NASKAH DRAMA

PUTI GONDORIAH
“Adaptasi Kaba Anggun Nan Tongga”
                                                                                                           

TEATER LANGKAH

FAKULTAS ILMU BUDAYA

UNIVERSITAS ANDALAS

Pemain         :

Puti Gondan Gondoriah : kekasih Anggun Nan Tongga

Anggun Nan Tongga      : Putra Mahkota ( kekasih Gondan Gondoriah)
Ameh Manah                     : Ibu Gondan Gondoriah
Kambang Malang                        : Adik Gondan Gondoriah
Ninik Tuo                              : Mamak Gondan Gondoriah
Nangkodo Baha                : lelaki perkasa, penakluk negeri ( suami Intan Korong)
Intan Korong                       : Perempuan Makasar, sahabat Gondan
( Istri Nangkodo Baha )
Pandendang         
Awak           
BABAK I

                                                                                                  Disusun jari nan
sapuluah
                                                                                                  Yo nan sabaleh jo
kapalo
                                                                                                  Kami nan ketek baru
tumbuah
                                                                                                  Sambuiklah salam dek
saudaro

Tarantang titian batang manau

Jan diambiak ka pamenan
Badan tahanta dikoto tanau
Pangana nan di tiku pariaman
                                                                                   
                                                                                    Bagageh manti jo penghulu
                                                                                                  Dicari malah carano
gadang
                                                                                                  Cukuik jo siriah
salangkoknyo
                                                                                                  Untuak panyambuik
tuan tongga                                                                                                     datang.
           
Berbunyi Gandang Tambua orang kampung Tiku Pariaman, upacara penyambutan
kedatangan Anggun Nan Tongga.
PROLOG

Sementara Puti Gondan Gondoriah yang sedang duduk di Kamar sambil menyulam baju,
datanglah si Kambang Malang yang bergegas-gegas, dengan nafas sesak usai berlari.
Memberikan kabar ke Puti Gondan Gondoriah, bahwa kekasihnya Anggun Nan Tongga
telah datang di kampung Tiku Pariaman.

KAMBANG    :
            Puti Putiiiiiiii
            Puti Gondan Gondoriah
            Putiiiii
            Puti Gondan Gondoriah.

GONDAN      :
            (terdengarlah kambang yang teriak memanggil namanya)

KAMBANG    :
            Indak tadanga dek ang tambua berbunyi, sahuik menyahuik tabuah yang banyak di
kampuang Pariaman ? lai ado ang mendapek kaba tuan Tongga alah tibo!

GONDAN      :
            (mendengar kabar itu, berjatuhan lah air mata gondan dan membasahi sulamannya).

KAMBANG    :
            Gondan, baa kok ang anok se? capekla bakameh, urang nan di dalam  
            Nagari alah sibuk ka pai ka kualo nantun, mancaliak tuan tongga lah tibo dari laut
sabarang.

GONDAN      :
            iyo, ambo danga nyo, tau pulo ambo putra Mahkota tu ka tibo, kambang

KAMBANG    :
            Lah, tu manga ang diam se? capekla ang pai mancalik inyo, ndak
            rindu ang jo laki ang tu? Lah lamo cinto ang menanti
            kedatangan Tuan Tongga .

GONDAN      :
            Adiak ambo si kambang Malang, ambo indak nio basobok Tuan Tongga!
KAMBANG    :
            Baa lo tu ?
GONDAN      :
            inyo alah putuihan tali pangharapan ambo, penantian cinto yang alah inyo sisoan ka
lubuk hati ambo.  Inyo janjian ka ambo sabuah pengharapan nan gadang sebelum seorang putra
mahkota pai marantau kapulau jawa. Tapi nyato e inyo ingkar! Tuan Tongga Ingkari aia nan
janih yang alah diminumnyo, bungo kambang yang alah dipersuntingnyo. Hina rasonyo ambo
kok harus pai basobok putra mahkota. Oleh sabab tu ambo ka manapati janji ambo, pai ka
gunung ledang, tampek sakti nan angker, badiam salamo tujuh baleh bulan, bajalan salamo
sepuluah hari, bialah ambo hilang di hutan. Pokoknyo ambo tepati perjanjian ambo.

KAMBANG    :
            (terkejut mendengar kata-kata gondan) kakak ambo puti gondan
            gondoriah, baa kok harus keputusan itu yang ang ambiak? Pikian lah elok-elok keputusan
ang tu, janji Nan Tongga memang lah ba ubah, mungkin ado sababnyo.

