PERAYAN NATAL

PERSADAAN MERGA GINTING

RAS ANAK BERUNA
KISARAN

THEMA :
KEGELUHEN MBARU GUNA SIKELENG-KELENGEN
( 1 PETRUS 1:22-23 )

SUB THEMA :
 ARAH KETUBUHEN KRISTUS ENDA TERIDAH
KETUBUHEN DIRI SIMBARU
IBAS PERSADAAN GUNA NCIDAHKEN KEKELENGEN
ARAH UKUR SI BERSIH ERPALASKEN PENGAJAREN
SITUHU-TUHU

A. PERSIKAPEN
1. RENDE
Labo perban gegeh ngasupku
Kudalani krina kegeluhenku
Perban Tuhan jadi temanku
La ku ngasup sisada
Kam nge gegehku
Sinampat aku
Reff : Ku begi soraNdu ku ertoto
Penampatku e me kap Tuhanku
Tegulah geluhku temani aku
Kam me arapen ibas geluhku

2. ERTOTO
3. RENDE “KAM KAP TEMANKU RASA LALAP”
Perpulungen:
Kam kap temanku rasa lalap
Ibas kegeluhenku i doni
La kap lit sideban dingen
Bali bagi Kam i bas Pertibi

Solois Song Leader:

Enggo ku gejapken ate kelengndu
Ibas kerina kiniseran
kupe ibas kesenangenku ndube
Amin gia mbue mbue salahku
Ras lepak lalap rusur perlangkahku
Tapi pusuh ras tendingku
lanai ngasup sirang ras kam ,ras kam
 Perpulungen:
Ula sempat kentisik pe tadingkenndu sisada.
Pusuh tendingku labo ngasup adi sirang ras kam
Minter bagi rudang
Rudang melus elus tading matena
Sebab lalit me kap teman
Bagi kam, bagi kam Tuhan.

4. BARISEN PROSESI Perp. Tedis

Song leader Rende NKB No. 59 Terjemahen Karo (The First Noel)
Bas Berngi Gelap, terbegi sora
Malekat rende muji GelarNa
Reff : Noel Noel Noel Noel
Nggo Tubuh Raja Israel
Nggo me Terbegi, Berita Malekat
Man Permakan biri-biri i mbal-mbal
Reff : Noel Noel Noel Noel
Nggo Tubuh Raja Israel
Sinalsal terang, bintang si mulia
Ersembahlah kerina man penebusta
Reff : Noel Noel Noel Noel
Nggo Tubuh Raja Israel

B. IBADAH
1. VOTUM, SALAM RAS INVOCATIO
L : Kebaktin Perayaan Natal Persadaan Merga Ginting ras Anak beruna
kisaran enda ibenaken ibas gelar Dibata Bapa sierkeleng ate man
manusia si enggo mereken AnakNa jadi kaulta.
P : Gloria muliaken Tuhan
Gloria muliaken Tuhan (iendeken bagin KEE No. 193)
L : Ibas gelar Jesus Kristus Tuhan si enggo tubuh jadi manusia guna jadi
juruselamat simaba dame ras keriahen simbelinna.
P : Gloria muliaken Tuhan
Gloria muliaken Tuhan (iendeken bagin KEE No. 193)
L : Ibas gelar Kesah Si Badia sipeteguhi kegeluhen manusia guna ngaloken
ketubuhen juruselamat manusia ibas pusuh perukurenna.
P : Gloria muliaken Tuhan
 Gloria muliaken Tuhan (iendeken bagin KEE No. 193)
L : Perkuah ate si rehna ibas Dibata Bapa, AnakNa Jesus Kristus ras
kerembaken Kesah Si Badia ras kam kerina gelah. AMIN
P : AMIN... AMIN... AMIN...
L : kita enggo ikeliniNa. Kita ikeliniNa labo erkiteken perbahanenta si
mehuli, tapi erkiteken perkuah ateNa nge. Kita ikelini Dibata arah Kesah
Si Badia si erbanca kita tubuh peduakaliken gelah sialoken kegeluhen si
mbaru alu mbersihken kita. (Titus 3:5)

2. Rende KEE No. 114:1-3

Sendah kita jumpa wari raya e,
Peringetten tubuh Tuhan Yesus e
Nusur ndahi kita manusia e, Keriahen kap e
Reff : Ermulia me Tuhannta, e sipuji me gelarNa
Perdamen I’bre Dibata, Tuhan Yesus kap e
Mari kita ku kuta Betlehem e
Muji nembah man Tuhanta Yesus e
E tinenges Tuhan si perkuah e, Dibata Bapa e
Reff : Ermulia me Tuhannta...
Sembah kami man baNdu si tubuh e
Kam si maba dame ku pertibi e
Bengket min ku tendi ukur kami e, dameNdu o, Yesus
Reff : Ermulia me Tuhannta...

