BABAD SIRA ARYA

KUTHA WARINGIN

&

SILSILAH IGUSTI
KWANJI
SILSILAH IGUSTI
CANGGI
Ong, Awigene mastu nama sidem, pengaksaming ngulun, ring Betara Hyang nami sang
genelar sarining ong karatua nama mantra, ara daya, sumilaya sida yogi suaraning sira sang
anugraha.

Ana maka purwaning sang wus lepas, lutan ane maring tulak pamidi muah ring sang
wigrahaning nala, papataka tan ketamanan upadrawa, den hyang mami, wastu paripurna
manemu aken ayu, dirgayusa tekeng kula sagotra, muah sentana, namastu juga ditaya.

Endah purwaning ucap tembening sira, Prabu Wibuh, subiksa tangrat, rikalaning nira siniwi,
tan ana para muka, wakia lumanggia, nesira temaka anganti rismana. Kunang Sri Erlangia,
Jumeneng Bupalara, wasanti karyastaneng Daha Negari.

Kunang Sri Erlanggia, awangsa dipurusa, badra wada, Tri tekaning puspa cacapa. Kang
junesta, abiseka Jaya Saba, amatuhing Ibu Patning Madewi, kaputusning wis bungsa kaderi.

Kunang ikang puscacapa, anama Sri Arya Buru, amatuhing kaya, wangsa, mitaning lurah
tutuwan, siguna raksa kang tumekang wali aga. Sawita kene muah kang tattwa, Sri Jaya Baya
awangsa dipurusa jalu asujiwa, abiseka Sri Aji Dangdang Gendis, kang ari abiseka Sri Siwa
Wandira, kang wekas Sri Jaya Kesuma. Maka wangsan nira Sri Jaya Baya.

Kunang Sri Dangdang Gendis awangsa jalu sawiji anama Jaya Katong, kunang Jaya Katong
awangsa jalu sawiji nama Jaya Kata. Kunang Sri Siwa Wandira, awangsa jalu diri, atengeran
Sri Jaya Waringin, kunang Sri Jaya Kusuma wangsa, biseka Sri Wara Kasuma, yata resika
Wira Kasuma, wakil Sira Mundar, weruh ring agama suci, tancut lumaksana kerama, delaha
ginanti sanya , abiseka rate den sate , kunang walia Sri Jaya Waringin wangsa nira Sri Siwa
Wandira muang Jaya Kata, wangsa nira Sri Jaya Katong sang Berata olih kayeng pepagon,
sira kalih Jaya Waringin muang Jaya Kata, sang anungkuling Tumapel, duk berastening bapa
ring paperangan, kundahing Daha Negari, mogo tumus katekeng putu, tehing bajra wisa,
sapanira mapungking kasewan, muang sagota paksa mapan wiwilaning perang, angde lungsur
raning keraton nguni caritania rengen.

Swasti Icaka warsa tita 1144, dalguna moksa titi keresna paksa tri titiya, walaning sela
prawata icaka dewarsa

Kunang adnya paduka Sri Aji Ken Angerok, sang anderyeng Tumapel, lumurung swanegara
Galuh, saking suwi Kara nira, empu guwing kasewan, muang paksa, sambada Sri Aji
Dangdang Gendis, langgiana ring sang maha wikuwan, awamana sesana sang berahmana,
teke kadi maha raja Dausa Mayun Kuma Wasta, keni kang Kendran, mangkana wilasa Sri
Dangdang Gendis, endahe etu kapua parading ngascariya aro are tumas deseng Tumapel,
mangke ikang Deha Negari, kadi dukut aking sagunung kaidepania, basti buta tekaping
ngapuwi sajiyoting gana, sia pangken pawaka, yata keroda nira sang mayati, urubing adnyana
nira, tiyubing suwandata paracanda, Sri Ken Angerok amu musus, mangkana juwala tan
kewaranan, endi riwekas, masor Sri Aji Dangdang Gendis weruh yan katekanantaka nira,
apan Sri Aji Ken Angerok, tuhu brahma wangsa, para wasa madra wesnawa, Hyang Guru
Biseka, naetu Sri Aji Dangdang Gendis menganu kasemararana, sambuat tuang adnyana
suksema, rep muktah tan pakewaran, tumut sakundan pawakan paku catra, katon maya kara
nira, kundep ring antariksa, umungsi ari buwana tan amegating Sri Aji Umo sunia temaka,
anolia wusen para wira mantri nguni weh para kula warga, sesaning pejah, pada kang
sambura mamet diarga desi, mangkong guwana nilib amerih luput, apana ngareping, yuda,
Jaya Katong, Siwa Wandira, tumut ring sawalungan, wuwus berasta angemasin antu,
misayanang kasingan wikraman, ana karya rong wiji perekania, para kulo tama, Jaya Kata,
Jaya Waringin, sadnya nira pua kasiha, wangsaning Jaya Katong, muang wangsaning Siwa
Wandira, kang brasta ring palugon, kaya karo masengit, ripejahing bapa ring ranangga,
mangeseh tumandang, kadi serdula pramarta, tan buat tinirup kinabehan, desang catur
prakasa, peretetayaning ngara nira, Arya Wang Bang, misi rangdi, Bango Sambaran,
Cucurupania, irika, Jaya Kata muang Jaya Waringin, karo sikep tan tangundili, tumut panting
nira Jaya Kata, manalayua tan maring Tumapel, kaadang weta ngirah masi, wawu mekas
langit.

Endan Jaya Waringin, kari jejaka, durung arabiya, kapuwa mantri kecatur, karaniya
ambekniya ring sareng Jaya Kata, muah Jaya Waringin, yatna marmania luput tan ketamanan
sanjata.

Endan satiba nira ring Tumapel kanasraden desang ngardiryeng Tumapel, pinupu deni para
warga Gajah Para tossing kadang rabi sira Endok muang kedaging Kebo Ijo, irika pinari
werta, tan nolih kawibawan, Naan Jaya Waringin, ana ring tumapel, pinuru dening para
Warga Kebo Ijo, maka nama, Ni Candi Gari, pira lawasiya, awangsa jalu sawiji, abiseka,
Sira Arya Kuta Waringin, yata rasika Sirarya Kuta Waringin, sadurweng dera kriana patih
Gajah Mada, tumekeng Wali Aga, naan caritaniya ringusana narepakena.

