SAUR SAYYIDINA ALI TARAWEH SAOM KAHIJI

DOSA NA BAKAL DIPICEUN SIGA WAKTU DILAHIRKEUN

DINA MALEM KA DUANA LALEUNGIT DOSA KOLOTNA

TEGESNA IBU RAMANA ANU IMAN DUA NANA

MALEM KA TILU NA PISAN MALAIKAT GEGEROAN

PRAK AMAL GEULA NGAWITAN DOSA MAH GEUS BEAK PISAN

TARAWEH MALEM KA OPAT JIGA MACA KITAB OPAT

TORET INJIL JEUNG JABURNA AL QURAN GANJARANNA

TARAWEH MALEM KA LIMA GANJARAN SOLAT UTAMA

DI MASJID MEKAH MADINAH DI MASJID AQSO TEU SALAH

GANJARAN MALEM KA GENEP DIBERE GANJARAN LENGKEP

NU TOWAF DI BAETAL MA’MUR DI TEMPAT GAIB NU LUHUR

KAYU BATU JUJUKUTAN REANG PADA PEPENTAAN

KA ALLOH PADA NYUHUNKEUN DOSA JALMA DIHILANGKEUN

TARAWEH MALEM KA TUJUH GANJARAN PAHLAWAN TEGUH

KA NABI MUSA MANTUAN NGALAWAN FIRAON HAMAN

DINA MALEM KA DALAPAN KU ALLOH REK DIPASIHAN

TEGUH SUBUR BARI ALIM SAPERTI NABI IBRAHIM

DINA MALEM KA SALAPAN BAKAL DIBERE GANJARAN

NI’MATNA IBADAH LIR MUHAMMAD ROSULULLOH

TARAWEH MALEM SAPULUH ALLOH NGARIZKIAN AMPUH

KABAGJAAN NU TEU PEGAT BEKEL DI DUNYA AKHERAT

TARAWEH MALEM SABELAS DINA MAOT MOAL REUWAS

BIJIL TI DUNYA DIRONTOK JIGA BAHEULA KEUR OROK

MALEM NU KA DUABELAS DI AHERAT BAKAL BENGRAS

BEUNGUETNA BAKAL NYAANGAN LIR BULAN OPAT BELASAN

TANGGAL KA TILU BELASNA DATANGNA POE KIYAMAH

MOAL MENDAK KATUGENAH SUMAWON MENDAK KASUSAH

TANGGAL OPAT BELAS SOLAT NYALAKSIAN MALAIKAT

IEU JALMA TUKANG SOLAT PAMUGI ULAH DILAKNAT

KALIMA BELAS TARAWEH PARA MALAIKAT KABEH

‘ARASY KURSI SADAYANA MANGMENTAKEUN HAMPURANA

DI MALEM KA GENEP BELAS NU SOLAT DIBERE BEBAS

TI NARAKA BAKAL BEBAS KANA SURGA ASUP BEBAS

MALEM TUJUH BELAS BEBAS GANJARAN TEH BEBEAKAN

GANJARAN NABI SAKABEH DIBIKEUN KA NU TARAWEH

DINA TANGGAL DALAPAN BELAS MALAIKAT NYAUR JELAS

DOSA IBU RAMAH HIDEP JEUNG HIDEP GEUS LEUNGIT KABEH

SALAPAN BELAS MAH TANGTOS NINGKAT DARAJAT DI FIRDOS

DINA TANGGAL DUA PULUH GANJARAN NU SYAHID PATUH

DI DUA PULUH HIJI MAH ALLOH MANG DAMELKEUN IMAH

DI SURGA NA IMAH MULYA DIDAMEL TINA CAHAYA

TANGGAL DUA PULUH DUA POE KIAMAH SAWAWA

SALAMET TINA PAKEWEUH TEU MENDAK SUSAH JEUNG RIPUH

DUA PULUH TILU NAMAH ALLOH MAPARIN HADIAH

HIJI KOTA ANU LEGA ANU TEMPATNA DI SURGA

TANGGAL DUA PULUH OPAT MANGKA DIBERE KAROMAT

DUA PULUH OPAT WARNA DOA BAKAL DIIJABAH

TANGGAL DUA PULUH LIMA PERSENAN ANU UTAMA

MIMITI MAOTNA SUBUR MOAL AYA SIKSA KUBUR

TANGGAL DUA PULUH GENEP DIBERE GANJARAN RANGKEP

OPAT PULUH TAUN NIKEL GANJARAN DI TIKEL TIKEL

TANGGAL DUA PULUH TUJUH WAKTU NYUKANG BAKAL AMPUH

NGALIWAT NYUKANGNA HIBUR SIGA KILAT ANU HIBER

DI DUA PULUH DALAPAN PANGKATNA TETEREKELAN

KU ALLOH BAKAL DIANGKAT DI SURGA SAREBU TINGKAT

DU PULUH SALAPAN MAH ALLOH MAPARIN HADIAH

PERSEN SAREBU KALIEUN HAJI NU DITARIMAKEUN

TANGGAL TILU PULUH PISAN ALLOH LANGSUNG SASAURAN

TUH DAHAR NA ROTI SURGA TUH KU SAE NA TALAGA

JEUNG HIDEP DIAKU PISAN KANGGO ANU NANGTAYUNAN

JEUNG HIDEP ENGKE DIANGKAT ABDI KAMI ANU TOAT

KITAB DURROTUNNASIHIN NGAWAWARKEUN NGARAH TIGIN

NGABIBITA UMAT ISLAM AKHIRNA WALLOHU A’LAM