GONDAN      :
            ado sababnyo atau indak, yang jaleh inyo alah mairis hati awak.

KAMBANG    :
            Mode tu lah padusi, ndak pernah nio mandanga sebuah alasan,
            selalu baok perasaan. Baper. ancak ang pikian elok-elok keputusan
            konyol ang itu gondan.

GONDAN      :
            Adik ambo kambang malang! hati ambo alah bulat ! indak akan ado yang buliah
malarang keputusan ambo! bialah putra mahkota tu sadar jo janji yang pernah diutarakannyp ka
ambo!

KAMBANG    :
            bundo kandung jo ninik mamak beko yang ka manahan Langkah ang Gondan !

GONDAN      :
            kalo mereka berani manahan ambo, beko darah yang ka tumpah ditangah rumah, keris
akan menancap dipembulut darah, indak takuit ambo kalo nyawa ambo malayang, karna itu alah
keputusan ambo!
(TERDIAM KAMBANG MENDENGAR KEPUTUSAN GONDAN, TAK DAPAT
TERTEGUN LANGKAH KAMBANG DENGAN PERKATAAN KAKANYA).

KAMBANG    :
            Gondan ! Gondan ! kalo itu alah keputusan ang, pai lah Gondan.. akan ambo amanatkan
ka Anggun Nan Tongga untuk manjampuik ang ke Gunung Ledang.
(Masuklah Gondan Gondoriah kedalam Kamar, bersiap untuk pergi menuju Gunung
Ledang)
NINIK TUO    :
            Kama ang, Gondan? apo sebabnyo ang ndak pai ka kualo nantun, ikuik
            menyambuik Tunangan ang, Gondan?  Ang buek mandeh
            kanduang naiak pitam !

(GONDAN TETAP MELANGKAH PERGI, TANPA MENGHIRAUKAN PERKATAAN

MAMAKNYA).

NINIK TUO    :
            Gondan !!! lancang ang pai mode tu? Ndak ang danga an ninik ang do? kamanakan tak
tau di untuang, tak tau sopan santun jo tata krama, pai tanpa manampaan muko, padahal ang tau
ambo disiko berdiri, mangecek jo ang!

GONDAN      :
            maaf inyiak, bukannyo ambo ndak mandanga inyiak mangecek, bukannyo ambo lancang
ka inyiak, sabab hati ambo ndak nio mancaliak Anggun Nan Tongga. sabab tu lah ambo ndak nio
ikuik manyambuik kadatangan putra mahkota atau yang inyik sabuik tunangan ambo, tapi ……
ambo harus pai ka gunung ledang.

NINIK TUO    :
            (terkejut) apo sabab hati kok ang ndak nio basobok jo tunangan ang?

GONDAN      :
            inyiak Tuo beko tau surang lapeh basuo jo tuan Tongga, apo alasan ambo ndak nio
basobok jo inyo.

NINIK TUO    :
            apo makasuik hati ang mangecek mode tu gondan gondoriah ! Parangai ndak buliah
mode tu, kini ang pai caliak anggun, ang ikuik upacara pernikahan jo anggun nan tongga, inyo
alah basusah payah pai menarawang lauik laweh, ma antam ombak dek karano inyo nio
mancaliak ang Gonda! Kini ang ka pai lo ka gunung, kampung rami yang akan ang tingga an.
Gondan baliak lah ang ka kamar ! tingga an niat bodoh ang tu gondan.

