IBADAH ETNIK

ANGKATAN MUDA GEREJA PROTESTAN MALUKU

GABANG HERMON
Minggu, 30 Mei 2021
TEMA : LAWAMENA HAULALA

 Siap –siap
- Sombayang
- Spontan Tarian Cakalele + Obor (Tabaos)

A. DATANG PAR TUHAN (berdiri)

Menyanyikan lagu Ny. Jemaat GPM No.18 “Mae Somba Upu Yesus”

Mae somba Upu Yesus e, Mae ite somba Yesus e

Mae, mae somba e, Mae somba Upu Yesus e

1. TUHAN ADA DENG KATONG

Liturgos : Basudara samua, Ibadah yang katong bikin ini akan mo jadi deng nama Allah yang
bikin langit deng dunia.
Semua : Amin.
Liturgos : Yesus Kristus yang su tebus katong pung dosa.
Semua : Amin.
Liturgos : Tuhan pung roh yang biking katong pung hidup menjadi baru deng yang bikin katong
tarus - tarus hidup deng Allah.
Semua : Amin.
Liturgos : Tuhan Allah pung Damai Sejahtera turung par katong samua.
Semua : Amin.

Menyanyikan Ny. Jemaat GPM No. 1 : 1,2 “AKAN MANIS LAWANG”

(abis manyanyi semua spontan duduk)

1.
Akang manis lawang, kalo katong samua su bakumpul.
Katong manyanyi sama-sama puji Tete Manise e.
Toki tifa dendang, la rame-rame angka suara.

Refrein:
Katong barsuka somba Tete Manis.
 Katong barsuka somba Tete Manis
2.
Ayo basudara katong samua bakugandeng tangan.
Katong badendang muliakan kasih Ama yang kekal.
Toki toleng-toleng, tiop tahuri angka pujian.

Refrein:
Katong barsuka somba Tete Manis.
Katong barsuka somba Tete Manis

2. MANGAKU DOSA

Liturgos : Sio Tuhan, Sio Allah yang katong somba, katong mangaku kalo dalam
katong pung hidup sabang hari katong seng dengar – dengaran deng tukang
malawang Tuhan pung mau.
Pengurus Cabang : Kadang katong lalai, suka bersungut deng seng bikin katong tugas deng
batul.
Pengurus Ranting : Katong suka baku malawang, laeng kasalah laeng sampe bikin perpecahan.
Anggota : Kadang katong seng pernah topang pengurus dong, tapi bale kasalah dong.
Semua : Ya Tuhan Ampong Katong Jua
Pujian : Selamatkah atau untungkah, kehidupan atau mati ?
Anugrahlah murkamu, Tuhan
Jawablah aku Ya Tuhan
Allah Ampunilah Dosaku
Doaku kehadiratmu..
Kini ku dapat bernyanyi lagi
Bulan itupun bersinar dihatiku dan abadi….

3. ALLAH KASI AMPONG DOSA

Liturgos : Basudara samua, par samua orang yang sungguh – sungguh su mangaku dosa dengar
apa yang Tuhan bilang : Biar kata ale dong pung dosa merah macang deng dara lai,
nanti beta kasih barsih akan sampe putih sama deng santang pukat, biar akan pung
warna merah kaya deng kuli pala lai nanti beta kasi barsi sampe putih sama deng
kapas (Yesaya 1 : 18)
Semua : Menyanyikan KJ 36 : 1 “Dihapuskan Dosaku”
Dihapuskan dosaku hanya oleh darah Yesus;
aku pulih dan sembuh hanya oleh darah Yesus.
Reff:
O, darah Tuhanku, sumber pembasuhku!
Sucilah hidupku hanya oleh darah Yesus.
4. HIDOP IKO TUHAN PUNG MAU (Berdiri)

Liturgos : Tagal itu basudara e, mari jua katong laeng sayang laeng, laeng bantu laeng, laeng
topang laeng deng iko samua yang Tuhan mau.
Semua : Ya Tuhan kasih mampu katong supaya bisa lakukan yang Tuhan mau.

