RIWAYAT FIRMAN

MINGGU, 22 NOVEMBER 2020 KELUARGA YANG TUHAN SAYANG ! ADA TOKOH SATU NAMA MARCUS J. BORG DIA PERNAH
NAS ALKITAB : MATIUS 20 : 1 – 15
TEMA MINGGU INI : HIDUP DALAM KEMURAHAN HATI
TEMA BULAN INI : MEMBANGUN KEHIDUPAN UMAT YANG SEHAT ROHANI DAN JASMANI
KELUARGA YANG TUHAN SAYANG ! SALAH SATU ALASAN MANGAPA KATONG MUSTI ANGKA
PUJI PAR TUHAN ALLAH TUH KARNA KATONG PUNG ALLAH YANG MURAH HATI DENG SENG ADA
ALLAH YANG SAMA DENG KATONG PUNG ALLAH. TAGAL ANTUA MURAH HATI MAKANYA ANTUA
TETAP PIARA KATONG SAMPE ORAS NIH BIARPUN CORONA MASIH TETAP JADI KATONG PUNG
PERGUMULAN BASAR DI DALANG DUNIA DENG GAREJA NIH. MINGGU INI GAREJA PROTESTAN
MALUKU AJAK SAMUA JAMAAT DENG PELAYAN DI GAREJA NIH VOR BALAJAR TENTANG
KEMURAHAN HATI DARI CARITA ALKITAB YANG TADI KATONG BACA, YANG AKANG PUNG JUDUL
ANDE-ANDE SOAL ORANG-ORANG YANG KARJA DI KABONG ANGGOR
BILANG BAGINI ; COBA ALE DONG BILANG ATO CARITA TENTANG ALLAH MENURUT ALE DONG,
LALU NANTI BETA KAS TUNJU PAR ALE DONG , ALE DONG PUNG TEOLOGI. (DALANG BAHASA
INGGRIS ; TELL ME YOUR IMAGE OF GOD, AND I WILL TELL YOU YOUR THEOLOGY ). AKANG JADI
MODEL HIDOP PAR KATONG SAMUA LALU KATONG JUA BISA BILANG ; TOLONG, CARITA PAR
KATONG TENTANG ALLAH MENURUT ALE DONG, LALU NANTI KATONG KASI TUNJU TENTANG
KATONG PUNG PANDANGAN SOAL GAREJA. JADI, KALO KATONG NIH GAREJA YANG HIDOP DENG
BIKING KEMURAHAN ALLAH TUH JADI KATONG PUNG PUSAT HIDOP, MAKA KATONG PUNG
PIKIRAN DENG KATONG PUNG HATI PASTI TUNTUN KATONG SAMUA PAR KAS LIA ALLAH PUNG
RUPA YANG MURAH HATI TUH. LEWAT KATONG PUNG SIKAP HIDOP.
TUHAN YESUS SAYANG KATONG SAMUA, PAR TETAP JADI BERKAT PAR ORANG LAENG DALANG
KATONG PUNG KAHIDOPANG. AMIN !

KELUARGA YANG TUHAN SAYANG ! DALANG CARITA ANDE-ANDE TADI TUH, AKANG KAS LIA
KALO TERNYATA ADA MASALAH ANTARA ORANG-ORANG YANG KARJA DI KABONG ANGGOR TUH
PAS WAKTU DONG DAPA BAGE ONGKOS KARJA. DONG YANG KARJA DAR TEMPO RASA SENG ADIL
TAGAL YANG KARJA BARU SATU JAM SAJA SU DAPA BAYAR SAMA DENG DONG YANG DARI PAGI.
TAPI YANG PUNG KABONG ANGGOR TUH BILANG KALO DIA BUKANG SENG ADIL TAPI KARNA DAR
TEMPO LAI DONG SU BIKING SEPAKAT KALO SIAP TARIMA ONGKOS KARJA SATU DINAR PAR
SATU HARI. ORANG-ORANG KARJA YANG KAMUKA TUH SUSAH PAR TARIMA PUTUSAN ITU, TAPI
ORANG-ORANG KARJA YANG BARU DATANG TUH PASTI DONG YANG ANGKA SYUKUR TAGAL BIAR
BARU SATU JAM BAKARINGAT TAPI DONG DAPA BAYAR.

KELUARGA YANG TUHAN SAYANG ! DALANG ALKITAB JUA BANYA TULIS LAI TENTANG ALLAH
PUNG SIFAT YANG MURAH HATI TUH, CONTOHNYA DI MATIUS 5 : 45 YANG BILANG KALO ANTUA
BASAR TUH KAS MUNCUL MATAHARI PAR ORANG JAHAT DENG ORANG BAE, ANTUA KAS TURUNG
UNJANG PAR ORANG YANG BATUL DENG SENG BATUL. AKANG SAMUA TUH ANTUA BIKING TAGAL
ANTUA PUNG KASIH YANG BASAR MAKANYA ANTUA BISA MURAH HATI PAR ANTUA PUNG
CIPTAAN. PASANG PALENG BAE DARI YANG TULIS CARITA ANDE-ANDE SOAL ORANG-ORANG
YANG KARJA DI KABONG ANGGOR NIH: SATU, KATONG MUSTI JADI WARGA GAREJA PROTESTAN
MALUKU YANG SENG JATUH DALAM DOSA BALAGA DENG IRI HATI, YANG NANTI BIKING KATONG
SUSAH PAR RASA ALLAH PUNG MURAH HATI YANG ANTUA KAS TUNJU DALANG KATONG PUNG
HIDOP. KADUA, KATONG MUSTI BIKING KEMURAHAN HATI NIH JADI KATONG PUNG STANDAR
DALANG HIDOP, SUPAYA KALO KATONG MO BIKING APAPA DALANG DUNIA NIH, KATONG INGA
KALO KATONG MUSTI BIKING AKANG DI ATAS DASAR KASIH YANG MURAH HATI ITU. MANGAPA
MUSTI BAGITU ? SAMUA TUH TAGAL TUHAN ALLAH SU KAS TUNJU AKANG KAMUKA LALU JADI
CONTOH PAR KATONG. APALAGI DALANG HIDOP DI TENGA-TENGA PERGUMULAN PANDEMI
CORONA NIH, KATONG MUSTI TETAP MURAH HATI, SUPAYA KATONG JUA MAMPU PAR JADI
SALAMAT PAR ORANG LAENG.