Endan riwekasan Jaya Kata, awangsa jalu asuji kang juwesta, abiseka Sirarya Wayahan
Dalem Mayeneng, kang ari Arya Nudata, maka wangsa nira Jaya Kata, apa etu wangsa
suwesta, pasih ira Dalem Manyeneng, nguni duk sang ibu, pina layua aken maring Tumapel,
sedeng garbini, tatapa dirgayusa ikang manik kinekasan dalem garbe, naetuna kang wangsa
juwesta sinupasih Arya Wayahan Dalem Manyeneng, apan ari dalem garba.

Kunang Sirarya Ketanggaran, muang Sirarya Nudata, sira kalih jumenek karyastaneng
Tumapel, lumiring sang bapa, endan Arya Wayahan Dalem Mayeneng, awangsa Roro jalu
kang juwesta anama Arya Gajah Para, kang ungsu atengeran Arya Getas.

Sawita kena punang tattwa, Sira Kebo Ijo, usan werda, opek tan el;ing ring pabuktian, angsi
sira tan katon. Sira Arya Kuta Waringin, ardirnyaneng kuna, satiti bakti, mematih ring Dalem
Arsa Wijaya.

Endah muah sawitaken kang kata, gumanti Sri Jaya Saba, purwa wang kasitanan, ari nira, Sri
Jaya Baya kunang Sri Jaya Saba, awangsa dipurusa siji atengeran Sira Arya, kunang Sira
Arya Kaderi awangsa dipura jalu siji atengeran Sira Arya Kepakisan, temekeng Wali Aga.

Endan riwekasan melawas puwakang kala, riwuwusan beneh sumeken ring arsa, apan puri
ring jatmaka, prawerti, amega Sirarya Kepakisan. Ameredadya swakala wangsa dipurusa,
awangsa jalu derewada, kang juwesta abiseka Sirarya Nyu Aya, mangkana wangsan nira
Sirarya kepakisan purwaka.

Asita akema muah ketatwa, wekana Sirarya Wayahan Dalem Mayeneng rorong wiji, apan
ngaran Sirarya Gajah Para. Sirarya Getas ungsu Siroro kang Sinurweng deremadas tumekeng
wali aga, mangkana pidartaniya.

Ong suci nirmala papa upadrawa, den nira nama siddhi

Swasti Raja Nugrahan nira, Sanghyang Suksema, ilangganing duskerti, durmagalaning rat,
sawigrahaning ala wipattwa tulah pamidina, den upadarwa, sinuda dening, Hyang Widhi
tuwining tamaka manggala katattwa, nian kawuwusan sampun, putran Dalem Tumapel,
ngaran Dalem Siwa Budha, sameton ida, atengeran Dalem Cempaka, Dalem Siwa Budha,
awangsa setri roro wiji.

Muang Dalem Cempaka, awangsa jalu sawiji, abiseka Dalem Arsa Wijaya, matatagon muang
patih pengarep, Brahmana Sadha ngaran Empu Raga Natha, kunang Dalem Siwa Budha,
nyeneng subiksa risemeton, maka patut manggala, sami binuncang , ring Tumapel, Sang
Dalem Nusa, agenah ring Tulembar, banyak wide agenah ring Sumenep, jaran panolih sareng
adi kara agenah ring Manura pada suksema kayun binuncang, kalintang pragiwakan, weruh
ring nanya - nanya, ngaran Sang Adi Kara ana pangindra jalannia, angirimaken suwela patra,
ratu Dalem Daha.

Becik mangkin ratu maburu, kepredesa Tumapel, sistan ipun swana noro ana pangeret tuan
ipun, ana suwiji sampun wersda apenelah. Empu Raga Natha Macan Guguh sampunika
kalangganing wenara. Wenara, katur ring Dalem Daha, suak ida mitowenin, kayun sang Adi
Kara, raris maputusin ke Tumapel, saha sewala dagingnia, jacaping sewala, angerusak
lungguh Dalem Siwa Budha, nandingang raga, arep ring Dalem Daha, sangkaning pasubaya,
ayuda sakeng lor pemaran sikep daha, saha tunggal tetabuhan muang gong beri, tangkep
perang, telas prajurit Tumapel, ngraga pangkatnia, madi Dalem Arsa Wijaya, tinut ta Sira
Soro, ring Dalem Sira Lawe, Sira Nambi, Sira Gajah Pagon, Sira Kuta Waringin, Sira Dandi,
Sira Kebo Kapetengan, terus serang silih okih.