Menyanyikan Lagu “Menyenangkan-Mu”

Menyenangkan-Mu, senangkan-Mu
Hanya itu kerinduanku
Menyenangkan-Mu, senangkan hati-Mu
Hanya itu kerinduanku

(Duduk)

B. BACA DENG DENGAR ALLAH PUNG AJARAN

5. SOMBAYANG MINTA TUHAN PUNG ROH TOLONG (Sombayang deng cara manyanyi)
Nyanyian Jemaat GPM No. 65 “Bapa Siapkanlah Hatiku”
Bapa siapkanlah hatiku aku mau mendengar Sabda-Mu o......
Bapa Sucikanlah Hatiku aku mau mendengar Sabda-Mu
Sabda-Mu kekal penerang langkahku dalam susah dan senang
Berilah Roh Kudus-Mu menuntun hidupku dalam susah dan senang
Siapkanlah hatiku Bapa mau menyambut Sabda-Mu

6. BACA ALKITAB :
7. MANYANYI AKLAMASI : Haleluya, Haleluya, Haleluya
8. RIWAYAT :
(selesai Khotbah Spontan Tari Lenso Masuk sebagai tarian yang mendamaikan segala sesuatu
yang terjadi yang telah dilalui bersama selama ini sebagai Angkatan Muda disertai tabaos)
9. DUDU TADO INGA- INGA PANDETA PUNG RIWAYAT (Iringan Musik)

C. SAMUA PUNG JAWABAN

10. MANYANYI PUJI TUHAN : KOOR/PS/TRIO/SOLO

11. TANDA SAMUA MINTA DANKE

a. PC bertugas : Basudara samua, Tuhan su kasih berkat banya dalam katong pung hidop
tagal itu, mari katong bawa katong pung syukur hari ini.
b. Waktu kase persembahan samua manyanyi
Nyanyian Jemaat GPM No. 212 “Kumpol Cengkeh”
Kumpul cengke kumpol deng nyanyian syukur coba rekeng sio banya lawang e
Reef : syukur akang par Yesus syukur seng putus-putus bilang saja dangke banya Yesus e
 -         Ikang kawang supono di dalam jareng arobae su amper tabale
Reef : syukur akang par Yesus syukur seng putus-putus bilang saja dangke banya Yesus e
-         Bunga Pala di Pohong Barangke-rangke sagu lempeng supono di dulang
Reef : syukur akang par Yesus syukur seng putus-putus bilang saja dangke banya Yesus e
-         Dari dolo suada persekutuan yang badiri atas firman Tuhan
Reef : syukur akang par Yesus syukur seng putus-putus bilang saja dangke banya Yesus e

c. Sombayang : Sio Tuhan Allah, samua yang katong tarima ini akan pung asal dari
Tuhan. Samua yang katong harap, akan bisa jadi tagal Tuhan pung
sayang. Tagal itu katong minta Bapa tolong kasih kuat katong par sayang
samua orang deng tolong katong p ar kalesang samua yang bapa biking.
Amin.

12. MANYANYI PUJI TUHAN : KOOR/PS/TRIO/SOLO

13. SOMBAYANG

D. ALLAH UTUS DENG KASIH BERKAT (Berdiri)

Semua Menyanyikan Lagu “Api Injil”

Tuhan punya maksud..

Par katong pun datuk-datuk
Barmula dorang tarima Api injil
Sakarang dong su seng ada
Yang tinggal cuma pasang
Par anak cucu samua
Sakarang ini

La biar api injil terus manyala

Sio manyala di katong pung hati
La biar akang pung cahaya
Sio tapancar trus la dari ambon
La dari dolo
Sampe Tuhan Yesus bale kombali

1. PENGUTUSAN DAN BERKAT

Pandita : Basudara samua mari pulang deng hati sanang la bikin basudara dong pung karja bae –
bae, tagal lewat samua itu Tuhan pung nama, orang puji dimana – mana. Tagal itu mari
tarima Tuhan pung janji berkat : “Tuhan Yesus Kristus kasih unju Antua pung hati bae
deng kasih damai par basudara samua.”
Semua : (Menyanyikan) Amin.. Amin.. Amin..

(Ibadah selesai semuanya saling berjabat tangan diiringi instrumen keyboard)

“KAMU ADALAH GARAM DAN TERANG DUNIA”