Kidung pangripta gumi

Om ksama swamam mahadewam Saraswati dewardanem, nama sidhayah, tembe ngrencana

kidung, punapi haran kidunge, nawa sungege pekulun, duk Bhatara Ratu mijil sakeng tri windhu
uning, windu sunya maha merta, kang ning barna windu, mijil Sang Hyang Widi duk hana paran
iku, nguwung nguwung ngawang ngawang, nora wetan lan kidung, kulon lor ring tengah malih,
akasa apah pratiwi, surya candra lan naksatra, bumi geni banyu, ika Ida mijil tengerane watemu
bun riris manrah alon mahuneran lawa kukus, jeroning kukus hana geni irika Ida malinggih,
antiga satunggal galahan ndih murub, saksat manik warih, kadi lingga bawa metu, sarwa ratna
busanane.
Dipta ngewang kawa murub, agung aluhur tan sipi, lawanganya patmanik, swetra manik danra
kantane, purwi puniku, manik sawiya putih.
Dwarine marep mangidul, sarwa bang busanane, jumanten lawan jumberut, lwir kadi manik geni,
dwarane mangulon kunara, sarwa manikku sya raga.
Wit ta warna murub, manik sarwe kuning marep utara puniku, sami kresna dana murub,
tejanyane ireng sami, samar saru dewa latri, osekan Ida Betara, mahyun pacang turun.
Tan hana ingaksi, menrawang peteng mubu, durung mawas panengere, Betara mangkin malecut,
mangawang tegeh, tan sipi, ri lingga bawa malinggih, mangregepang sastungkara, mangkin
sampan puput, surya sanga mijil.
Purwaning suryane metu, sakeng wetan wite, surya petak ndih murub, teja andus nyane putih,
Ri kidul ebang humijil, rakta teja lan anduse, malih kulon metu, surya rupane kunning, wimbane
kuning kelawan anduse, malih surya utarane, ireng marupane murub, teja kukus ireng sami, ring
madya suryane mijil, manca warna sinangkaton, wimba lawan kukus, mancawarna sami, ring
hersanya surya ungu, biru kukus lawan bawane, ring genya suryane dadu, teja andus dadu sami,
neriti surya humijil, jingga warna lawan anduse, wayabya sampun, mijil surya wilis, puput surya
sanga sanga sampun.
Mun surya akweh kewala, nora hana tumuwuh, param brahma ikang bumi, osek betarane
mangkin, mahyun makarya jagat, kalih sapta gunung, miwah sapta warih, osek betara
malungguh, mangen mangen wedanane, rumegep astute sampun, ling ning suksma sasemerti,
windrang lina ikang rawi, kang dadu suru ping abang, jingga pita surup, ireng maring wilis.
Biru ring sweta surup, panda dadi sungengene, lor kulon wetan lakidul, ring tengah dadin tepi,
surya ring lor pinatti, sumurp menadi hima, ne kulon puniku, sumurup na nadi mring, kilat tatit
lan kakuwung, kaling alah lan tejane, salwiring prabawa metu, suryane kulon menadi, surya ne
ring kidul malih, menadi muburing jagat, sami sampun sumurup, mun kadi kekalih, suryane
wetan pekulun, surup ring sapta petala, ngarab arab panes murub, tan hana sarwa maletik, surya
ring tengah pinati, inastuti ri Betara, prayoga sumurup, menadi jeladri.
Ida ratu sampun puput, puput prakandan suryane, mangkin Ida Sang Hyang Guru, mayoga
ngastuti malih, Brahma Wisnune inasti, Iswara lan Mahadewa, Sang Kara Hyang Sambu, Sang
Hyang Rudra malih, Sang Hyang Mahesora pekulun, ring genyan palungguhe, patni nding dapu
niku, Ida Sang Hyang Cakri Dewi, Sang Hyang Brahma Kidul linggih rabi Sang Hyang
Saraswati, Hyang Rudra pekulun, neriti linggih, Sang Hyang Sawitri, maka gara Hyang Ludrane,
Sang Hyang Mahadewi ratu, Mahadewa maka rabi, Pancima Ida malinggih, malih Sang Hyang
Sangkarane, ring wayabya alungguh, rabi Sang Hyang Gayatri, uttara Ida Hyang Wisnu,
Umadewi kang rabine, ring hersanya puniku, Ida Sang Hyang Sambu alinggih, rabi Sang Hyang
Gayanti, Ida Sang Hyang Maheswara, laksmi pekulun, dewi maka rabi.
Pepek nawa sanga sampun, madudwan dudwan linggihe, ardha nareswari sampun, pada
mangelingin linggih Ida Sang Hyang Guru mangkin, tan miluhur tan mingsor, agung alit ratu,
dewa tan weri weruhi.
Ne mangkin Hyang Guru, turun ring sapta petala, ling ning suksmane sampun, sapta ong kara
inisti, a sori siti drani genah bedawang nalane, ring a sor puniku, wisnu loka jati.
Soring wisnu loka iku, brahma loka ingarane, surya loka sor puniku, candra loka sor niya malih,
adasa yojaneng ngaksi, ne kesatra lopo nika ring sor niya pekulun, Indraloka malih.
So ring indra loka ratu, kalakuta siwerane, sapta loka sampun puput, ne mangkin Ida Hyang
Widi, mekarya dagingning bumi, trsta lata sarine, sapa mina paksi pasu, buron miwah wil.
Pepek daging gumi sampun, ne mangkin Ida Betara makayun makarya gunung, gunung purwa
mangawitin, maharan Dadaya Giri, gunung Dandamedanane, ring hersanya iku, gunung Lintang
Merik, gunung uttara puniku, Indrakila ta wastanya, Jamba Dwipa aran gunung, ring wayabya
linggih gunung Mahameru malih, ring Pancima genahe, ring daksina gunung, Resya Muka Neki,
malih ring genyan gunung, malyawan kang wastane, puput sami sapta gunung, sapta tirtane
ingasti, Yamuna lan Saraswati, Serayu lan Narmadha di, Ganggang miwah Sindhu tirta
Godhawri, watek widya dari metu, Suprabha lan panuwane, Tilotamane pengulu, Wija Santun
nya pangari, gegama ya ri nya malih, niat pala lan kamuda, Nila wati sampun sapta Widyadari,
swabawane sami ayu, pantes maka sarin swargan, wicaksana ne manerus, sampunika pintang
pinuji ratun dedarine sami, bebekelan nya saha sedra, wenten sangang atus sapta juru sami, malih
Ida Sang Hyang Guru, makarya panca dewata, uriping sarwa tumuwuh, Indra Bayu kakaryanin
Yama Wera Urip