LITURGI MINGGU SAITUN GBKP

This Photo by Unknown Author is licensed under CC BY-SA-NC

This Photo by Unknown Author is licensed under CC BY-NC

A. PERSIKAPEN

1
 Perpulungen nikapken pusuh ras ukur guna ngadap man Tuhan
Pelayan ibadah ersikap I ruang persikapen
B. KEBAKTIN
1. Kata Pengalo-ngalo Ras Momo
Turang ras senina ibas Tuhan Jesus Kristus, selaku serayan Tuhan, ikataken kami mejuah-juah
ras selamat Wari Minggu man banta kerina. Man bandu kekelengen kami si sekali enda denga
erkebaktin I bas gerejanta enda, ikataken kami mejuah-juah. Kerehenndu nambahi keriahen
man banta kerina. I bas bena kebaktinta marid age si dengkehken momo kerna perdalanen
perpulungen Tuhan, bage pe rencana pelayanen gerejanta ku bas wari-wari si reh enda.
(Ngogeken Momo)

2. Kata Penaruh.
Minggu enda bengket kita ku bas Minggu Saitun, minggu si ningetken kita kerna tugas ras
tanggungjababta I bas kelengi orangtuanta si enggo lanjut usia. Bagepe ikut mereken ingan man
orangtuanta guna muat bagin I bas dahin-dahin pelayanen I bas gerejanta, sue ras
kengasupenta sekalak-sekalak. Alu bage, ngasup kita nuduhken kelenga ate Dibata I bas
geluhta sit ep-tep wari. Mari si bengketi kebaktinta.

 Erkata Lonceng Perpulungen Tedis

 Rende : …. Serayan Kebaktin Bengket ku Mimbar

3. Votum – Salam

L I bas gelar Dibata si njadiken langit ras doni, ibas gelar anakNa Jesus Kristus si erdiate
nandangi kegeluhen manusia, ras I bas gelar Kesah Si Badia si mpengasup kita (kam)
engkelengi orangtua lanjut usia.

Penampat man banta (ndu) reh I bas Jahwe nari, si engkawali perberkat ras permulihta
(ndu) genduari nari seh rasa lalap. Amin

P Amin …… Amin ……. Amin …… (Iendeken)

4. Berita Kerna Perbahanen Ras Sura-sura Dibata (Invocatio)

L (Ngogeken Teks Sue Alamanak)
Erpalasken Kata Dibata enda, sip uji IA alu radu ras ngendeken :

2
5. Pujin Man Kemuliaan Dibata Perpulungen Kundul
L Dibatanta e me kap Tuhan si tetap setia engkawali manusia.
P I puji kami Kam Tuhan, keleng AteNdu si njamini kegeluhen kami.
L Mulai I bas bertin nari kin pe, Tuhan enggo natang-natang kita (kam)
P I puji Kam Tuhan, keleng AteNdu si njamini kegeluhen kami.
L Seh kita (kam) metua janah ubanen, Tuhan tetap engkelini kita (kam)
P Bujur Tuhan, tuhu meherga kami iadepenNdu.
L Si Puji Tuhan alu ras kita rende arah : ….

6. Kinata Kegeluhen Manusia

L Sanga ndube Tuhan nepa manusia, enggo kuh ibahanNa gegeh ras kengasupen man
manusia guna nggejabken ras ndalanken si ngena AteNa.
P Ngaku kami Tuhan, megati kal gegeh ras kengasupen si enggo ibrekenNdu ndube kurang
ipakeken kami guna engkelengi teman, orang tua bagepe sekelewet kami. O Tuhan,
alemi min kami.
Saitun Reh tuana umur kami, reh urakna gegeh kami I bas nggejabken bagepe nehken keleng
AteNdu. O Tuhan, alemi min kami.
L Mari si sehken pingko-pingkonta man Dibata alu ngendeken : ….

7. Padan Dibata Man Si Ngakuken Kinilatunggungenna Perpulungen Tedis

L Selaku persuruhen Dibata, aku nehken kataNa man banta (ndu) si ngakuken
kinilangasupen nggejabken ras ndalanken sin gena ate, Nina :
“Aku kap Dibatandu, e maka Kuembah-embah kam, seh kam metua janah ubanen. Aku
si njadiken kam, e maka Kutatang-tatang, Kuangkip-angkip, janah Kukelini kam” (Jesaya
46:4).
Meriah ukurta I bas kita enggo ngaloken padanNa, e maka rende kita arah : …..

8. Kata Dibata Perpulungen Kundul

a. Ngoge Kata Dibata Bagin si pemena
L Ketuahen kalak si megiken Kata Dibata, dingen si makekenca I bas geluhna sit ep-tep
wari. Haleluya.
P Haleluya …. Haleluya …. Haleluya ….. (Iendeken)
b. Kotbah (ibenaken ras I dungi alu pertoton)

3
9. Pengakun Kiniteken Perpulungen Tedis

10. Persembahen

L Kata Dibata si jadi Palas I bas kita ngendesken persembahenta man Dibata :

“Persembahkenlah persembahen si patut man TUHAN dingen ernalemlah man BaNa”

(Masmur 4:6).

Tupung ngendesken persembahen rende kita I bas : …..

Pertoton Persembahen ras sapaat.

11. Perpadanen Man Dibata Perpulungen Tedis

L Mulai kitik-kitikndu nari Tuhan enggo ngajari kita (kam) segelah tetap nuriken
perbahanenNa si mejin.
Saitun Erpadan kami Tuhan, amin gia reh urakna gegehku, nggit aku tetap ermomo kerna kuasa
ras kinimbisanNdu man kerina kesusurenku. Meriah ukurku notoken gereja bagepe
kerina anak ras kempu-kempuku.
P Erpadan kami Tuhan, nggit makeken gegeh ras kengasupen si enggo kuh iberekenNdu
guna engkelengi teman ras sekelewet kami. Nggit kami natang-natang orangtua kami si
enggo lanjut usia guna tetap muat bagin ngelai Tuhan asa gegeh ras kengasupenna.
L Guna peteguhi perpadanenta (ndu) man Dibata, sip uji Tuhan alu ngendeken : ….

12. Pertoton Tuhan

13. Pengutusen ras Pasu-pasu Dibata
L Bengketlah ku bas kegeluhenta (ndu) si tep-tep wari, jadilah dalan pasu-pasu nandangi
sekelewetta (ndu). Guna jadi gegehta (ndu), alokenlah pasu-pasu idur Dibata nari :
“I pasu-pasu janah ikawali Dibata kita (kam), siang ayo Dibata ersinalsal ibabonta (ndu);
janah melias ateNa man banta (ndu), itatap Dibata ku kita (kam), janah malem ateta
(ndu) ibahanNa”. Amin
P Amin … Amin … Amin … (Iendeken)