3. LITURGI 1 Perp. Kundul

4. KOOR GINTING
5. PENGAKUN DOSA
(Liturgi Biak-Biak Manusia)

KEE GBKP No. 417 : 1-2

Kam Yesus Tuhanku, palas kegeluhenku
Reh aku ngadap man baNdu
Tegulah min aku, i bas ndalani geluhku
‘lah ula celus nahengku
Reff : Dengkehken sorangku, erlebuh o Tuhan
Ngendesken pingko-pingko ku
Alemi min slaah dosangku o Tuhan
 ‘Lah atan bas kiniulin
Kam Yesus Tuhanku, sampati min geluhku
Alemi Tuhan dosangku
La kap lit terlingen i bas adep-adepenNdu
Kerina salah lepakku.
Reff : Dengkehken sorangku

6. BERITA KETUBUHEN TUHAN JESUS

RENDE KEE NO. 123:1-3
Ketuahen me riah ukur me,
Ketubuhen ni Yesus e
Sangap me jelma,reh me Tuhanta,
Mari surak, aleplah; haleluya!
Ketuahen me riah ukur me,
Ketubuhen ni Yesus e
Malem me ateta, ‘rdame ras Dibata
Mari surak, aleplah; haleluya!
Ketuahen me riah ukur me,
Ketubuhen ni Yesus e
Yesus penawarta, tubuh man gunanta,
Mari surak, aleplah; haleluya!

7. KOOR ANAK BERU GINTING

8. LITURGI II
9. KOOR ANAK-ANAK

10. NAGANI LILIN

Rende KEE. 135:1-3 BERNGI E, NGGO KEPE
Berngi e nggo kepe, Yesus reh ku doni e
Nusurlah ngangkut dosanta me kin,
Jadi kap musil lah sangap pagin
Asa si tek Tuhan e, asa si tek Tuhan e.
Anak e, bujur pe, singena me aku e
KiniulinNdu tadingken kam kap
 Bengket ku doni lah t’rang si gelap
Aku daramenNdu e, aku daramenNdu e
Berngi e nggo kepe, Tuhan reh ku doni e
Padan Dibata teridah tetap
kinikelengenNa banta me kap
Tuhan si puji gelah, Tuhan si puji gelah.

11. KHOTBAH

12. DUET ND. CAROLIN & RICHARD SINULINGGA

13. PERSEMBAHEN
KEE NO. 136:1-3
Kam k’rina si tek mari surak janah puji
Pedas min kerina ku Betlehem
Nehenlah anak tubuh man Tuhanta
Mari kita nembah,mari kita nembah
Mari kita nembah man raja.
O raja mulia sinjujurken k’rina
Ia mela kam tunduh ibas ampun
Kam me Dibata mula-mula nari
Mari kita nembah,mari kita nembah
Mari kita nembah man raja.
Kam k’rina malekat pujilah man Tuhan
Ersurak, ersurak man baNa lah,
Puji Dibata i surga, i doni
Mari kita nembah,mari kita nembah
Mari kita nembah man raja.

14. KOOR ANAK BERU MENTERI GINTING

15. PERPADANEN
RENDE KEE 178
Pujilah min, pujilah min!
Dibatanta, Dibatanta sini datas
 Dame ni surga nusur ku doni ngena ate man manusia
Pujilahmin Dibatanta, pujilahmin Dibatanta
Dame ni surga, nusur ku doni
Dame ni surga, nusur ku doni
Ngena ate, ngena ate man manusia
Ngena ate man manusia, man manusia
Pujilah min, pujilah min!
Dibatanta, Dibatanta sini datas
Dame ni surga nusur ku doni ngena ate man manusia
Amin, amin, amin

16. PERTOTON TUHAN

17. PEMASU-MASUN.
L : “Berkatlah kam ndalani kegeluhenndu, megenggengah kam ibas
ngelakoken si mehuli seh pepagi kerehen Na si pedua kaliken, dingen
alokenlah pasu-pasu idur Dibata nari: ”Dibata sumbul kemalemen
ate e gelah si encukupi keperlunndu guna ndalanken si sentudu ras
peratenNa. Janah Dibatalah erdahin ibas kam arah Jesus Kristus
gelah kam ngelakoken si ngena ateNa. Man Kristus lah kemulian seh
rasa lalap”. Amin
P : Amin..amin...a..min....

C. VARIA NATAL