Kunang prajurit Daha ana saking kidung pengamuknia ngaran Kebo Anabrang , Kebo Lepek,
Arda Walika, Bubur Baleman, Jala Katengeng, Arya Sunting, bubar kang perang desa
Tumapel, saking kidul, patgata kala, ketangkil ring paseban, antuk Empu Raga Natha, pendak
antuk Patih Daha panteskania puri putra istri roro wiji, pabeleset wong Tumapel, atur uninga
ring Dalem Arsa Wijaya, ring utara, rakan Dalem wus seda ring paseban, sareng Empu Raga
Natha, pulang balik Dalem sareng prajurit ira, prapta utaraning desa Tumapel, ring
pesawahan, kapendak antuk prajurit Daha, tangkep perang ring pesawahan, madedempolan
bahan endut, prajurit Tumapel muah prajurit Daha, sekadi kebo, wengi anapisan ngalang
kang perang, ngandika Dalem Soro muah patih samudaya panepabaan kita, lamakane keni
manikin Tumapel, tetagon ulu, yan noro keni dening ulun, lehan ingsan pejah, atur I Soro
muah Patih samudaya, ngiring kayun, Dalem masang semita sesirep, gelis Kebo Kapetengan
mangkat silib, masangan semita sesirep, sirep muang daha kabeh, irika dalem sareng prajurit
ira, ngranjing kenia puri, ngererh tetagon nira, dadya keni inalap sanunggal, kari sanunggal.
Tan kapanggih, metu Dalem sareng prajurit ira, sampun lintang puri, tandia uning prajurit
Daha, ngaran Arya Sunting, keni semita sesirep, gelis bancut kunang sesirep mawungu wong
Daha kabeh, tatas kemantia, noro ana raja putri wentening kania, rika maraning, saperejurit
Daha, ring pelakuannia, wastu kacuntuk prajurit Tumapel, ring pesawahan, terus tangkep
perang dadi anta metu mega ngunggul, rikalania aperang ngaliput wong kabeh keni kewatang
Gajah Pagon, keni pupunia, katibeban sambar taka, kadi peteng aliput, sipta mangalangan,
wong yuda, diastu malang ane ring dalem, Ipagon kuasa kita lumaku, pelan – pelan, terus
memarga Dalem kancit prapta ring gunung Tumapel, kasanggra ika antuk wong gunung,
pinebih kelapa ika, medaging sekul sekepel, kaunggahang antuk Dalem, raris ngandika ring
Lembu Soro, punapa bahan kita mangke Soro, muah patih sedaya, atur niya Soro, muah patih
sedaya menggat Dalem sakeng iriki, ngungsi kakang manira, ring Manura, ring Dalem
kapracayania, atur I Soro, yan noro kaprecayaan Dalem, manira amukang kaka, ring Dalem
anut, Gajah Pagon kakingsanan ring Mekel gunung, teher Dalem ngunggahin buban,
ngalintang segara, tanta prapta natha ring paseban manura, rikala adikara ketanggil, ring
pasebannia, nguningang ring dating I Dalem, kesah ring penangkilan, neranjing tentening
kania, kagiat dalem ring saptania, adi kara, kanggek ring Bale Agung, deres waspania, hatur
Lembu Soro, muang patih ayua mangkota Dalem, santosa malih pamuncang lan manira
Dalem, yan noro prapta kakakang, manira ngamukang kaka, kancit prapta Adi Kara, sagraha
wong ira, agawa sesalin ratu, muah pesanggrahan sarwa luwih, katur ring sang mustika,
katurang munggah ring kania, hatur Adi Kara ring kahananin Dalem, noro ana sewala ring
manira, manira nyungsung Dalem aturin manira, nalukin raga ke Daha, manira aweh sewala
patra, ginawe kunang duta, ling Dalem turut, sapa kesana Adi Kara, salimin nira keturunan
Dalem, antuk Adi Kara, saha bekel barang sagenepnia, prapta Dalem saha prajurit ira,
ngaturan raga, Dalem Tunggul Ametung, suka Dalem Daha, ling Dalem Daha, ih arin ira
prapta, selaminne irika, muruk matetambugan, ring paseban, ketonton antuk Dalem sareng
kalih, prajurit tumapel, kembul sepuluh, teher andep prajurit daha, atur Dalem Tumapel,
nunas alis terik ika, pacang anggen puri ,sakeng irika bakti ring iraka, suweca ring wong
Tumapel , sakeng melara, umbahin brana ika, miturut matuan, raris makedeng ring ratu
Belanda, yan sida alah ikang Daha, ngaturang pawesti, maniking puri Majapahit, ring ratu
Belanda, ngaran ratu Laksemana pacang polih pawestri, mangkat Dalem Belanda, saha
prajurit ira, santosa ring tepisiring Majapahit, mewalik kang Majapahit, arepa ke Daha, diastu
perang silih okih kondur wong Daha, kweh prajurit kawenang, rauhin Dalem brasta,
pinancaran kutri Daha, dateng ke Majapahit, Puspita Putri, Kencara Petak, ika kanggeh suami
den nira Dalem, kunang lawas ira, ana temajan nira jalu, sanunggal, kadi wisnu ngawetara,
biseka roro Dalem Rangga Semi, mauh Dalem Kala Gemet, nengge kene, ceritan iaji.

Tucapan Dalem Kala Gemet jayeng ari pulo cina, pulo Sunda, pulo Bansul Bali, sami alah
den nira, prajiwakan nirana, patih Badra Wada ngaran Liman Mada weruh saekaning naya –
naya, satung kebing akasa, sami katunggul den Dalem, kaangge maputra seda, nemili lanang,
putra tatiga, kari putrane istri kekalih, yun Dalem nunas kayun danghyang, agriya ring
katepeng reges, ling Empu Danghyang, Dalem kapregili antuk Buta Kala Dengen. Dewan
alas bila ika ngaran Kesari Cemeng, wus mangkanan, gelis Dalem ngarsayang, treh Sira Arya
Kuta Waringin, ana ring Manura, nama Rangga Jaya, serawuh sire Rangga Jaya ,saha sikep
kadga ngaran Rejang Barong tandwa kancit prapta, ring ungguwaning Kesari Cemeng, sedek
ketangkil dening wong kabeh, laju serangga jaya, ngunus duwung, kawewengan Kesari
Cemeng, katuwek antung rejang barong, para macan ika, sami kamemegan pamidi, murang
laku sapejahe Kesari Cemeng, kapisanan antuk Rangga Jaya, tur kapenggal sirah ira,
mewastu Rangga Jaya saterehnia tan kawedining, antuk mong, katur ulunnia ring Dalem, ling
Dalem yayin manira, nira minta sirahnia, anggen nira tatakan pasucian, ling Dalem, yayi
satereh Siwa Wandira, Kuta Waringin, Kesari Cemeng, maka patulangan yayi, mangke yayi
ring manura nyeneng Adi Patih.

Maan akema punang carita , kunag Sira Arya Kuta Waringin sakeng kinen Patih Milan Mada,
ngiring Dalem ke Bali, sampun putusin bawos, wastu uning irika ring Manura, teher apregili,
antuk iraka keni ring telengin segara, kewaliang, sareng nyeneng ring Manura, lan manira,
tan kayun Sira Arya Kuta Waringin, sawetning putus pangelengkarang nira ring Dalem, muah
pepatih Liman Mada, turun ring Bangsul Bali, kerana tan kenak ke Manura, werengkeng
semetone, majual – jualan kata, irika Sira Arya Kuta Waringin nyeburang raga, ring
wedaleming samudra, kuasa mina, mewali semetonannia, anambet rantene, leh yayi, naring
ngendi ungguwannia, tinggal asodara lan ningsun, eling yayi, tereh Arya Waringin, wus
budal irika, legi tumelia sirane Arya Kuta Waringin terus unjut tekeng sentanannia.

