KELAS I

PUPUH BALAKBAK
LARAS : MADENDA

WARUNG MODERN DIKOTA MANI BRUNG BREUNG... ALAGRENG

TEMPAT JALMA BARANG BEULI TARA SEPI ... RAREHE

SAKUMNA JALMA NU AYA SAKAPEUNG BALANJA ROYAL ... KACELE

RUPA BARANG DITEMPAT MOL ARARAYA ... ARANEH

JALMA – JALMA PADA DATANG LALAKI JEUNG AWEWE

SAGALA HAYANG DIBEULI BEAK DUIT DINA DOMPET ... NU LEPET

 KELAS II
PUPUH MAGATRU
LARAS : DEGUNG

HIJI TOKOH DONGENG TANGKUBAN PARAHU

NGUDAG-NGUDAG DAYANG SUMBI

TEU YAKIN ETA TEH INDUNG

DIBEJAAN KEUKEUH JULID

DASAR ANAK NU BEDEGONG

SEKAR TANDAK :

KOTA NAON DILINGKUNG KU GUNUNG-GUNUNG

KOTA KEMBANG NU KAWARTI

DIDEUGDEUG PADA NGAJUGJUG

DARATANG NEANG PANGARTI

COBA TEGUH KOTA NAON

 KELAS III
PUPUH KINANTI
LARAS : SALENDRO

TI BUBUDAK MASING JUNUN

ULAH AREK LANCA-LINCI

TINGKAH POLAH SING MERENAH

TUR BISA NGAJAGA DIRI

SALAMETNA KAHIRUPAN

BAGJA LAHIR REUJEUNG BATIN

SEKAR TANDAK :

ITU GUNUNG NU NGARIUNG

WAAS PISAN DITINGGALI

NGARIUNG ALIM PAPISAH

KU ENDAH RAKEUT NGAHIJI

ETA TEH HIJI GAMBARAN

JEUNG PAPADA SILIH ASIH

 KELAS IV
PUPUH ASMARANDANA
LARAS : SALENDRO

JALMA BOGA RASA ASIH

HIJI FITRAH TI PANGERAN

TAMPI KU WENINGNA HATE

ANGGUR SYUKUR KA MANTENA

TINULUNG KAPAPADA

ASAH ASIH REUJEUNG ASUH

JIMAT HIRUP KAHIRUPAN

SEKAR TANDAK:

HIRUP DIALAM SINANGLING

KERSANA MAHA KAWASA

ULAH KAJONGJONAN WAE

HIRUP MAH MO SALAWASNA

TEKAD UCAP JEUNG LAMPAH

LAMPAH HADE NU GEUS TANGTU

NANGTUKEUN RIDO PANGERAN

 KELAS V
PUPUH SINOM
LARAS : MADENDA

AJEN INAJEN BUDAYA

KEUR NGASAH BUDI PEKERTI

SANAJAN GEUS ROBAH JAMAN

SING BISA NGIGELKEUN DIRI

DINA JAMAN INDUSTRI

PARIGEL TUR LOBA ELMU

KUDU NGASAH PANGABISA

JAUH TINA TUNA DIRI

PANCEG DIRI BARI IMAN

KA PANGERAN

SEKAR TANDAK:

MANGSANA NYANGGA BUDAYA

BUDAYA IBU PERTIWI

RUMAWAT BUDAYA SUNDA

NA JAMAN GLOBALISASI

MANGKADE ATI-ATI

PANGARUH BUDAYA BATUR

PRAK CANGKING AJEN KISUNDA

SANGKAN PANCEG AJEN DIRI

NGANGKAT MARTABAT KISUNDA

SANGKAN JAYA
 KELAS VI
PUPUH DANGDANGGULA
LARAS : PELOG

TANAH SUNDA NU ENDAH TUR ASRI

TI BIHARI NEPI KA AYEUNA

WAJIB KUDU DIPALIRE

GUNUNG ANU PARENTUL

LAMPING PASIR CUR-COR KUCAI

SUBUR KUTUTUWUHAN

SYUKUR KANU AGUNG

RAMPAK GAWE KEUR NGARUMAT BANDA URANG

HAYU DIRAKSA DIJARING

MASLAHAT SARAREA

SEKAR TANDAK:

PANGABISA DIBARUNG PANGARTI

BEKEL URANG DINA KAHIRUPAN

DIGAWE MASING RANCAGE

SANGKAN MANGFAAT HIRUP

CANGREUDKEUN DINA JERO BATIN

MANGKADE SALAH LAMPAH

TINANGTU KADUHUNG

JIWA RAGA KATEMPUHAN

PRAK LOBA AMAL KASAKUM MAHLUK GUSTI

BAGJA DUNYA AHERAT