimuna jala
marsihohot, unang tahuton hamu jala unang
godoron rohamuna maradophon nasida, ai
Jahowa, Debatam sandiri donganmu
mardalan, ndang tagamon marsombusombu
Ibana mida ho manang tadingkononna ho.

- 14 -
 Liturgi III-Ina (Ina) ANGKA
PARUNGKILON

Liturgi III.no 3
1 Korint 10:13, Holan pangunjunan na
patut di jolma do naung mangonai tu hamu.
Haposan do Debata, ndang loasonna hamu
unjunan lobi sian gogomuna; Ibana na
parohon pangunjunan i, laos Ibana do
mambahen hapateanna, asa tartaon hamu.

- 15 -
 Liturgi III-Ina (Ina) ANGKA
PARUNGKILON

Liturgi III.no 4
Mateus 11:28-29, Ro ma hamu tu Ahu,
hamu angka na loja jala na sorat, asa
hupasonang hamu!. Jangkon hamu ma
augangku, marguru ma hamu tu Ahu, ai na
lambok do Ahu jala na serep marroha, asa
dapotan hasonangan tondimuna.

- 16 -
 Liturgi III-Ina (Ina) ANGKA
PARUNGKILON

Liturgi III.no 5
Lukas 3: 10-11 Gabe disungkun natorop i
ma ibana: Dia nama bahenonnami?. Jadi
dialusi ma nasida: Na marduabaju dilehon
ma tu na so adong bajuna, jala na umpeop
sipanganon, songon i ma dibahen!.

- 17 -
 Liturgi III-Ina (Ina) ANGKA
PARUNGKILON

Liturgi III.no 6
1 Tesalonik 5:11 Dibahen i, sai
masipaingotan ma hamu jala masipauliulian,
songon naung binahenmuna.

- 18 -
 Liturgi IV- (Ama) MAIMAIMA HARORO
NITUHAN

Liturgi IV.no 1
Anggo ninna rohanta nian pintor diuhum
Debata ma jolma i saleleng ni lelengna ala
nunga mardosa; alaindang songon i
sangkap ni rohaNa, ai so tardodo holong
dohot asi ni rohaNa i. dilehon dope tingki
parasianlaho paubahon roha.

- 19 -
 Liturgi IV- (Ama) MAIMAIMA HARORO
NITUHAN

Liturgi IV.no 2
Songon sintong na mangolu Ahu, ninna
Jahowa; tung so lomo do rohangKu mida
hamatean ni parjahat, nalomo do
rohangKu mida hamumulak ni parjahat i
tumadinghon dalanna, asa mangolu ibana.

- 20 -
 Liturgi IV- (Ama) MAIMAIMA HARORO
NITUHAN

Liturgi IV.no 3
Parasiroha jala Pardenggan basa do
Jahowa,lambat tarrimas jala parasiroha
godang. Ndang dibahen tu hitahombar tu
angka dosanta, jala ndang dibaloshon tu
hita hombar tu angka hajahatonta. Songon
asi mi roha niamaama mida angka anakna,
asi ni roha ni Debata di angka na
manghabiari Ibana.

- 21 -
 Liturgi IV- (Ama) MAIMAIMA HARORO
NITUHAN

Liturgi IV.no 4
Ro ma hamu tu Ahu, asa mangolu
tondimuna, ninna Jahowa. Tung sura rara
dosamuna songon abit bungadapdap,
bontar do bahenonKu songon itak, nang
pe rara songon abit hasumba gabe songon
hapas do muse.

- 22 -
 Liturgi IV- (Ama) MAIMAIMA HARORO
NITUHAN

Liturgi IV.no 5
Songon on do Hata ni Jahowa : nunga pola
hupasisi angka pangalaosim songon
ombun, jala songon ombunmanorop angka
dosam. Sai mulak ma ho tu ahu, ai Ahu do
sipalua ho.

- 23 -
Liturgi IV- (Ama) MAIMAIMA HARORO
NITUHAN

Liturgi IV.no 6
Molo tongtong do hita mangolu di
bagasan Hata ni Debata, pos ma rohanta,
sai na donganan ni Debata dohita laho
mangalo hisaphisap ni daging dohot
maninggalhon dosanta.

- 24 -
Liturgi V-(LANSIA) HATUTUBU NI TUHAN
JESUS

Liturgi V.no 1
Ndang pasombuon ni Debata hita
dihaholomon, ndang pasombuon ni Debata
hita dibagasan hagaleon, iluilu nang arsak ni
roha. Beha do bagabaga ni Debata naung
sinuriranghon ni angka panurirang taringot
tu padan hadameonNa tu hita jolma?

- 25 -
Liturgi V-(LANSIA) HATUTUBU NI TUHAN
JESUS

Liturgi V.no 2
Buhaanna ma disi mata ni halak na
mapitung, jala marbinege bahenonna
pinggol ni angka na nengel. Dapotan hilas
dohot las ni roha do nasida, maporus ma
angka arsak dohot hoihoi.

- 26 -
Liturgi V-(LANSIA) HATUTUBU NI TUHAN
JESUS

Liturgi V.no 3
Ndang be male nasida, ndang be mauas,
ndang be ditinggang las ni ari nasida. Jadi
apusan ni Debata ma nasa iluilu sian mata
nasida, ndang adong be hamatean nang
arsak ni roha; nang anggukangguk, nang na
hansit, ndang adong be disi, ai nunga salpu
sudenai.

- 27 -
Liturgi V-(LANSIA) HATUTUBU NI TUHAN
JESUS

Liturgi V.no 4
Satakkarisap lelengna hutadingkon ho, alai
papungupunguonku do ho muse marhitehite
angka asi ni roha godang. Gompul dohot
anak ni birubiru marsaroha manjampal, jala
singa manggagat panabian songon lombu,
jala ulok na manghangoluhon orbuk, ndang
be manjahati manang mangago disandok
dolokhu

- 28 -
Liturgi V-(LANSIA) HATUTUBU NI TUHAN
JESUS

Liturgi V.no 5
Songgop do tu ahu tondi ni Tuhan Jahowa
ala naung nimiahan ni Jahowa ahu
mamaritahon barita na uli tu halak na
dangol, marsuru ahu pauliuli halak parroha
na bojok, manintinghon haluaon tu halak na
tarhurung dohot tu halak na tarrante buha
ni hurungan.

- 29 -
Liturgi V-(LANSIA) HATUTUBU NI TUHAN
JESUS

Liturgi V.no 6
Hehe ma ho marsinondang ma ho! Ai na ro
ma panondangmu, jala hamuliaon ni Jahowa
binsar diatasmu. Ai ida ma haholomon do
manghungkupi tano on, jala hagolapon
angka bangso; alai na binsar ne ma Jahowa
diatasmu, jala marsinondang hamuliaonna
diatasmu.

- 30 -