Nihan purwing ucap Sri Aji Bedahulu, nguni puwa wus maran nipun, sunia atistang Bali
Pulina, dadi ata manastapa Sanghyang Mada, tumoning sesana ruksa, ana tasira, Danghyang
Kepakisan arin ira, pandita Mara Marta, sira ta kanggeh Cuda Manik Kira Mada, maputra
sawijilan sakeng watu, olih sira nyurya sewana, satulan nira amupu ring Taman Sari.

Wijilit Sari, yata kanggeh suami den nira, yata aputra rong wiji, kakung suwiji, setri sawiji,
kang kakung, abiseka, ta Sri Aji Kresna Kepakisan, Sri Kresna Kepakisan, ana putran niya
catur, setri sawiji ika tinut dremada, anyakra dala, timindari, sang prameswasra baya, sang
matua andirya maring berambangan. Sang ari sumendi ring Pasuruan, sang ari maring
Palembang, nanging wekas sinuruhin Bali Rajia, kinadian mangsakta genjong denira Mada,
tina keparnania ning kasusilan, wiakti yana narayana, wisnu temaka, sekala yanu mandeling
ring tri raja, wus mangkana caritan Sri Raja Kepakisan, kang sumekeng Bali, tinarpan
dekrean Mada, seraddha kadutuan, muang kang busuna kadi, kapetia, sakadga ganja dunggul,
seregep tana ne singsal siniri deni ranya kanuruhan, muang Arya Wang Bang, Arya Kenceng,
Arya Delancang, Arya Belog, Arya Manguri, kaping untat Sira Arya Kuta Waringin, kering
nira tan ketarjana, tan kene satrap sara gana tumiaka keni kapua awaknia, sajuru – juru, amo
sira Arya Gajah Para, tumeking Bali, sautat Sira Arya Kuta Waringin, sesana ring Toya
Anyar, kunang Siarya Pemacekan, asesana ring bon Dalem, Sira AryaTumenggung, asesana
ularan, Sira Arya Pasentong, agrehe ring Carang Sari, mimitannia dangu, apan paturun Sira
Rakian Mada, ana pua Sira Satria wangsa, sakeng Kepakisan, nyambut sira Tumekeng Bali
Aga, muah ana wesia sakeng Majapahit tiga sanak, aran Sira Tan Kober, Satankaur,
Satankendur, aran datengeng Bali, ralas ikang kata wasinin bujang lepitan, yana kalimpada
aneng, wastua ampuna, nada sang memaca, muang tan ketamanan upadrawa, ne sang sidi
sidanta kahurun, nastu juga titaya, tan ketempal – katempal, katekeng sentanan preti sentana,
moga langgeng pira dewa ring bumi neng akena.

Caritanan ring Bali rajia, saturun Sri Aji Kepakisan ring Bali Aga, tatiga kang patih agung Si
Arya Petandakan, Si Arya Demung, Si Arya Kuta Waringin, ika satia wangsa kepakisan tri
unggaya, kapua sira.

Kunang Si Arya Wanek, Arya Daha mulania ingkuna, Arya Petandakan , Arya Wang Bang,
pua Sira mulaning Arya Daha, treh Jaya Katong, mulaning daha kadiri.

Kunang Sira Arya Kuta Waringin ana anaknia catur, kakung, stri sawiji kakung Tri kang istri
inalap rabi dening Kiyayi Batan Jeruk maweka yayi Nyuh Aya, awesma maring Bunggaya.
Kang kakung Kiyayi Kelapa Diana kang ari Kiyayi Parembu, kangi wekas Kiyayi Gusti
Candia sira sami ring Gelgel, katiga amatihing Sira Dalem apa mulaning satya wangsa tiga,
mangkana pidartannia nguni.

Karo langgia alit, Sira, sang gumanti, I Dewa Pemanyun, kaempu dening paman nira,
kasemeton Desri Aji Batu Renggong, putranne Aji Tegal Besung, aputranne Dewa Nusa,

I Dewa Pengadangan, I Dewa Gedong Artha, I Anggungan, I Dewa Bangli, I Kusang anak
gumanti yaning sida dewa tua ring enggong wineng wong denimantri samadaya, wekasan
prapta pua kali yuga, wangun praba daning rat, rinasu dening kawi, muaning janma, loba
murka, iku ana putting sira kunang I Dewa Pemayun, kang jumeneng ring rat, arine I Dewa
Anom Dimade, kunang Kiyayi Batan Jeruk, upadiya denira, asta pala ling ira sang Guru
Budha, sampun inanak amedening Dalem, Dalem ring Gedampar, sang anak mungguing
lemah, dening mangkana, apan Dalem pinangku, I Dewa Pemayun ring tengen, I Dewa
Anom ring kiwa, wekasan disamping, kaweka samia, dadi ida di pungkur, iku done sang guru
sambada, tan kering sira sambada angu sira angatur arta, ling sang guru masesira dadi wong,
ngaran Awesana rinanyutang jero pura sareng I Anggungan, kang gumantia ratu, penancaran
sang putra kekalih, yata pinaling derakian Penatih, sareng I Gusti Kubon Tubuh, keni
emargia polonganing bata, ring kuluwaning pasar, Purine Kriyan Punulisan, mijil ring
Pekandel ane te arin nire, setri raja putri, pinerang de Batan Jeruk, dadiyata kinepung kang
puri, dene wang Bali ika, anane Gusti Penatian, Ki Gusti Kebon Tubuh, Tabanan, Tegeh
Kori, Kaba – kaba, Buringkit, Kapal, Pering Cagaan, Sukeet, Pegatepan, Berangsinga,
Tangkas, tumuting sira krian Batan Jeruk, sok yayi Batan Jeruk kesah maring Gelgel, mantuk
maring Bungaya, timut buri denig yuda, mati tesira, ring Jungutan.

