MASMUR 90:

1-6,10,12,14,16-17
 KETUAI:
O Tuhan, Nuan endang
seruran nyadika rumah
kami.
 SEMOA:
Sebedau Nuan nempa
bukit tauka nempa
dunya, Nuan endang
Allah Taala ti meruan
belama iya,
nadai pun nadai ujung
lalu Nuan deka nyadi
Allah Taala belama iya.
 KETUAI:
Nuan udah ngasuh kami
pulai ngagai gaya asal
kami. Nuan ngubah kami
nyadi amau baru.
 SEMOA:
Ba Nuan, seribu taun
baka sehari. Sida iya
baka kemari ti nadai agi,
baka ke sejam lebuh
malam hari.
 KETUAI:
Nuan nabanka kami baka
ai bah. Kami tu baka
rumput ti matuk pagi
hari,
 SEMOA:
Tumbuh lalu bebungai
lebuh pagi hari, lalu udah
nya rangkai lalu mati
lemai nya.
 KETUAI:
Umur kami semina 70
taun aja, lapan puluh
taun enti kami regas;
tang umur kami semina
 mai pemerinsa enggau
ati ti tusah. Umur jampat
abis, lalu kami nadai agi
 SEMOA:
Ajar kami pasal
pemandak umur kami,
ngambi ke kami tau
nyadi urang ke pintar.
 KETUAI:
Isi kami genap pagi
enggau pengerindu Nuan
ti meruan belama iya,
ngambika kami ulih
belagu lalu gaga ati
sepemanjai umur kami.
 SEMOA:
Awakke kami ke nembiak
Nuan, meda pengawa
Nuan ti besai. Awakke
peturun kami meda
pemesai kuasa mulia
Nuan.
 KETUAI:
O Tuhan Allah Taala
kami, awakke berkat
Nuan seruran enggau
kami. Asuh kami mujur
dalam semoa utai ti
dikerja kami!
 SEMOA:
Mulia ke Apai, ke Anak,
enggau ke Roh Kudus;
baka mula iya kelia,
kemaya tu, datai ke
belama-lama iya. Amin.