GONDAN      :
            bagi padusi, kesetian jo janjilah yang dipertaruhkan. maaf inyiak tuo, bukan makasuik nio
manatang inyiak, tapi hati ambo alah ma ambiak keputusan iko, kalo memang harus baliak,
mako namo Gondan Gondoriah yang ka baliak, sabab alam kalam raso e jalan di Tiku, tarang
jalan ka gunung.
NINIK TUO    :
            Nekad ang Gondan! Ndak pikia panjang ! masuk ang kadalam bilik! Nanti an kedatangan
Anggun nan tongga!
(NINIAK TUO MENYURUH GONDAN MASUK KE KAMAR)
Gondan        :
            Apo yang mesti ambo kecean lai, apo yang mesti ambo perbuat,  janji yang alah ingkar,
penantian yang sia-sia !! mengapa peristiwa iko harus tajadi? lelaki yang alah bacinto pasti lupo
jo janjinyo, dari pelabuhan kualo nantun kesetiaan di uji. ambo indak nio baliak ka paluakan
inyo!! masih mampukah ambo manangih ? manangihlah, supayo lengkap impian ko…
mangangihlah ! di puncak tangihan tu aroklah kambali, iko kah panantian terakhir ! yang terakhir
!!!
 (GONDAN YANG TAK DAPAT MENAHAN DERU AIR MATANYA, AKHIRNYA
MENGAMBIL KEPUTUSAN PERGI KEGUNUNG LEDANG TANPA SEPENGETAHUAN
MAMAKNYA).
(DUDUK ANGGUN NAN TONGGA DENGAN MAMAK BERBINCANG-BINCANG
MEMBICARAKAN PERNIKAHAN DENGAN GONDAN GONDORIAH, DITENGAH
PERBINCANGANG DATANG KAMBANG YANG MEMEBAWA KABAR BAHWA
GONDAN HILANG DAN MELARIKAN DIRI KEGUNUNG LEDANG)
KAMBANG                :
            Mandeh ….. Mandeh ….. mandehhhhhh !!!
 MANDEH                  :
            Ado apo kambang? Baa lo kok kau menangiah ?

KAMBANG                :
            Gondan mandeh,, Gondannnnn
MANDEH                   :
            Ado apo jo kakak ang ?
KAMBANG                :
            ampun mandeh kanduang, ampun ! Gondannnn, Gondan pai ka gunung ledang.
NINIK TUO                :
            Apo kecek ang !!!!         
KAMBANG                :
            Ambo alah manahannyo, tapi ndak bisa ambo malarangnnyo, hatinyo alah kareh bantuak
baja, bahkan ambo ka di ancam nyo, kalo ambo taruih mancubo manahan nyo. Ondeh maaakkk,
darah ka bercecer, keris si rencong aceh ka basilang jo keris sati.
NINIK TUO                :
            Apo yang terjadi ? (menoleh ke Anggun). Nan tongga kenapa kau aniang se?
ANGGUN                  :
            satiah nan bakalian dalam, satiah nan bagantuang tinggi. janji telah ingkar,
MANDEH                   :
            Gondan Gondoriah …. anak kanduang gadis sematawang, pewaris tahta bundo kandung
pai manuju gunung ledang, gunung sakti nan angker. antah salamaik baliak pulang antah ilang
ditangah utan. Jasad ndak basobok, nyawa alah malayang. (menangislah mandeh    kandung)
NINIK TUO                :
            Memang ndak ado yang bisa manahan keputusan Gondoriah, inyo tetap pai ka gunung
ledang, jo hati nan keras jo raso kecewa nan dalam. Caritoan peristiwa apo yang terjadi,hingga
Gondan mengambil keputusan bodoh itu ?
ANGGUN                  :
            Sebelum kapal pai ka laut lepeh, kami ma ikat janji untuk selalu setia menanti. Inyo agiah
ambo ciek syaraik sabagai tando bukti cinto ambo ka inyo, inyo minta ambo mambaok 120
mainan, salah satunyo burung nuri nan pandai mangecek. Ambo telusuri berbagai pulau untuk
memenuhi janji itu, hingga ambo basobok jo puti Andami Sultan yang punyo burung nuri nan
pandai mangecek, ambo minta burung itu, inyo agiah ambo ciek syaraik untuk menikahinyo,
ambo turuik an permintaan Andami Sultan. Tapi nyato e burung itu lapeh, tabang ka Tiku
Pariaman, membaok kaba bahwa ambo alah mempersunting Puti Andami Sultan, dan Gondan
menganggap ambo alah mengkhianati perjanjian itu !
MANDEH                   : 
            Ang alah kelewatan anggun. Ang mampu menyebrangi laweh nyo lauik, mampu
membaok jo mambebas an mamak ang nan ilang di rantau urang, tapi ang ndak mampu
membaok janji ang tu baliak. Ang padia an tunangan ang lari, ilang didalam hutan……

NINIK TUO                :

            Alah tu, cukuik ! jan ditaruihan lai, bia lah anggun mananangan diri talabih dulu, bapikia
janih abis tu baru pikian apo yang harus dibueknyo, sabab cinto ndak akan salasai jiko masih
dalam amarah yang mambara. Bia kito caliak apo yang ka dibuek putra mahkota katiko
kekasihnyo ilang !!
ANGGUN                  :
            hm.. ambo akan mencari Gondan Gondoriah. Walaupun sulit ambo usahakan jumpai
Gondan. Kini ambo tahu makna cinto sabana nyo. Alun ka dihargai seorang lelaki, kalo nyo alun
malangkahi tangkai sapu. Mandeh, ambo takkan pulang kalo ambo tak basuo jo Gondan. Ambo
takkan pulang bila malu nan ambo pikua dipundak ambo !!
(BERANGKATLAH ANGGUN NAN TONGGA KE GUNUNG LEDANG UNTUK MENCARI
GONDAN GONDORIAH)
NANGKODO BAHA            :
            Gondan Gondoriah
GONDAN                  :
            Laksamana Nangkodo Baha ! Baa lo caro e ang tibo disiko? Manga lo ang di siko
surang? Kama Anggun Nan Tongga ?