Lek ika, Isaka berahmana nyarita wawahan wani, 1418, awastra te sira, Suda Mala akampuh
telumut, asekar puluh lamba, janggungan sira Tanunggul, I Gusti Panda kang marep, asedana
I Gusti Manginte, soku Gusti Toh Jiwa sira pejah, anging tan kadas, pejah dening watang
baru gudug, Sang Anggungan, pinulak akaning kesatria, mang ika mangkana, De Rekrian
Jelantik, ado ikang wiryan, ujare Ngurah Jelantik, son warang punapi macane ubuhin,
pinituhu denier Batan Jeruk, naatang carite.

Sapatine yayi Batan Jeruk, sasanan nira, sami larut, sama wedipati, Kriyan Bebengan, Kriyan
Abian Nangka, Ki Gusti Tusan, tinut dening yuda, engsut batan jawane cekur – cekur
titiranne, luwuring juwane, awantu kang ngetut buri, doring aurip, I Kamatang Sentana
apapaling ring yata, ring titiranne ajata mangan, adesa ring Karang Asem, bumi Watu Aya,
nengekana te kita.

Caritanan Si Arya Demung, madeg ring Kreta Langu, kunang Si Arya Delancang, madeg ring
Kapal, Si Arya Belog madeg ring Kaba – kaba, Si Arya Kenceng madeg ring Tabanan, malih
Si Arya Tumenggung madeg ring Patamuan, Si Arya Macekan madeg ring Bon Dalem,
kunang Si Arya Gajah Para madeg ring Tonyo Anyar, tumut sira Arya Getas, sami akuweh
kang wadwa, muah sira Arya, kang marekeng Dalem, Si Arya Petandakan, Sira Arya Kuta
Waringin, Si Arya Kanuruhan, Si Arya Wang Bang, tumut anaknia, Arya Manguri,
Pengalasan, mangkana kramania nguni.

Kunang caritan metu kali yuga ring Kelungkung, karejek Gusti Pande, antuk gumi Bali,
sakeng pinunas Gusti Kanca, ring Dalem Besung, muah Dalem Sagening, antuk Gusti Pande,
tanarep rejanji ring Kelungkung, sedane Gusti Telabah, mengamuk Gusti Pande mengidul,
meseh ring Gusti Beda Muka, telas bubar sekep ika, terus mangulon muah mengalor, teher
mengalor, kari satus iringane samas raris mengalor, pengamuk Gusti Pande, kacunduk pernah
Aji mingsiki, ring marga agung, Gusti Wayahan Penaruhan, nyanyut mengamuk Gusti Pande,
tan kawosa saling tandalan keris ring dada, pada engke katuwek dumunan, Gusti Wayahan,
kaarit tuwat panuwek, Gusti Pande mrasa keprana tatune, ngawalas gusti Wayahan keni
pranan Gusti Pande, pada seda yudan sang kalih, rawuhing panjak pada telas, ngemasin,
Gusti Jareme, sea ring marga agung, Gusti Pelampung, Gusti Bekok, seda mongpong tembok
penyengker, Gusti Bias Sama, ngamuk ke bencingah, masikep dapdap nganggar pedang ,
kesayut antuk matua, rauhing rabine mobot, sareng mantuk kasebetan, atur Gusti Bias sama,
sing ada anak melah bakan matua , raris ngamuk keh punang pejah , kecanggah kegarang
sedane Bias Sama, imatua Gusti yang taluh kantu raris kakrubung antuk rencang dane,
mantuk kasebetan, sareng putrane istri mobot, ika putrane mobot kapeningin ring Gusti Yang
Talu, ngaran Gusti Dauh Bale Agung, risampune putusing , mobote, maputra lanang,
kawastaning Gusti Lanang Dauh, kalinggihang ring selat Sidemen, saking Gusti Dauh Bale
Agung, tiruning parab wayah dane.

Muah caritanan Sira Arya Kuta Waringin, wekane tri wiji kakung, nama Gusti Kelapa Diana,
kang ari nama Gusti Parembu, magenah ring manduang, ungsu Gusti Candia, roro ring
Gelgel, Gusti Kelapa Diana (Gusti Kebon Tubuh), Gusti Candia maweka sawiji nama
majaya, Gusti Majaya maweka tri kakung, nama Gusti Suradira, kang ari nama Gusti Wala
Sura, kang ungsu nama Gusti Rangga Poleng, ridalaha metu kaliyuga, rug negara Gelgel, lali
ring kawitan , para ngelurah, para manca, pada mangsi kaulane sadesa-desa, matinggal ring
Gelgel, I Dewa Gede Tangkeban metu sakeng padukuhan, adesa ring banjar Nyalian, angawa
keris angaran I Lobar, sami panelurah ambekta kaliliran, metu sakeng daleming kuna – kuna.

Kunanga wekane Gusti Mejaya, tri sah sakeng Gelgel, sami ngungsi desa, endan Gusti Sura
Dira, ngungsi jagat buleleng, nangun wesma mewasta Jeroan Kanginan.

Gusti Wala Sura ngungsi desa jumenek ring desa Kapal, Gusti Rangga Poleng megenah
Langgan desa Kerambitan, angawa pustaka, muah pasuwamban, Gusti Suradira wus lama
nyeneng di Buleleng desa Mayong, kaelingan den Ratu Panji Sakti, bibin ida Pasek Mayong,
magenah ring panji, olih kaiwat antuk wong prahu tebe ring Padang, selamane irika, kalangan
Dalem melancaran, irika ngaturan dewek, dane kaiwat antuk wong perahu, kandikayang ring
Dalem ngiring ke Klungkung, selaminne wong irika, ring pura Kelungkung, sayan enak
kayun Dalem, teher kejamah maduwe Ratu Panji, wenten kayun ida mantuk ke Singaraja,
sareng I Biang, makta dwung, asiki mawasta Baru Cemeng, teher memargi, mebekel ketupat,
nang akena ring margi napak ring alas Beratan, kaluwen ida irika, ngerayunan ketupat sareng
I Biang, noro ane toyo, olih mepastu Ratu Panji, megoto akene bulakan ketipat, medaging
toyo, wastu wenten bulakan medaging toyo, ngaran bulakan katipat, wus merayunan ten eling
ring margi, irika nangis Ratu Panji, mageta ana rauh Buta Belego, ngosong Ida, rawuhin I
Biang, terus ke Panji selamane Ida irika, oleh Manjaya ngakan gendis, antuk duwung baru
cemeng, rep wong Buleleng, sami bakti ring Ida Ratu Panji, wit panugran Dalem.

