TATA IBADAH REMAJA JEMAAT GETSEMANI LANSOT Ini hari, ini hari Tuhan pe hari
Minggu,4 Maret 2018
PANGGILAN FOR MO IBADAH
Penatua Remaja: Ni hari Tuhan yang da beking. So itu marijo torang
bersukacita kong torang puji Dia pe nama. Karna yang datang pa Tuhan mo
senang skali deng mo dapa berkat. Kong marijo torang bilang makase pa
Tuhan lantaran Dia itu pambae skali kong de pe sayang nyanda mo abis-
abis. Torang puji-puji Dia pe luar biasa. Dia pe sayang deng Dia pe berkat
for torang pe keluarga.
TAHBISAN (Berdiri)
P : Kita lia –lia ka gunung-gungung, dari mana mo datang orang yang
boleh tolong pa kita Cuma Tuhan. Tuhan yang da beking ni langit deng ni
bumi. So itu biarjo torang pe ibadah skarang boleh jadi dalam kuasa Tuhan
Allah Bapa, De pe Anak Yesus deng Roh Kudus. Amin.
KASE PUJIAN FOR TUHAN
P : Marijo torang puji pa Tuhan, torang manyanyI “Ini hari Tuhan pe
hari” (Irama Hari Ini Harinya Tuhan)
Ini hari, ini hari Tuhan pe hari, Tuhan pe hari
Mari torang, mari torang ba senang-senang (ba senang-senang)
Ini hari Tuhan pe hari, mari torang ba senang-senang
Ini hari, ini hari Tuhan pe hari
Ini hari, ini hari Tuhan pe hari, Tuhan pe hari
Mari torang, mari torang puji pa Dia (puji pa Dia)
Ini hari Tuhan pe hari, mari torang puji pa Dia
Ini hari, ini hari Tuhan pe hari
Ini hari, ini hari Tuhan pe hari, Tuhan pe hari
Mari torang, mari torang sembah pa Dia (sembah pa Dia)
Ini hari Tuhan pe hari, mari torang sembah pa Dia
MENGAKU DOSA PA TUHAN
P :Tuhan ada bilang di Roma 3:23 bagini,
Soalnya samua orang so beking disa, kong samua orang pe hidop so jaoh
dari Tuhan pe mau tu mo jadi bae sama deng Dia. So itu skarang mari jo
torang samua mengaku torang pe dosa pa Tuhan soalnya nyanda ada satu
orang biar ley Cuma satu tu butul dimuka pa Dia.
Manyanyi “JAO-JAO TUHAN SO PILIH PA TORANG”
Jao-jao Tuhan so pilih pa torang, kong pangge pa torang samua
Yesus so kas torang pe hidop, bagi kemuliaan NamaNya
Kase tu hidup kudus pa Tuhan kong jangan ragu iko Depe mau
Dia mo beking torang sama deng Dia, hidop kudus tak bercela
Marijo torang samua datang badekat badekat deng Dia
Dari Yesus torang ada keslamatan, dari Yesus torang ada sukacita
Marijo torang samua datang badekat badekat deng Dia
Dari Yesus torang ada kedamaian, Yesus beserta selamanya
BACA DENG RENUNGKAN TUHAN PE FIRMAN
DOA
BACA ALKITAB
RENUNGAN
KASE PERSEMBAHAN
P :Marijo skarang torang kase persembaan kong torang inga tu
firman Tuhan yang bilang bagini: Dorang itu so dapa uji deng macam-
macam siksa yang berat, mar dorang pe hati tetap senang skali. Biar ley
dorang miskin skali, mar dorang pe hati kaya deng rasa suka ja ba kase for
orang laeng.
Menyanyi BETAPA HATIKU

SOMBAYANG UMUM
P : Mari torang mo sombayang ...

Menyanyi “MAKASE TUHAN” (irama Terima Kasih Tuhan)

Makase for Tuhan, untuk Dia pe sayang
Yang kita da rasa pa kita pe hidop
Makase for Yesus untuk Dia pe bae
Selama kita pe hidop
Makase for Yesusku
Tu anugrah yang Dia kase
Sbab ini hari Tuhan da beking
Syukur for torang

BERKAT
P : Tuhan Allah tu torang pe Bapa deng De pe Anak tu Yesus Kristus
deng De pe kuasa, mo sama-sama trus deng torang, deng lei mo beking
torang boleh hidop deng hati tenang dari skarang sampe slama-lamanya.
J AMIN AMIN AMIN...