NANGKODO            :
            Puti Gondan Gondoriah. Carito panjang dari duo lelaki yang selalu bertahan pada harga
diri.

GONDAN                  :
            Sampaian sadoe ka ambo. Mangikuik perjalanan lelaki lewat carito yang dibawok e akan
lebih mempesona. Dek padusi itu labiah penting artinyo. Carito tentang kesetiaan atau
pengkhianatan ?
NANGKODO            :
            Gondan Gondoriah. Sia lelaki yang sangguik ikuik pelayaran, sementara kaba buruk
taruih membayang di perasaan.
GONDAN                  :
            kaba Buruk ? kaba buruk apo yang terjadi Laksamana ?
NANGKODO            :
            Nan Tongga ndak carito ka ang do? Inyo lakukan hal hina! Inyo ancuan separuh jiwa dan
perasaan ambo. Seorang padusi yang teramat kusayangi bercumbu di geladak kapal bila cahaya
laut telah memudar? Itulah yang Anggun Nan Tongga perbuat.
GONDAN                  :
            (semakin menggeledak perasaan Gondan, mendengar cerita dari Nangkodo Baha) Sabab
tu ang baliak surang ?
NANGKODO            :
            Iyyoo !
GONDAN                  :
            Kecek an sadoe ka ambo. Sekaligus mangurangi kekecewaan nan ang pikul sepanjang
perjalanan. Buliah ambo batanyo? Sia padusi yang kau sayangi bahkan bercumbu lo jo tunangan
ambo?
NANGKODO            :
            lai ingek ang jo padusi yang di panggia Puti Intan Korong.
GONDAN                  :
            Puti Intan korong! Laii !
NANGKODO            :
           Inyo padusi nan rancak asal makassar yang ang minta untuk menemani Anggun di
perjalanan menyeberangi lauik laweh. Puti Intan Korong,bini ambo !
GONDAN                  :
            haaaa, malawak ang Laksamana? pantaskah sado e ambo percayai?            (melangkah
gondan menuju kegunung ledang)
NANGKODO            :
            Ka pai kama ang ?
GONDAN                  :
            Menepati sabuah perjanjian !

NANGKODO BAHA            :
            Kini ambo lah tahu sado e. Nan Tongga Putra Mahkota bangga baliak ka istana jo
langkah kepahlawanan inyo menemui kekasihnyo Gondan Gondoriah yang sadang manuju jalan
kegunung ledang, saat itu baru tahu inyo apo arti kekecewaan. Gondan Gondoriah, kecewa sabab
Anggun alah mambuek malu di rantau urang. Mengawini padusi yang alah balaki dan mengawini
ciek padusi lai yang antah dari ma asalnyo.
           
BABAK II
Aia bangih bukiknyo taban
Rajo baarak jo palimo
Managih tanah jo palimo
Manga dek gabak lalu sajo

                                            Kudo sibungkuak dari jao
                                            Jajak tatingga disubarang
                                            Di urang mabuak bakutiko
                                            Di badan datang bakapanjangan

Kain batik raginyo cindai

Tatunan anak palembayan
Ombak cadiak galombang pandai
Alun nan indak kanampa’an

                                            Bukik bunian panjang tujuah
                                            Dilipek lalu panjang limo
                                            Bukan tinaman sagan tumbuah
                                            Bumi nan alun manarimo           