Sapenyeneng Gusti Suradira, pinarep pinaka patih lame pada nyeneng, Gusti Suradira
maweka tri wiji kakung, nama Gusti Pageh, Gusti Yager, ungsu Gusti Kaler, Gusti Pageh
tanpa sentana Gusti Yager apuri ring banjar bali, aweka nama Gusti Madu Ranten,
sapenyeneng Gusti Pageh, Gusti Kaler, Gusti Yager, metu jagate Singaraja, marep ke mengui
wit putran Ratu Panji, pelamar sakeng Ratu Mengui, tan kewehang rariyinan bumine ring
Singaraja, tangkep perang ring batu mejan, ramas kang yuda, saturun ida Ratu Mangui
dumilah tejan ida Kaya geni, rika kondur wong Buleleng tong bani mulat, kalah kang bumi
singaraja, ketemu Ratu Panji ring Ratu Mengui maritetes, pernah oka disemeton putran
Dalem Anom, kaputrane istri, kaanggen rabi, rawuhin gumi Berambangan, teher katur ring
ida, selamane ring Singaraja tan kayun budal ke Mengui, siwane ring banjar Masepih,
kaanggen patirtan, kaindit sareng semeton rabine, sang siwa mairingan 185 diri, Gusti Kaler
mairingan 80 diri, watek madesa Pasek Mayong, tandwa ring margi, prapta ring Bekak, teher
wangun puri irika, maparab Ida Ratu Sakti Berambangan, irika Ida ngerawosin kaula ika,
muah ana pangandika, Betara Sakti Berambangan, ring Gusti Kaler, kepangandikayang
megenah ring gumi Gunung Celagi, selamane irika ana weka catur wiji, bibine Pasek
Mayong, kang pinih luur, atengeran Gusti Putu Gunung, kang ari Gusti Made Bukit, arine
Gusti Nyoman Abian, kang Ungsu Gusti Ketut Mayong, I Gusti Kaler olih tangkep perang
ring Ubung, kondur yudanne ruwuh ring Petangan, malih tangkep perang, ring Petangan, seda
Gusti Ketut Mayong ring pura Petangan, Gusti Nyoman Kondur yudanne irika, uning I Aji, I
Gusti Nyoman Abian, kesah irika I Aji duka muah rakan dane sami duka, terus Gusti
Nyoman Abian ngelampusang raga, kesah sakeng desa Kuwanji, mairingan adiri bangsa
pasek Mayong, kamurang laku panyusup Gusti Nyoman Abian, kudang latri puwa ring desa –
desa, kancit prapta ring desa Beng, irika Gusti Nyoman Abian, ring palungguh ida, I Dewa
Agung Manggis apuri ring Beng, puput ngaturang raga, memarekan ring I Dewa Agung
Manggis, yun Ida Dewa Gung Manggis ledang, kenak nganggen Gusti Nyoman parekan.

Selamene Gusti Nyoman Abian memarekan, suweca Ida Dewa Gung Manggis nyuken genah,
kapangandikayang magenah ring Tegal Tugu nampeking pengastulan, dwene ring Pura Tugu,
sakeng irika bakti ring palungguh I Dewa Gung Manggis, apuri ring Beng.
Selamine Gusti Nyoman Abian jumenek ring Tegal Tugu ana weka sawiji kakung, atengeran
Gusti Putu Giri, matuhing lampah kaya bapa, rabine wit semeton, atengeran Gusti Raka
Yadnya, ana weka roro wiji, laki, bi, kang laki, Gusti Gede Padang, kang ari atengeran Ni
Gusti Ayu Rai, I Gusti Gede ana wekane catur wiji, laki, bi, kang pinih luhur atengeran Gusti
Oka Asem, kang pemade I Gusti Kwanji Dira, sah ke Peliatan, sakeng ngiring kayun I Dewa
Gung Manggis, apuri ring puri agung Gianyar, I Gusti Dira awesma lor puri agung peliatan,
rabine sakeng pradesa Samprangan, wekane I Pasek Mayong, Ni Ketut Sari, tengerane, ana
wekan nira catur wiji laki, bi I Gusti Kwanji Mara, kang ari I Gusti Raka Ratna tengeran
kang ari, puspata, kang ungsu Ni Gusti Puspawati, Ika wekane I Gusti Kwanji Dira, tunggal
matuh sakeng Pasek Ni Ketut Sari .

Kunang Gusti Kwanji Lasia, sah ke Abianbase, rabine bangsa Meranggi wekanya I Wayan
Minggir ring Tegal, Ni Ketut Rupet tengerane, ana wekan nira catur wiji, laki , bi,
pesamuaning tengeran I Gusti Kwanji Tabuh, kang pemade Gusti Made Kwanji bajawon,
tengerane, kang ari Gusti Nyoman Kwanji Nuntun, kang ungsu Ni Gusti Rai Suri, tengerane
tunggal matuh sakeng sudra, Ni Ketut Rupet, tengerane ika okane Gusti Kwanji Lasia, seca
Gusti Oka Asem, ngamet okane, ngamet pianak I Wayan Tanjung sakeng Desa Pegesangan
Ni Ketut Sari tengerane, ana weka nira sapta wiji, laki, bi, pesamuaning tengeran, I Gusti
Raka Pucang, Kang Pemade I Gusti Raka Mongol, kang ari Gusti Nyoman Pageh, kang
ungsu I Gusti Kwanji Geredeng, kang ari I Gusti Kwanji Kenting, kang ari mapenenger Gusti
Kwanji Rapuh, kang ari Gusti Kwanji Enteg, tunggal matuh Ni Ketut Sari tengerane. I Gusti
Made Mongol, wekane Gusti Oka Asem, ngamet rabi kepegesangan pianak I Ketut Tanjung
Balik. Ni Ketut Sekar tengerane, Ni Gusti Raka Tanjung kambil ke Abianbase puri kelodan
kang ari Gusti Kwanji Kepiug, tengerane ika tunggal matuh.

