"Pepeling Piken Santri Akhir Zaman"

Bismilah jadi kawitan

Alhamdulillah pujian
Tur sholawat ka jungjungan
Nu janten Rosul pilihan

Eling-eling para santri

Hirup kudu sadar diri
Inget tujuan di bumi
Bahwa urang teh rek ngaji

Ceuk saha ngaji babari

Babarimah ngoprek Fb
Lamun heug ngaji babari
Kabeh geh jadi kiyai

Santri penerus kiyai

Kiyai pewaris nabi
Nabi utusan ilahi
Anu ngatur umat di bumi

Hate kula miris pisan

Ninggal santri akhir zaman
Kaloba'ana Fb'an
Daripada Pelajaran

Kitu geh ges alus pisan

Di banding jeung kalobaan
Budak dina akhir zaman
Mentingkeuna sakolaan

Teu inget piken akherat

Hirup asa rek selamat
Padahal tujuan umat
Bagja dunya tur akherat

Kamana jalan ka jogja

Kaditu ka palih wetan
Kamana neangan bagja
Kaditu ka pesantrenan

Inget papatah pun guru

Lamun ngaji ulah turu
Keun bae awak geh kuru
Nu penting elmuna timu

Kula bingah ninggal santri

 Komo ka santri salafi
Hirup nage malandiri
Tapi pikeun bekeleun diri

Para santri sing narima

Kana ieu pepatahna
Mugi sing janten elmuna
Kange urang sadayna

Sing ageung pisan hampura

Ka abdi anu nyarita
Hampura pisan salira
Anu kirang tata basa

Hampura kula hampura

Nyieun syair lalawora
Sabenerna kula era
Mugi dulur ngahampura

Ieu syair nu insani

Anu khususna keur abdi
Umumna ka para santri
Ngarah hirup sadar diri