BAHAN SERMON WILAYAH VI, MINGGU OKULI, 03 MARET 2024

FIRMAN TUHAN ITU SEMPURNA/HATA NI DEBATA NA SUN DENGGAN

PSALMEN 19: 8-15
I. Patujolo

Psalmen 19 on tardok do on na unik ala adong dua ende na marasing tujuanna. Ende na parjolo ima
di ayat 1-7, ima ende na manaringoti pamujion tu Debata alani hinadenggan dohot hamuliaon saluhut na
tinompa ni Debata. Ende na paduahon ima di ayat 8-15, ima ende na manaringoti pamujion tu Debata alani
hinadenggan dohot hamuliaon ni hata (patik) ni Debata. Nang pe marasing tujuan na alai adong do
hasadaon nalaho dipatoboton di bagasan ende on, dia mai? Ima na saurdot do HataNa dohot
pamabahenanNa. Nuaeng naeng tapabagasan ma mangatusi taringot ende napaduahhon i, ima ayat 8-15 di
topik minggunta didok “Hata ni Debata na Sun Denggan”

II. Hatorangan ni turpuk

Dihatindangkon raja Daud do taringort tu Hata ni Debata (patik ni Debata) i na sun denggan, na
sintong, na tigor, pita, na ummarga sian angka mas dohot sian sere, jala tumonggi sian situak niloba. Alani
tauhal majo sada-sada.

1. Hata ni Debata na sun denggan

Hata ni Debata i sun denggan (sempurna), di bahasa Ibrani didok tamim na marlapatan lengkap
seluruhnya. Jadi, hata ni Debata i singkop na so adong hurangna, kebenarnnya tidak perlu diragukan lagi.
Marhite hata ni Debata na sun denggan i, gabe pasabam roha tu angka na mambegesa.

2. Hata ni Debata na sintong

Sintong/teguh (inggris: sure, confirmed) bahasa ibrani ne’emana lapatanna “pasti”, “dapat
dipercaya”. Hata ni Debata na sintong i mambahen lam marbisuk angka na tobok marroha (orang yang tak
berpengalaman). Na tobok marroha merujuk mai tu halak na porlu dituntun asa lam magodang
haporseaonna, asa lam tang haporseaonna. Halak na tobok marroha i lam bisuk ma ibana dipardalanan ni
ngoluna ala manontong ibana tumangihon jala umpeop hata ni Debata. Marhite hata na sintong i, gabe lam
bisuk ma angka jolma di ngoluna.

3. Hata ni Debata na tigor

Tigor bahasa ibrani y’syarim lapatanna tepat, tidak melenceng, tidak menyesatkan. Alani hata ni
Debata na tigor i mambahen las roha. Isarana molo mardalan hita di dalan na tigor (tepat) tontu las ma
rohanta ala sahat ma hita tu na tatuju.

4. Hata ni Debata pita

Pita lapatanna ias, bontar tanpa ada noda kotor dalam bahasa ibrani tahor (Suci). Hapitaon ni hata
ni Debata i gabe patiur parnidaan dang holan patiur parnidaan tahe dohot nang patiur pikkiran. Marhite
hata na pita i tiur hita marnida dia do lomo ni roha ni Debata jala dia do dihasogohon Debata di tongatonga
ni ngolunta. Jala marhite hata ni Debata na pita i gabe tiur panandaanta tu dirinta, tatanda dirinta sahalak
pardosa na ikkon mian di bagasan hata ni Debata do hita saleleleng mangolu diportibion asa jumpangta
hatiuron.

5. Hata ni Debata ummarga sian mas nang sere

Hata ni Debata i mansai uli jala badia, alani ulina jala badia do umbahen didok parpsalmen
ummarga sian mas dohot sere. Boasa mas daohot sere dibahen sebagai perbandiang tu hata ni Debata? Ala
mas dohot sere mansai arga doi di halak Israel nang disude halak, jala jotjot do dipakke halak Israel mas on
tu sada hal na mansai ringkot jala arga dinasida, isarana poti parpadanan di bahen nasida do mas malapisi
poti parpadanan i (2 Musa 25:11) dohot pahean ni malim pe dibahen nasida do sian mas ima baju efod (1
Musa 28:6). Jadi mas i dihalomon godang jolma, lobi sian ima didok parpsalmen on Hata ni Debata
dihalomon angka jolma tarlumobi di parpsalmen dipanindangion ni haporseaonna taringot tu hata ni
Debata.

6. Hata ni Debata tumonggi sian situak ni loba

Hata ni Debata lumobi sian angka kenikmatan pardagingon, tumonggi sian situak ni loba dohot
tanggule (madu tetesan dari sarang lebah). Molo hata ni Debata dijanggkon marhite haporseaon mansai
tonggi ma dibagasan roha. Songon tangule i na mansai tonggi, murni, asli, songon ima hata ni Debata
ditonga-tonga ni ngolu ni jolma.

Nuaeng laho dipatorang ma di udut ni ayat on ima di ayat 12-13, aha ma upa ni halak na
manghalomohon jala na mangulahon hata ni Debata?

Hata ni Debata gabe sipaingot

Molo sala angka parlangkaonta mansai ringkot do adong paingothon hita asa unang lam bagas
hasalaan ni parlangkaonta. Marihite hata ni Debata di paingot hita angka jolma, asa tongtong hita mardalan
di dalan na dihalomohon ni Debata. Molo madabu hita tu bagasan dosa adong hata ni Debata na
paingothon hita, ima ringkot ni hata ni Debata i laho menuntun sude parngoluonta. Halak na so mangolu di
bagasan hata ni Debata tudos ma songon supir mobil na mamboan mobil alai ditutup sipareonna, dang
dibege angka klakson na paingot hon na adong mobil sian jolo manang na sian pudi, ujung gabe
kecelakaan ma. Alani inkon girgir do hita manangihon hata ni Debata, asa tetap terarah ngolunta.

III. Sipahusorhusoron
 Dipangkungkuling Debata do hita marhite hataNa, marhite hataNa na sun denggan i membahen
hita margogo molo ro angka sitaonon, tubu pangkirimon di angka na loja jala na sorat, marhite hata
ni Debata i paingothon hita asa unang manimbil tu siamun nang tu hambirang pardalananta,
marhite hata ni Debata i mangarahon hita asa tongtong hita mangulahon lomo ni rohani Debata.
 George Muller dalam kesaksian imanya tentang Firman Tuhan (Alkitab) “Tiga tahun pertama
setelah pertobatan, saya mengabaikan Firman Tuhan. Sejak saya mulai membacanya dengan rajin,
berkatNya luar biasa. Saya telah membaca Alkitab seratus kali dan selalu dengan kegembiraan
yang meningkat”. Dan juga Presiden Amerika Ronald Reagen pernah bersaksi “bahwa Alkitab
adalah jawaban atas segala pergumulan kita, asalkan kita mau membaca dan mempercayainya”
 Firman Tuhan itu sempurna itu berarti Alkitab adalah lengkap sehingga mencakup dan menjawab
seluruh kebutuhan dan setiap aspek kehidupan kita. Oleh karena itu apapun kebutuhan hidup kita
dan apapun pergumulan hidup kita, Firman Tuhan adalah jawaban yang sempurna dalam hidup
kita. Amin