ANGGUN      :
            kau kah itu kekasihku Puti Gondan Gondoriah, putri kembang Tiku Pariaman ? apo nan
kau buek ditampek ko, Gondan? Ambo baru tibo melewati lauik nan laweh. Urang-urang
mananti di Kualo Nantun, tapi ambo ndak mancaliak moko indah kau, ambo cari kau kemana-
mana, kiro e kau malah anok se di puncak gunuang, jo muko nan sadiah.
GONDAN      :
            Anggun Nan Tongga, jo gelar kemahkotaan magek jabang abdurahman, lelaki yang alah
melintasi samudra, baparang di rantau urang.  Manga tuan ka siko nio mancaliak ambo? Tuan ka
siko nio manjampuik ambo ? ndak sudi raso e ambo harus basuo jo tuan, bia lah ambo di siko,
badiam diri salamo tujuah baleh bulan, seperti apo yang alah kito janjian dan akhirnyo tuan
ingkari. Bahkan tuan alah basuo jo bunga kembang yang tuan persuntingkan bernama Puti
Andami Sutan.
(TERKEJUT ANGGUN MENDENGAR KATA DARI GONDAN TENTANG KABAR
PERSUNTINGAN).
ANGGUN      :
            Gondoriah, ambo alah basusah payah melintasi samudra, pai marantau mencari mamak
yang hilang, tanda bukti pertanggung jawaban ambo sabagai kamanakan. Bahkan alah ambo
bawa an saratuih duo puluah permainan yang ambo janjian padamu.
GONDAN      :
            tuan bawo an 120 permainan atas permintaan ambo  pado tuan, tapi tuan korbankan sado
e. hati jo kekasih tuan.
ANGGUN      :
            sado itu ambo lakuan karano cinto jo kasih saying ambo. Ambo mamohon ka Andami
Sutan supayo inyo agiah ambo burung nuri nan pandai mangecek, nyato e Andami indak nio ma
agihnyo, sabab burung itu indak dijua. Inyo agiah ambo ciek syaraik, ambo harus menikahinyo.
Ambo turuti permintaan itu supayo ambo dapek burung nuri yang kau minta. Tapi nyato e
burung nuri nan pandai mangecek tu kabur, tabang kapado dirimu, membaok kabar bahwa ambo
alah mempersunting bungo kambang Puti Andami Sutan, lalu kau lari ka gunung ledang,
menganggap ambo alah mengkhianati perjanjian kita …….(dipotong gondan)
GONDAN      :
            Bahanti tuanku Anggun Nan Tongga!! apo arti sabuah janji yang kito ikhrarkan kalo
harus kau pungkiri, kau baharui segala makna, tapi kau lupo makna sabuah cinto. Ambo
manunggu dalam kegelisahan dibabagai musim jo wakatu, sedang tuan mempersunting bungo
kambang  yang cantik nan baik budi jo bahasanyo. Bahkan tuan hancurkan harapan ambo, tuan
buek luko nan dalam dihati ambo. Tuan ikuikan logika tuan, tapi tuan tak sadari hati jo perasaan
tuan.
ANGGUN      :
            cukikp Gondan !! yang kito kecek an kini dalam percintaan adalah kesangsian,
kesangsian diri dan hidup itu sendiri.
GONDAN      :
           sabab itulah, inilah gunung ledang ! lambang kesaksian yang kito ikek sebelum kapal tuan
pai berlayar di lauik! dunia yang lain dari hati manusia.
ANGGUN      :
            cukuik !!! ambo selalu meingek hal itu Gondan.. sabab itu ambo datang manjampuik.

GONDAN      :
            Anggun Nan Tongga Magek Jabang Abdurrahman Sultan Riayat Syah! Ambo sabuik an
namo tuan nan keramat itu dengan selengkap-lengkapnya, sebagai seorang putra mahkota. Tapi
bagi ambo tuan tetap lah Anggun. Seorang lelaki seperti apo ado e. Sekiro e kau pulang tanpa
mambaok mainan tapi tuan indak ingkari cinto kito, akan labiah berarti bagi ambo. Dari pado
tuan pulang jo sado kemenangan, sejuta mainan atau makna-makna baru yang manyiso hidup
ambo. Padusi memang nio sado e, tamasuk mainan. Tapi itu sekedar kemanjaan, bukan tuntutan.
Cukup raso e kekecewaan ambo pada tuan. Buto mato tuan kanai tombak dalam pertempuran,
patah kaki tuan diterjang  padang lawan, atau putiah rambuik tuan dek lamo di perjalanan, tuan
tetap ambo tarimo. Tapi jangan tibo kalo tuan nio pangga an diri. Perkasa tuan, ambo ndak minta
perlindungan, berharta tuan, ambo ndak minta kekayaan. Berani tuan, ambo ndak nio malawan
tuan. Pulanglah tuan ka istana nan megah milik tuan. Ke mahkota pusako warisan turunan tuan.
Bia lah ambo di siko, di Gunuang Ledang basamo kesangsian iko!

