Lampiran : - Yth. Warga Masyarakat Sarakan/Sanesna Hal : Kagiatan Babagi Takjil Gratis di Sapanjang Bulan Romadhon Tempat
Assalaamu’alaikum Wr. Wb.
Puji mung saukur kagungan Alloh oge rasa syukur anu taya kendatna hayu urang sanggakeun ka hadirat Alloh Swt. mugia Alloh sapapaosna ngalungsurkeun barokah ka tengah-tengah kahirupan urang sadaya, aamiin. Diuningakeun kalayan hormat, dina raraga ngamulyakeun sasih Romadhon taun ieu, kami, Taruna Masjid Al-Hidayah ngagaduhan maksad ngayakeun Kagiatan Babagi Takjil Gratis Sapanjang Bulan Romadhon, anu mana kegiatan ieu mengrupikeun kagiatan anu sagemblengna dirojong ku sakumna warga Sarakan atanapi sanesna. Pangrojong ti sakumna warga kalintang pisan pentingna kumargi kegiatan ieu saestuna kegiatan anu dilakukeun ku warga, taruna masjid mung saukur pihak anu ngoordinir kalayan nyalurkeun eta program. Sakumna warga dipiharep pisan partisipasina janten donatur takjil anu target tiap dintenna kami tiasa nyalurkeun 50 (lima puluh) paket takjil tina hasil rereongan warga. Ka warga anu ngagaduhan maksad ngiring partisipasi, tiasa ngadaptarkeun diri ngalangkungan koordinator kagiatan ieu: 1. Yoga (WA 085798000648) 2. Fauzi (Telp./WA 081314259447) 3. Yudi (Telp./WA 082115148551) 4. Devi (Telp./WA 081229621993) Sakitu anu tiasa didugikeun, haturnuhun tina sadaya perhatosan oge hapunten bilih aya hal anu kirang leres, saupami aya anu kirang jelas tiasa ngahubungi nomer-nomer di luhur, kalayan diharepkeun pisan partisipasi ti sakumna warga. Mugia urang sadaya diangken ku Alloh kaetang jalmi-jalmi anu ngamulyakeun sasih Romadhon, aamiin. Wassalaamu’alaikum Wr. Wb.
Nyatujuan/Ngarojong Ketua DKM Al-Hidayah, Taruna Masjid Al-Hidayah,