ACARA PARTANGIANGAN

BUHABUHA IJUK
Haheheon ni Tuhan Jesus

HURIA KRISTEN BATAK PROTESTAN

Haheheon ni Tuhan I Do Hamonangan (Markus 9 : 9 )

Minggu, 31 Maret 2024


01. JOUJOU PARSAORAN TU DEBATA: (U=Uluan R=Ruas)
U : Huria ni Tuhanta, na marpungu do hita nuaeng di buha-buha ijuk on, marningot
hamonangan ni Tuhanta Jesus manaluhon huaso ni hamatean. Alani i, jumolo
ma pinasahat tabe : Selamat Ari Paskah ma di hita saluhutna
R : Selamat Ari Paskah. Nunga monang Kristus i.
U : Tapuji ma Debatanta i naung pahehehon Jesus Kristus sian hamatean, ndada
pola mabiar be hita mida hamatean, ai nunga di taluhon Jesus saluhutna i,
antong marlasniroha ma hita, ai nunga digarar Jesus utang ni dosanta. Marende
ma hita laho mambaritahon haheheon ni Jesus i.
02. Marende No. 627 : 1+4 ‘’Jesus Naung Hehe ’’ BL. 627
 Jesus naung hehe Haleluya, puji endehon Haleluya,
Hamonangan ni Tuhanta i na manaluhon sibolis i.
Las ma roham puji ma Tuhan i, ala naung talu hamatean i
Sesa dosanta haleluya, mangolu Jesus haleluya.
------jongjong-----
 Tabaritahon Tuhanta i, na hehe jala mangolu i
Singkop do panghophopanNa i, di hita jolma pardosa i.
Las ma roham puji ma Tuhan i, ala naung talu hamatean i
Sesa dosanta haleluya, mangolu Jesus haleluya.
03. VOTUM – INTROITUS:
U : Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on.
R : Amen
U : Ida ma, Debata do hatuaonku, Ibana huhaposi, jadi ndang mabiar ahu, ai Tuhan
Jahowa do hagogoonku dohot pujipujianku dohot manjadi hatuaon di ahu.
R : Pinuji ma Debata Ama ni Tuhan Jesus Kristus naung manubuhon hita
paduahalihon sian godang asi ni rohaNa tu pangkirimon na mangolu
marhitehite haheheon ni Tuhan Jesus Kristus sian na mate.
U : Nunga hehe Tuhan i, nunga tutu hehe Ibana. Ari on do na jinadihon ni Jahowa,
marolopolop jala marlas ni roha ma hita disi. Batu naung binolongkon ni angka
pande bagas, ima gabe batu parsuhi. Pinamasa ni Jahowa do i, halongangan do
i anggo di matanta
R : [Mangendehon Ende No. 96 : 1 “ Nunga Talu Hamatean”]
Nunga talu hamatean dibaen Tuhan Jesus i. Ai na hehe do Ibana songon na
nidokNa i. ;.; Haleluya-haleluya nunga hehe Jesus i,;.;
U : Unang ho mabiar, Ahu do Bonana jala Ujungna. Namangolu do jala naung mate
do Ahu najolo, jala ida ma, Ahu do namangolu ro di salelenglelengna. Jala di
Ahu do anak hinsu ni bonua toru dohot hamatean.
R : [Mangendehon Ende No. 96 : 3 “ Nunga Talu Hamatean”]
Marlas roha be ma hita ala hehe Jesus i. Ai malua sude hita sian hamagoan
I ;.; Haleluya-haleluya nunga hehe Jesus i,;.;
U : Martangiang ma hita: Ale Tuhan Jesus Kristus naung hehe sian hamatean,
nunga ditaluhon Ho sorop ni hamatean i, ndang tartiopi banua toru Ho, ai Ho do
Tuhan ni na mangolu dohot na mate. Gohi ma las ni rohanami asa partohap
hami di haheheonMi. Marsangap ma goarMu, sadarion ro di saleleng ni
lelengna. Amen. ------hundul----
04. Marende No. BE 633:1 “Nunga Hehe Kristus I”
Nunga hehe Kristus i, haleluya. Sian hamatean i, haleluya
Parlangitan jouhon ma, haleluya. Tano on alusi ma haleluya.
05. MANJAHA EPISTEL:
U : Hata ni Debata Epistel di parpunguanta on, tarsurat di 1 Korint. 15 : 11 - 20.
Antong, manang ahu pe manang nasida, songon i do parjamitaonnami, jala
songon i do gabe porsea hamu.
R : Marhua ma dohonon ni na deba sian tongatongamuna, na so adong
haheheon ni angka naung mate, dung sanga binaritahon taringot tu
Kristus, paboa naung dipahehe Ibana sian na mate!
U : Alai anggo so adong haheheon ni angka na mate, ndang na hehe nang Kristus.
R : Ai anggo so hehe Kristus sian angka na mate, rumar ma jamitanami, laos
rumar ma nang haporseaonmuna.
U : Tardapot ma nang hami ala pargapgap di Debata, ala maralohon Debata
huhatindangkon hami, naung dipahehe Kristus i, hape ndang dipahehe, anggo
sandok so mulak mangolu angka na mate.
R : Ai anggo so dipahehe angka na mate, ndang tutu hehe nang Kristus i.
U : Alai anggo so dipahehe Kristus i, magopo ma haporseaonmuna, jala tong dope
hamu di bagasan dosamuna,
R : gabe mago ma nang angka naung monding marhitehite Kristus.
U : Anggo holan di tano on hita mangkirim di Kristus i, jolma na dumangol do hita
sian saluhutna.
R : Alai nunga hehe Kristus i sian na mate, Ibana do parjolo ni angka na
monding i.
U : Ima sahatna. Martua ma na tumangihon Hata ni Debata, jala na umpeopsa.
Amen
06. Marende No. 94 : 1-2 “Ale tondingku naung hehe”
 Ale tondingku naung hehe Tuhanmu, nunga ditaban do banuatoru,
Las ma roham ai martua ma ho, rap dohot Jesus mangolu ma ho,
rap dohot Jesus mangolu ma ho
 Talu sibolis dibahen Tuhanta nang hamatean nang dosa sudena.
Sai dihalashon rohanta ma i, pangoluonNa do hita sude
PangoluonNa do hita sude.