ANGGUN                  :
            Gondan. Haruskah kito mamastian suatu dalam kesamaran? Kau buliah curiga pado sado
urang, tapi untuk hal yang ambo kecekan iko, ambo janji ka dirimu, ambo bicara bana. Kalo kau
ndak bisa pacayo jo ambo, kau buliah tanyoan ka sahabatmu puti intan Korong yang kau
percayai untuk menemaniku dalam perjalanan laut. Itu tando bahwa ambo indak maingkari cinto
kito. Kini kito basuo baliak dalam ciek nafas baru, kepastian !
Gondan                    :
            Kepastian ? kepastian apo nan ambo dapek dari seorang lelaki ?
ANGGUN      :
            Kesetiaan!
GONDAN      :
            Kesetiaan? Ambo tidak bisa mengerti.
 ANGGUN      :
            Gondan. Bila kau tak mengerti, makin taraso keharuan manusuak ka dalam diri.
GONDAN      :
            Tapi kau paralu terharu mancaliak ambo di siko. Janji kito sebelum kau barangkaik, tetap
ambo pegang erat. Apo tuan lupo? Anggun Nan Tongga ! (pergi         meninggalkan Gunung
Ledang)

ANGGUN                  :
            Gondan !!! Gondan Gondoriah !!!

BABAK III

Balaia kapa sikundandan

Di lapeh dari bada teleang
Usah lamo tuan bajalan
Cameh di denai tingga surang

                                                                                                  Guruah patuih panubo
limbek
                                                                                                  Limbek di tubo di
pamancua
                                                                                                  Tujuah ratuih carikan
ubek
                                                                                                  Dek batamu mangko ka
hancua.

(GONDAN MELANJUTKAN PERJALANNYA, HINGGA AKHIRNYA TERDAMPAR

DIBIBIR PANTAI DAN BERTEMU DENGAN PUTI INTAN KORONG)
INTAN KORONG     :
            Gondan, mangapo kau disiko ? baa kok kau pai surang? Kama Anggun Nan   Tongga ?
kekasihmu.
GONDAN                  :
            Ndak usah kau sabuik inyo kekasih ambo, tapi kau sabuik se lah inyo Anggun kekasihmu
!
INTAN KORONG     :
            Owaikkk, apo nan kau kecek an ko, Gondan ?
GONDAN                  :
            ndak paralu kau pura-pura ndak tau makasuik pembicaraan iko Puti Intan Korong.
INTAN KORONG     :
            sumpah, ambo ndak tau apo makasuik kau itu Gondan.

