Aku pindah i Berastagi nari ku Kabanjahe tahun 1955. Ijem aku mulai Moria.
Paska sanga ije
pemilihen pengurus, ipilihna aku jadi bendahara. Ibas tahun 1956, enggo reh teremna moria i Kabanjahe sanga sie gereja kota denga ngenca lit. Moria e campur singuda ras simetua. Aku ras nande Wasti ku Bataion ngiahken ndehara tentara maka min ije pe ibahan ka moria, adi nggo cocok mis ka ipilih pengurusna. Moria ibas kota nai enggo enterem, dungna piah ibagi me moria kota e jadi 2 kelompok. Simetua gelarna moria II, janah singuda gelarna moria I. Simoria I singajarisa Rahel br Sinuraya. Moria II singajarisa Retapken br Pinem ras nande Luther br Purba. Bahanna ibuat bas pustaka si Badia nari. Aku ras nora pdt Sinulingga, nd Wasti, nd Kehin Depari, nd Persadan Milala, lawes kami ku suka gelah pernandena si jadi moria, adi enggo cocok iban kepengurusenna. Lawes ka kami ku Kacaribu, adi nggo cocok mis ka iban pengurusna. Bagem tep tep kuta idahi kami gelah iban ije moria. Ibas kuta e langa bo lit gereja tapi ije nggo lit moria. Ku Surbakti pe kami seh tapi ermulih. Ku Sinamor tapi ermulih. Natal moria pe lit iban tapi natal e gentian inganna, iuraken min maka lit jelmana. Bage pe paskah iban jai bas tiap-tiap kuta, Moria Pusat i Medan, Moria Klasis i Kabanjahe, Ketuana nd Wasti, sekretarisna nd Luther, sanga natal pusat kerina moria ke Medan. Nande Luther erbahan surat ku kuta si lit ije moriana petetehkenca maha natal iban pusat (Medan). Kenca iban gereja simpang VI maka Moria I peridiken ka deba ku simpang VI, enggo kurang moria I ndai, iban ka gereja i Kacaribu, pindahen ka moria I ndai ku Kacaribu. Sekali natal ku Seribu Jandi, ku jah kami kepeken ndauh Seribu Jandi enda, labo enterem kujah tapi pengurus kerina kujah. La sempat mulih maka erbengi me. Kami i linaman i rumah guru agama, iban ka gereja i Batalion. Pindahen ka me moria I ndai ku Batalion. Tangtang na sada ka nge moria i Batalion, kami ras kerina meriahken gereja. Bage pea di lit sinode ikut kami nampati/ mereken beras. Perban enggo enterem moria Kodim ndai i bagi ka, aku masuk moria III C, aku ketuana, sekretaris nd Imelda, pembantu umum nd Marirparja Sembiring. Gundari enggo lit buku bimbingen i pusat nari, tiap perpulungen gentian maba bunga segar, asa banci na tiap perpulungen moria ka rende.
Analisa Pemilihan Supplier Polyurethan Dengan Vendor Performance Indicator Berbasis Quality Cost Delivery Flexibility Reponsiveness Di PT. Sinar Foam Jaya Surabaya