Sece I Gusti sorog okane I Gusti Mongkog, ngamet rabi Ni Made Ganyar, wekane I Wayan
Paksa bangsa Gunaksa, tunggal desa ane wekane rong wiji, laki, bi pesamuaning tengeran I
Gusti Kwanji Embung, kang ari I Gusti Kwanji Terem, tunggal matuh sakeng bangsa
Gunaksa, malih rabine sakeng semeton, Abianbase, wekane I Gusti Tubuh, apepasih Ni Gusti
Ayu Oka, ana weka roro wiji laki, bi, pesamuaning tengeran, Ni Gusti Rai Soko, kang
pemade I Gusti Kwanji Gronyong, tengerane, kartika pesamuaning tengeran, I Gusti Gede
Sorog, I Gusti Geronyong, wekane I Gusti Gede Sorog, ngamet rabi Ni Gusti Teges wekane I
Gusti Tukad ring Abianbase pegating wangsa.
Sece I Gusti Kwanji Embung, ngambil rabi Ni Canggih, wekane I Made Abian ring
Abianbase, ane wekan nira ruwe, laki, bi, pesamuaning tengeran, Gusti Made Mentok, kang
ungsu Ni Gusti Rawit, tunggal sakeng sudra, Ni Jero Canggih, maka ruwe inamet oleh I
Dewa Tangkas tunggal Desa.

Sece I Gusti Ketut Kwanji Terem, ngamet okane I Gusti Kwanji Tempal, nama I Gusti Peges,
ana weka adiri istri, nama Ni Gusti Rangu , keamet den Gusti Kwanji Nama, I Gusti Terem
ngidih okane Gusti Seleseb, nama Gusti Ketut Sudana, Gusti Kwanji Kepiyug, ngamet okane
Gusti Kwanji Pageh, Ni Gusti Ayu Beraba, tengerane, ana wekanira sawiji laki, I Gusti
Kwanji Lingkung tengerane, Gusti Kwanji Lingkung ngamet rabi Ni Wayan Simpen
tengerane, wekane I Wayan Pande Tonjo, ana weka nira sawiji istri, Ni Gusti Jampen,
kelabuhin antuk Gusti Nyoman Geluntuk.

Sece I Gusti Kwanji pageh, Gusti Kwanji Peteng tengerane, ngamet rabi Ni Gusti Made
Pering tengerane, wekane I Gusti Cangi Abianbase, ana wekanira sad wiji laki, bi,
pesamuning tengeran, Ni gusti Gelintik, keamet dening Gusti Embung, kang pemade nama
Gusti Kwanji Seleseb, arine nama Gusti Kwanji Geluntuk, ngelabuhin Gusti Kwanji Jampen,
kang ari Gusti Geluntuk keamet dening Gusti Rerod, kang ari Ni Gusti Seririt, kamet dening
Gusti Gesiuh, kangi wekas nama Ni Gusti Ketut Tagih, ke ambil antuk Dewa Banjar.

Sece I Gusti Kwanji Tempal wekane I Gusti Kwanji Kenting ngamet rabi Ni Lemas, wekane
I Wayan Gunaksa, ana wekanira panca laki, bi, pesamuaning tengeran, Gusti Kwanji Umum,
seda taruna, kang ari nama Ni Gusti Peges, keamet den Gusti Terem, kang ari nama I Gusti
Kwanji Malen, ngelabuhin ke Tedung ring Ni Gusti Canggi Yasti, kang ari nama I Gusti
Kwanji Rerod, kang ari nama I Gusti Kwanji Belas, tunggal matuh sakeng sudra, Ni Jero
Lemas, Ikesedaya okane I Gusti Kwanji Tempal.

Sece okane Gusti Kwanji Rapuh, nama I Gusti Gesiuh ngamet okane I Gusti Made Peteng,
nama I Gusti Seririt, ana wekane sawiji bi, Gusti Serengseng, keamet den Gusti Kwanji
Kereng, ring Abianbase, Gusti Gesiuh ana binih sakeng pianak sakeng I Wayan Kacang,
nama Ni Made Kangen, ana weka sawiji laki, nama I Gusti Selaseh, ngamet okane I Gusti
Ombak nama Gusti Selisih.

Gusti Ombak ngamet rabi Ni Made Rema, bangsa Gunaksa, wekane i Wayan Ada, ana
wekanira limang wiji, laki, bi, pesamuaning, tengeran nama Gusti Selisih, kang pemade Gusti
Made Nama, kang ari Gusti Mideh, kang ari penelah Gusti Komak, keamet den Gusti
Gelentuk, kang ungsu Gusti Ketut Kara, keamet den Gusti Rerod, malih amalik kata purwa
ngulap.

Sece Gusti Tubuh ngamet okane Gusti ring Tegal, panenger Gusti Ayu Raka, ana wekanira
Catur laki, bi, atengeran Gusti Lagas, kang aru, kang ari Guti pupul, kangiwekas nama Ni
Gusti Raka Nari, kang ari paling ungsu Ni Gusti Rai Siyari, Ika wekane I Gusti Kwanji
Tubuh, tunggal binih, I Gusti Lagas ngamet rabi, Ni Gusti Raka Ratna, wekane Gusti Kwanji
Mara sakeng Peliatan ana wekanruwa laki, bi, pesamuaning tengeran Gusti Nengah, kang ari
I Gusti Ada, ika wekane I Gusti Kwanji Lagas.

