TANGGAPWARA

BUPATI KARANGANYAR
ING TATA CARA

MALEM TIRAKATAN AMBAL WARSA KAPING

105
HADEGING KABUPATEN KARANGANYAR WARSA 2022

Assalamu’alaikum wr.wb.
Salam Sejahtera Kagem Kito Sedoyo, Om Swastyastu,
Namo Buddhaya, Salam
Kebajikan, Rahayu,

Ingkang Kinurmatan Para sedherek Jajaran Eksekutif, Yudikatif, TNI

Polri, Para sesepuh, pinisepuh, Para Alim Ulama, Tokoh Agama, Tokoh
Masyarakat, Tokoh Pemuda,Para Pimpinan Organisasi
Kemasyarakatan, para wartawan, para tamu sinedahan ingkang winengku
ing karahayon saha sedaya warga gung Masyarakat Kabupaten
Karanganyar ingkang kula tresnani.

Sumangga sesarengan kula

dherekaken ngaturaken puji dalasan syukur wonten ngarsanipun Gusti

Allah Ingkang Maha Agung, awit wonten ing dalu punika panjenengan
sedaya dalasan kula saget makempal manunggal ing tatacara “Malem
Tirakatan Ambal Warsa Kaping 105 Hadeging Kabupaten
Karanganyar warsa 2022”.
Ing Malem Tirakatan menika mboten namung makempal saha suka
parisuka, ananging mugi sageto dados sarana kangge renungan
spiritual, ngiras pantes

minangka raos syukur kula lan panjenengan sedaya awit kanugrahaning

Gusti Allah ingkang sampun kaparingaken dhumateng sedaya warga
masyarakat Kabupaten Karanganyar.
 Warga Masyarakat Karanganyar

Ingkang Winengku Ing Suka Basuki

Wulan Nopember punika mujudaken wulan ingkang mengku sujarah

tumrap masyarakat Kabupaten Karanganyar, amargi ing wulan Nopember
punika madegipun Kabupaten Karanganyar lan ing tahun punika
Kabupaten Karanganyar sampun ngancik 105 tahun. Sedaya kalawau
mujudaken kanugrahan lan berkah saking Gusti ingkang Maha Agung
ingkang kedah kita syukuri sesarengan.

Ing saben-saben mengeti ambal warsa Kabupaten Karanganyar, ing manah

sami emut awit perjuanganipun pangeran Sambernyawa utawi Raden Mas
Said, inggih Kanjeng Gusti Pangeran Adipati Aryo Mangkunegoro I
ingkang minangka cikal bakal hadeging Kabupaten Karanganyar, dalasan
ajaran Tri Dharma Pangeran Sambernyawa inggih menika :

1. Rumangsa melu handarbeni;

2. Wajib melu hangrungkebi;

3. Mulat sarira hangrasa wani.

Mugiya saget dados panyengkuyung tekad saha greget warga

gung masyarakat Kabupaten Karanganyar kangge nderek handarbeni
Kabupaten Karanganyar, saha tansah nyengkuyung

lan hangayomi punapa dene tansah sageto sami hamawas diri ing
salebetipun nindakaken pengabdian wonten ing bebrayan Agung.

Raos syukur konjuk dhumateng Gusti

Ingkang Murbeng Dumadi, ngancik taun ingkang kaping sekawan

pemerintahan Bupati saha Wakil Bupati Karanganyar, mugiya tetep amanah
saha istiqomah kangge mujudaken kemajengan saha kesejahteraan
masyarakat Kabupaten Karanganyar. Ing warsa 2022 punika Pamarintah
Kabupaten Karanganyar sampun kasil pikantuk pinten-pinten bebingah saha
penghargaan ing antawisipun:

1. Penghargaan Kabupaten Layak Anak Tingkat Madya saking

Kementerian Pemberdayaan Perempuan dan Perlindungan Anak;

2. Penghargaan Top Pembina BUMD

 2022 saking majalah TOP Business;

3. Penghargaan Siddhakarya Sebagai Pembina Terbaik saking

Pemerintah Provinsi Jawa Tengah;

4. Penghargaan Program Kampung

Iklim Tahun 2022 Saking Kementerian Lingkungan Hidup kagem

Desa Sumberbulu, Kecamatan Mojogedang, Desa Anggrasmanis, saha
Dusun Dusun Kadipekso, Desa Gumeng Kec. Jenawi;

5. Penghargaan Sebagai Inovator

Pariwisata Terbaik Bidang

Pemerintahan saking Persatuan

Wartawan Indonesia Jawa Tengah;

6. Saklajengipun, nembe kemawon Kabupaten Karanganyar

hanampi Penghargaan Opini Wajar Tanpa Pengecualian (WTP)
8 kali berturut-turut saking Kementerian Keuangan awit
pengelolaan laporan keuangan ingkang sae.

Tartamtu sedaya punika ugi awit

penyengkuyung sedaya warga gung ing Kabupaten Karanganyar. Mugi

sedaya bebingah lan penghargaan kalawau sageta dados penyemangat
saha motivasi kagem Pamarentah ing salebetipun leladi

dhumateng masyarakat ing wekdal- wekdal ingkang badhe dhateng. Tasih

kathah bab ingkang kedah dipun ayahi kangge mujudaken kesejahteraan
masyarakat Kabupaten Karanganyar, ing kalenggahan punika
kula nyuwun dhumateng warga gung masyarakat Kabupaten Karanganyar
tansah hanyengkuyung tekad ”Berjuang Bersama Memajukan
Karanganyar”.

Warga masyarakat Kabupaten Karanganyar ingang tansah

winengku ing Karahayon,
 Ingkang salajengipun ing pengetan ambal warsa kaping 105
hadeging Kabupaten Karanganyar punika ingkang

mendhet irah irahan ”Karanganyar Maju dan Mandiri”. Kula nyuwun

sedaya masyarakat Kabupaten Karanganyar supados:

1. Tansah nengenaken raos persatuan lan

kesatuan;

2. Tansah hanggadahi pikiran Maju saha Mandiri ing kawontenan

menopo kemawon;

3. Sesarengan Hanyengkuyung sedaya

program-program Pamarintah, saha sesarengan ndherek mersudi

kangge mujudaken Kabupaten Karanganyar ingkang langkung majeng
saha sejahtera.

Mekaten ingkang saget kula aturaken, mugi Gusti Ingkang

Maha Agung tansah paring kanugerahan lan pangayoman dhumateng kula
lan kita sedaya. Maturnuwun,
DIRGAHAYU SETUNGGAL ATUS GANGSAL HADEGING KABUPATEN
KARANGANYAR, KARANGANYAR MAJU DAN MANDIRI
Wassalamu’alaikum Wr. Wb. Om Shanti Shanti
Shanti Om, Namo Buddhaya.