PEMAIN :
1. MANTIKO BUNGO (bambang)
2. PAREWA LAPA 1(rana)
3. PAREWA LAPA 2(sheren)
. PAREWA LAPA 3((rana)
4. TUKANG UBEK TANGAH BALAI(ulfa)
5. SUTAN RAJO GOMBAK(dani)
6. PUTI ( ADIK MANTIKO BUNGO)(intun)
7. MANDE MANTIKO NUNGO(isha)
. SUARA AYAH MANTIKO BUNGO(record)
. SUARA 1(record)
. SUARA 2 (record)
. SUARA 3 (record)
Musik
Talempong (shafa)
Sarunai (shafa)
Gendang 2 (sufi adit)
Akor (fatya)
Nari
Iim
Jajak
Diska
Ica
Legaran
Nida
Karin
Intun
Abel
Icun
Santi
Ulfa
LEGARAN PEMBUKA :
Legaran 1:
( PEMBUKAAN MAIN PANTAN )
MANOLAH NINIK NAN JO MAMAK
SARATO PANONTON NAN BUDIMAN
AMBUN JO MAAF KAMI MINTAK
RANDAI KINI KAMI MAINKAN
LEGARAN 2:
( MANTIKO BUNGO SEDANG BERJALAN MENUJU PASAR/ BALAI/ PAKAN HENDAK MENJUAL HASIL
LADANGNYO YANG DIBUNGKUS DENGAN KAIN SARUNG. MANTIKO BUNGO BERJALAN DENGAN
TENANG SAMBIL MENYANDANG BUNGKUSANNYA. DITENGAH PERJALANAN DIA DIHADANG OLEH TIGA
ORANG PAREWA) .
PAREWA LAPA 1:
MANOLAH BUYUANG NAN BARU GADANG
JALAN BAGAGEH BASORANG DIRI
APO BANA NAN BUYUANG SANDANG
TOLONG JAWEKLAH TANYO KAMI….
PAREWA LAPA 2:
HOI BUYUANG…..!
BATARATIK WAANG SAKETEK…..!
KETUA KAMI BATANYO WAANG ANGGAP ANGIN LALU SAJO…!
PAREWA LAPA 3 :
( MA HAMBEK JALAN MANTIKO BUNGO)
MANTIKO BUNGO:
MANOLAH MAMAK NAN BATIGO
AGIH LALU AMBO BAJALAN
AMBO INDAK INGIN BASANGKETO
HANDAK BASUGIRO SAMPAI DI PAKAN…
PAREWA LAPA 2:
HAHAHAHAHA…
KAMI BATIGO WAANG IMBAU MAMAK…..HAHAHA
HAROK WAANG YO … PUSAKO KAMI TURUN KA WAANG… HAHAHA
SUGIRO WAANG AGIHAN BUNGKUSAN ITU KA KAMI…..!
KALAU INDAK…….
PAREWA LAPA 3:
DA DA DA DARRRRRAAAAM SE LA LA LAI…..
MANTIKO BUNGO:
ALAH BASULUH MATOHARI
BAGALANGGANG MATO AMBO SURANG
JALEH BANA MUKASUIK HATI
RUPONYO MAMAK TUKANG MINTAK MINTAK…….
DICALIK RUPO SABANA HAROK
TULANG KUEK BADAN BADAGOK
NYATO PARANGAI SABANA JAJOK
SUKO MARAMPEH JO MARAMPOK……
PAREWA LAPA 1:
ANAK BINCACAK ANAK BINCACAU
SI NGIANG NGIANG DIDALAM RIMBO
USAH WAANG BANYAK CIRACAU…..
AGIHAN BUNGKUSAN WAANG TU SUGIRO…..
PAREWA LAPA 3:
DA DAD DA DARRRRRRAM KE KE TU TU TU A……
( TERJADI PERKELAHIAN, MANTIKO BUNGO DENGAN MUDAH MENGALAHKAN PAREWA NAN BATIGO)
PAREWA 1.2 .3 :
AMPUN RANG MUDO…….
MANTIKO BUNGO:
MANOLAH MAMAK NAN BATIGO
USAH KARAJO RAMPEH JO RAMPOK
WALAU HIDUIK BANYAK SANSASRO
CARILAH RASAKI NAN ELOK ELOK
Legaran 3
( DITANGAH BALAI, TUKANG OBAT TANGAH BALAI MEMPERSILAHKAN JURU PANARANGAN NAGARI
UNTUK MENYAMPAIKAN PESAN ANGKU DAMANG)
TUKANG OBAT:
MANOLAH DUNSANAK AMBO KASADONYONYO
SABALUN UBEK AMBO BAGIKAN
UBEK SAKIK NGILU JO PANIANG
UBEK GATA BIRIANG JO KUROK
ADO SAKETEK BARUPO PASAN
UNTUK MASYARAKAT SAKALILIANG
MARI KITO SIMAK ELOK ELOK
LEGARAN 4:
( DIRUMAH ORANG TUA MANTIKO BUNGO. BUMI BERGEMURUH DAN BERGONCANG. TERDENGAR
TERIAKAN GEMPA).
SUARA 1:
GAMPO………….
SUARA 2:
GAMPOOOOO….!
CAPEK KALUA DARI RUMAH……
SUARA 3 :
GAMPOOOOOO………
LARI KATAMPEK NAN TINGGI…….
MANTIKO BUNGO :
AYAH….. !
PUTI……….!
( MANTIKO BUNGO KELUAR LEGARAN MENJEPUT PUTI DAN AYAHNYA UNTUK SEGERA KELUAR
RUMAH, HANYA PUTI DAN MANTIKO BUNGO YANG KELUAR, SEDANGKAN SI AYAH TETAP DIDALAM
RUMAH KARNA BELUM MENEMUKAN PIPA GADING PENGISAP ROKOKNYA)
MANTIKO BUNGO:
AYAH…… CAPEKLAH KALUA RUMAH……..!
SUARO AYAH:
SABANTA…… PIPA GADIANG PAISOK ROKOK DEN TINGGA…. WAKDEN MASIH MANCARI ANTAH DIMA
LATAKNYO …. ……!
MANDE:
ONDEH UDO CAHNYO DENAI……..
CAPEKLAH UDO KALUA RUMAH
GAMPO GADANG SADANG TAJADI
USAH DICARI APO NAN TINGGA …..
MANTIKO BUNGO:
AYAH…….
GAMPO GADANG SADANG TAJADI
MUNGKIN GAMPO ADO TSUNAMI
ELOK KITO SELAMATKAN DIRI
SUGIRO LARI KATAMPEK NAN TINGGI……….
( TERDENGAR SUARA GEMURUH KERAS, BUMI BERGONCANG SEMAKIN KUAT DAN RUMAH MANTIKO
BUNGO ROBOH OLEH GEMPA)
MANDE:
UDO….. ( DENGAN SUARA TERTAHAN DAN TERISAK )
MANTIIKO BUNGO:
MANDE……
INDAK AJA BAPANTANG MATI
KITO MANYARAH PADO NAN KUASO
SUGIRO KITO KATAMPEK NAN TINGGI
SABALUN TSUNAMI DATANG MALANDO PULO……!
LEGARAN PENUTUP