07. JAMITA: Markus 9 : 9

08. Marende No. 632:1-- “Nunga Hehe Kristus” [Pelean]
 Nunga hehe Kristus marsihohot ma hamu.
Lam sumurung hita di ulaon ni Tuhanta
Lam sumurung hita di ulaon ni Tuhanta
Radot ma hita lao mangula tu Tuhanta
Radot ma hita lao mangula tu Tuhanta,
 Nunga hehe Kristus marlas roha ma hamu.
Lam benget ma hita di sude parungkilonta
Lam benget ma hita di sude parungkilonta
Jugul ma hita martangiang tu Tuhanta,
Jugul ma hita martangiang tu Tuhanta.
 Nunga hehe Kristus lam margogo ma hamu.
Lao manghamonanghon paraloan dingolunta
Lao manghamonanghon paraloan dingolunta
Paima monang hita di paraloanta,
Paima monang hita di paraloanta. Amen

09. PARSURUON:
U: Antong las ma rohanta ala naung monang Tuhanta i. Nunga talu be hamatean i
jala mago do soropna ala haheheonNa i.
R: Sangap ma di Tuhan i, Pujiongku ma goarNa na mambahen hamonanganku.
U: Puji ma Ibana jala unang be ganggu rohamuna. Nunga tutu hehe Ibana, jala sai
na hehe do luhutna ala huasoNa na sun gogo i. Ale Tuhan Jesus Tuhan nami,
na mandok mauliate do hami tu Ho, ala ditaluhon Ho do dosa dohot hamatean
marhitehite haheheonMi, antong pargogoi ma hami mangoloi Ho ganup ari,
pasangaphon Ho dibagasan haporseaon na mangolu, paima sahat hami tu
lambungMu. Amen.

10. TANGIANG PELEAN - ALE AMANAMI - PASUPASU

** Selamat Ari Pesta Paskah*