I Gusti Pupul ngamet tunggal sameton Ni Gusti Rai Mekar, wekane I Gusti Kwanji Bajowan,
ana wekanira ruwa, laki, bi, pesamuaning tengeran, I Gusti Kwanji Mokel, kang ari Gusti
Mekir, malih binih I Gusti Kwanji Pupul, sakeng Bedulu, wekan I Pasek Mayong, Ni Ketut
Dulu tengerane, ana wekanira, tri, laki, bi, I Gusti Dulu, kang ari Ni Gusti Made Kreti, bini
sakeng Belahbatuh, wekan I Wayan Batuwan, nama Ni Ketut Siyara, ana wekanira, ruwa,
laki, bi, pesamuaning, tengeran, Gusti Raka Yasuwa, kang pemade Gusti Made Cangi, kang
ari Gusti Yasti, ika wekane I Gusti Pupul.

Wekane Gusti Kwanji Lasiya, kapanenger Gusti Kwanji Bajowan, ngamet kepeliatan, wekan
I Gusti Kwanji Mara, nama Ni Gusti Ratni, ana wekanira catur, laki, bi, pesamuaning
tengeran, I Gusti Kwanji Diana, kang ari I Gusti Dianu, I Gusti Kwanji Pujer, kang penelah
Gusti Ayu Puji, Gusti Kwanji Pujer, ngamet okan I Wayan Besang, nama Ni Ketut Tamped,
ana weka tri, pesamuaning tengeran, Ni Gusti Putu Tiles, kang ari Gusti kwanji Kumpul,
kang ari nama I Gusti Geleh, Ni Gusti Tiles, keambil ring Dewa Banjar sanur, tunggil desa,
wekane I Gusti Kwanji Pujer , nama I Gusti Kwanji Kumpul, ngambil okane Pasek Gunaksa,
tunggil desa nama Ni Ketut Aksi, ana weka sawiji, bi, Ni Guti Belis, keamet den Gusti Cangi
Lender ring Tedung, malih Gusti Ketut Kwanji Geleh, ngamet okane Gusti Tusan, sakeng
Tegal Besar, nama Gusti Made Pejeng, ana wekanira sapta laki, bi, pinih duhur Ni Gusti
Colok, kamet den Gusti Mekel, Gusti Kwanji Gudet, kang ari Gusti Kwanji Kereng, kang ari
Ni Gusti Tinggen, kamet den Gusti Pulangan, kang ari nama Gusti Jampen, kambil kepuri, Ni
Gusti Jampun, Ni Gusti Teblun.

Wekane I Gusti Lagas nama I Gusti Tengah, ngamet wekane Gusti Gusti Kwanji Pujer, nama
Gusti Ayu Puji, pegating wangsa, I Gusti Nengah, ngidih sentana wekane Gusti Kwanji
Ancut, ring Tedung, nama Gusti Logong, wekane Gusti Gusti Pupul, nama Gusti Mekel,
ngamet kepeliatan, nama Gusti Ketut Batu, tanpa sentana, Gusti Mekel ngidih okane Gusti
Ancut, nama Gusti Gerudug.

Wekane Gusti Kwanji Lasia, nama Gusti Nuntun, ngamet okane Gusti Cangi, nama Gusti
Yasuwa, ana wekanira sawiji nama Gusti Kwanji Ada ring Tedung, Gusti Kwanji Ada
ngamet mekel, nama Gusti Mekir, ana wekanira sawiji, nama Gusti Kwanji Monggol, Gusti
Monggol ngamet okane Gusti Dulu, nama Gusti Asti, ana wekanira sawiji nama Gusti
Kwanji Gangsar, wekane ika Gusti Kwanji Nami, nama Gusti Kwanji Luwih, ngamet okane
Gusti Cangi, nama Gusti Ketut Wati, ana wekanira sawiji laki, nama Gusti Kwanji Ancut,
ngamet okane Gusti Dulu, nama Gusti Warni ana wekanira catur wiji, laki, bi, pesamuaning
tengeran Ni Gusti Lipet, I Gusti Kwanji Logog, pekidih ke Abianbase, ring Gusti Tengah,
kang ari nama Gusti Nyoman Keweh, sareng ke Abianbase, kang ari nama Gusti Ketut
Gerudug, pekidih ke Abianbase ring ring Gusti Mekel.

Wekane Gusti Kwanji Nama, panelah Gusti Kwanji Kerupuk ngamet okane Gusti Made
Cangi, nama Gusti Ketut Asti, ana wekanira tri wiji, pesamuaning tengeran, Gusti Kwanji
Purna, kang ari nama Ni Gusti Purni, kamet den Gusti ring desa Banda Belahbatuh, kang ari
nama I Gusti Ketut Dugdug.

Gusti Ketut Dugdug ngambil ke Abianbasesameton atengeran Ni Gusti Dapet, wekane Gusti
Manikan , ana weka roro wiji, bi, pesamuaning tengeran, nama Ni Gusti Wayan Toplo, kang
ari nama Ni Gusti Made Tublen, keambil den Gusti Cangi Wayan Muwug, tunggal desa, Ni
Gusti Wayan Toplo kelabuhin ring Gusti Kubuk sakeng desa Peliatan, tanpa sentana.

Seca ni Gusti Yasti kelabuhin ring Gusti Kwanji Malen, sakeng Tegal Tugu, ana wekanira
sawiji, laki nama I Gusti Wayan Muwug, ngamet okane I Gusti Ketut Dugdug, nama Ni Gusti
Made Tublen, ana wekanira sawiji, laki atengeran I Gusti Putu Saup.
No : 296/Puri Agung Klungkung
Surat Ketengan, menerangkan orang
Nama : I Gusti Made Bagia
Alamat : Br, Tedung Desa Abianbase
Kec. Gianyar, Kab. Dati II Gianyar
Telah memiliki prestasi / Piagam
Arya Kuta Waringin
Om Santhi, Santhi, Santhi Om
Sane Nyalin antuk sastra
Latin inggih punika
titiang I Gusti Made Bagia
Lingkungan Tedung, Abianbase Gianyar.

Kelungkung 1 Pebruari 1980

Yang memberikan piagam

(IDA TJOKORDA MAYUN PUTRA)