GONDAN                  :
            Nangkodo Baha, urang Laksamana penakluk negeri, berdiri di lauik tiada tandingan, laki
kau!! ambo basuo jo inyo. inyo caritoan sado e ka ambo tentang kisah bacinto kau jo Anggun
Nan Tongga. ambo percayai kau menemani Anggun dalam perjalan lauik, ambo anggap kau
seorang sahabat yang bisa ambo percayai, tapi kau tikam ambo dari belakang.
INTAN KORONG     :
            Pacayo lo kau jo inyo tu, Gondan ?
GONDAN                  :
           ambo ndak paham lai Intan. Tapi kalo padusi ado pado nafsu e, kemuliaan dek padusi
ialah pasrah, mamiliah baginyo padiah. Bilo licik nyo padusi bahanti, itulah wakatu baginyo
mamuliaan hati. Mahkota kambali ka pamiliknyo. Padusi yang lalok jo angek nyo kemuliaannyo
dalam keraguan kini jago di antaro nafsu jo kasih sayang.
INTAN KORONG     :
            Lancang kau maino ambo jo kekuasaan, harto jo mahkota yang ado pado diri seorang
lelaki. Ambo ndak saburuk a yang kau pikian tu Gondan, mato kau buto dek tajamnyo
kecemburuan perasaanmu Gondan.
GONDAN                  :
            Emang itu nyatonyo! Nyato e kau ndak bagak pulang ka tiku pariaman, ndak bagak
berjumpa jo ambo, kau batahan di kampuang urang. Padahal kau berangkaik basamo jo Anggun
Nan Tongga.
INTAN KORONG     :
            bukan maksauik hati ndak nio basobok kau atau baliak maanta Anggun ka Tiku
pariaman. Tapi ado makasuik hati nan ambo cari di pantai sabarang. Gondan, ambo harok kau
pacayo ka ambo, apo yang dikece an jo Nangkodo Baha tu duto!
GONDAN                  :
            Membela diri memang paralu, tapi ndak paralu lo mambunuah yg lain.
INTAN KORONG     :
            Baa kok urang pacayo jo kaba patamo yang tibo, sadang kaba kaduo urang kecekan duto?
GONDAN                  :
            Sapanuah nyo ambo alun bisa pacayo. Kalo kau meraso apo yang kau lakuan tu bana,
caritoan lah nan sabananyo ka ambo.
INTAN KORONG     :
            Baik, iyoo, ambo caritoan yang sabananyo ko a, Gondan, sabab ambo yang mangawanan
Anggun pai menyeberangi lautan untuk mancari mamaknyo yang di tawan di pulau Jawa, karno
izin kau pula ambo mangawanan kekasih kau tu. Mungkin kau bisa pacayoan itu pado ambo .
GONDAN                  :
            caritoan apo yang tajadi salamo Anggun balayar jo kau.
PAUSE
NANGKODO            :
            Jangak! padusi jangak!
ANGGUN                  :
            Ang sumpahan binimu, Nangkodo Baha.
NANGKODO            :
            Bialah inyo tajun ka laut! Ndak ado guno bini cinto jo lelaki lain!
ANGGUN                  :
            Ang buliah cemburu jo ambo, tapi jan lah dijadian sabab buek ang manhino inyo. Inyo
dulu barangkaik dek kahandak Puti Gondan Gondoriah, di tugaskan jadi juru bahaso kito.
NANGKODO            :
            Mengadulah jo lelaki tu, Intan Korong! Dari Makkasar kau ku baok. Ku kawini jadi bini
Laksamana Nangkodo Rajo. Kedudukan jo kehormatan nan tinggi bagi padusi yang indak tahu
asal usulnya. Kini kau bacumbu di muko ambo jo seorang putra mahkota, kau alah berlaku
serong!
INTAN KORONG     :
            Begitu lancang kau, Nangkodo Rajo. Nukannyo kau yg dulu mendesak ambo ikut jo
kapal kau tu? Supayo ambo bisa bajumpa jo kekasih ambo? Sementaro, pelayaran nan panjang
kau desak ambo ciek piliahan. Tanggalam di lauik atau mamiliah kau suami pujaan. Kini kau
cemburu jo Anggun, dek aku acok ado di dakeknyo. Bilo ambo mangecek jo inyo perihal nasib,
baa lo kok ambo babuek serong sabagai bini.
NANGKODO            :
            Pandai kau mangecek, betino! Ndak salah mulut kau tu memang duo!
INTAN KORONG     :
            Caro mangecek ang ndak sepadan jo kehormatan ang.
NANGKODO            :
            Kehormatan ambo taatak pado kekuasaan.
INTAN KORONG     :
            Kuaso kau di siko ndak tinggi bana do.
NANGKODO            :
            Memang labiah tinggi hargo saorang putra mahkota! Kecuali hargo dirinyo!
ANGGUN                  :
            Nangkodo Rajo! Kalau kau meraso bini kau beban, lapehan intyo dari siksaan.
NANGKODO            :
            Abis tu kau ka babulan madu lai?
ANGGUN                  :
            Utak kau alah marusak diri kau surang.

NANGKODO            :
            Nafsumu alah mamisahan ambo jo bini ambo.
ANGGUN                  :
            Ambo ndak di ajaan mamacik hak urang lain.
NANGKODO            :
            Tapi kau lakuan juo dek kau bakuaso. Urang lain ndak berarti dek kau do.
ANGGUN                  :
            Baik. Ambo ikuikan kecemburuan kau sampai ka ujungnyo! Laksamana! Berikan tanda
penyerahan Intan Korong pado ambo! Capek, Laksamana!

PAUSE

INTAN KORONG     :
            itu lah yang terjadi, hinggo Nangkodo Baha memisahan diri dari kapal, lalu pai balayar
ka tampek lain.

GONDAN                  :
            lalu kau ?
INTAN KORONG     :
            ambo ? ambo tetap mangwanan Anggun Nan Tongga sampai pencarian mamaknyo di
Koto Tanau, yang akhirnyo bajumpa jo Puti Andami  Sultan.
GONDAN                  :
            Puti Andami Sultan ?

INTAN KORONG     :
            Iyo, Bini putra Mahkota Anggun Nan Tongga, adik dari Dandami sultan Raja
Tumanggung Kayo.

GONDAN                  :
            Dek iko ambo kecewa, taruih ambo pai dari tiku pariaman supayo ndak basuo jo Anggun
Nan tongga, sabab ambo kecewa bana jo inyo.

INTAN KORONG     :
            Baru ambo mangarati baa kau bisa sampai ka siko. Kecemburuan dan kekecewaan yang
mambaok kau ka tampek ko. Tak kusangko, Gondan padusi yang ambo kiro polos dan pasrah
tanpa tau sabuah arti, kironyo nekat malarian diri ke kampung urang, menyeberangi lauik dek
karno perasaan nan tairis. Sia yang ma angiah kaba bahwa Anggun babini Puti Andami Sultan ?
GONDAN                  :
            Burung Nuri nan pandai mangecek !
INTAN KORONG     :
            oh iyo, Burung nuri, salah satu mainan yang kau minta ka Anggun  sebelum inyo
barangkaik menyeberangi lauik. Dan kiro e permintaanmu itu yang ma ancuan penantianmu,
Gondan. Menghancurkan sado harapanmu, membuek buto matamu dek kecemburuanmu. Kiroe
kau tak minta apapun ka Anggun, mungkin kau tak bapisah jo inyo.
GONDAN                  :
            permintaan ambo cuma tando kesetian Anggun Nan tongga jo cintonyo.
INTAN KORONG     :
            dan ambo raso, Anggun Nan Tongga alah mambuktiannyo.
GONDAN                  :
            Iyo, Anggun memang alam mambuktian, tapi ndak harus  mangorbanan hatinyo jo
kekasihnyo. Inyo ingkari janji-janjinyo, bahkan inyo baharui sadolah makna, tapi inyo lupo
makna sebuah cinto.
INTAN KORONG     :
            Inyo babuek itu sabab inyo nio manuruikan permintaan kau Gondan,  inyo nio
mambuktian tanggung jawabnyo atas janji yang alah inyo pegang teguh pado kau, Inyo relakan
hatinyo cuma buek kau kekasihnyo.

GONDAN                  :
            Bijak bicara kau Puti Intan Korong !

INTAN KORONG     :
            Ambo perlajari iko dari seorang lelaki putra Mahkota yang berjuang dalam keluarga
dengan hati ditinggaaannyo di kampung halaman. Kini baliaklah kau ke Tiku Pariaman, jumpai
kekasihmu.

GONDAN                  :
            Tidak, bialah ambo tetap disiko. Apo daya ambo sebagai padusi. Hilang pantai negeri
ambo, alah hilang pulo kesucian ambo. Mahal bana ambo bayia kekecewaan dan penantian
hanya untuk seorang kekasih yang khianat.

INTAN KORONG     :
            ndak seharusnyo kau mangecekan itu Gondan, baliaklah dan temui kekasihmu inyo alah
berjuang iduk jo mati di rantau urang, dan kembali hanya untuk menemuimu.

GONDAN                  :
           indak ! indak akan ambo menemuinyo, biala ambo mati jo lauik iko, kekecewaan nan
amaik dalam akan anyuik tabaok gelombang ombak basamo cinto yang terpendam.

Cando karakok tumbuah dibatu

Antah bilo hujan manyiram
Mato sabak hati den pilu
Den tahan tangih jatuah kedalam
                                                                                                  Di sikkek juo di agi
tanco
                                                                                                  Rambuk ruruk kalimumu
basarang
                                                                                                  Di kabek juo di agih
tando
                                                                                                  Cinto jo awak kawin jo
urang
Karambi condong tapi pasi
Awan mambarek dari tunggaro
Padih ditutup sepuluh jari
Malawan hati ndak ado guno
                                                                                     Kilek mambalah di langik sanjo
                                                                                     Baderek awan manangguk ujan
                                                                                     Sasek mengintai mambaik ibo
                                                                                     Untung parasaian indak takatokan

Bulan sajo manyondok ari

Pabilo Nampak bintang di langik
Gamang muluk manyulam janji
Rindu badarak hati takapik

                                                            SELESAI !!!!!

Dendang
Siboga lampu ba beleng
Nampak nan dari ujung bawang
Disangko bumi nan teleng
Ruponyo bapindah kasih sayang
                                                                                     Duo tigo kucing balari
                                                                                     Balari juo si kucing balang
                                                                                     Duo tigo litak mancari
                                                                                     Indak sarupo samo nan hilang
Karak di serak di ateh pinggan
Di masak samo minyak santan
Bacakak bintang samo bulan

Ombak di lawik nan manangguangkan.