Epistel Minggu 2 Juli 2023 (IV dob Trinitatis)

Topik Mingguan : Manggoluh ibagas hapintoron ampa holong ni Tuhan

Usul Doding : Haleluya No. 350: 1+3

SENG ANJAI MAGOU UPAHMU

Mateus 10:40-42
PARLOBEINI
Mateus bindu 10 on, ipungkah marhitei barita pasal pandiloonni Tuhan Jesus bani Apostel-Ni (susian-Ni na sapuluh dua). Susian
na pinilih-Ni ai ma gabe hasoman ni Tuhan Jesus ibagas pangidangion-Ni sadokah manggoluh Ia ope. Humbani bageini latar belakang do
sidea idilo anjaha tergolong humbani orang-orang biasa do homa. Isuruh Tuhan Jesus do susian-Ni ai laho mambaritahon Ambilan na
Madear anjaha mangidangi i dunia on. Tangkas do ipatorang Tuhan Jesus paboa ibagas na manaksihon Hata-Ni in sedo horja na urah
tumang, janah buei do hamaholon na mungkin terjadi. Ra do adong na manulak, ra homa iparburu halani marsaksi pakon na legan ope.
Halani ai ibohali Tuhan Jesus do susian ai marhitei semangat pangidangion ase ulang mabiar laho marsaksi. Janah sebalikni sebagai
susian ni Tuhan Jesus (pelayan) manigon hadir do homa ibagas hasintongan, lang sipakulah-kulah, lang homa mangunsagahkon statusni
tapi halani sintong-singtong susianni Tuhan in ma. Teks ni ambilanta on ma na gabe pangajarion hubanta selaku halak na porsaya sonai
age juak-juak ni Naibata. Bahasa sasintongni adong do hubunganni horja na ibahen hita bani haganup gulmitni goluhta dompak Tuhan
Naibata. Janah haganup do hita halak na porsaya susian ni Tuhan atap saksi ni Kristus.

HATORANGAN
a. Ayat 40 : na manjalo hanima, Ahu do jinaloni ai, anjaha na manjalo Ahu, na marsuruh Ahu do jinaloni ijai. (bhs. Indonesia:
barangsiapa yang menyambut kamu ia menyambut Aku, barangsiapa menyambut Aku, ia menyambut Dia yang mengutus Aku).
Bani hasomalanni halak Jahudi masa do, anggo manjalo sahalak utusan (suruhan atap orang yang mewakili), doskon na manjalo na
mangutus atappe na mansuruhsi do ai (orang yang diwakili). Anggo sangap na bahen utusan ai, hormat nabahen hubani, dos do ai
songon na mambahen hubani ise na iwakili ni ai. Berlaku do ai somalni hubani para pemimpin agama na mangajarhon pasal
hasintonganni Tuhan. Hasomalan aima homa na ipakei Jesus gabe sebuah metode bani pangajarionNi dompak susian-Ni bani perikop
ni ambilan on. Domma ibere Naibata haluahon marhitei idopni uhur-Ni, aima ibagas Jesus Kristus. Anjaha Naibata domma mamilih na
gabe utusan, suasian, ronsi nabi na gabe siboan barita haluahon in hubani dunia on, tontu adong ma na manjalo siboan barita ai, na
ibagas panjaloon in aima doskon pambahenan hubani Tuhan do. artini Sahalak na roh ibagas goran-Ni Tuhan ia, anjaha laho mamboan
ambilan na madear ia, anggo ijalo ibagas malas ni uhur, ampa habasaron na manjalo Tuhan do hita ai, manjalo ambilan na madear ni
Tuhan do hita ijai. Sonai homa selaku susian hita marparlahou ma sebagai susian ni Kristus. Marhitei on ma ipaborhat Tuhan Jesus
susian-Ni ase totap toguh manaksihon Ambilan na madear. Adong do pasti kemungkinan lang ijalo anjaha lang managihon, manulak
tapi ulang pala gogir hita, ulang pala etek uhurta, tapi totap ma toguh hasaksian ta pasal-Si. Ibagas goluhta on, secara sosial pe porlu
do adong habasaron manjalo halak na legan misalni manamuei, ibagas malas ni uhur ma hita mangkorjahon ai, ibagas ketulusan.
Bentuk keramahanta ai aima sebagai bukti penghayatan na mambahen ibagas holong ni Tuhan do hita (lang sipakulah-kulah). Sonai
homa Hasirsironta selaku halak na porsaya ibagas manjalo juak-juakNi Naibata (fulltimer, Sintua, Syamas, pakon pelayan na legan)
maningon menyambut dengan “baik” (tidak sekedar basa-basi/ sipakulah-kulah) tapi halani ibagas holongni Tuhan. Paulus ongga
do homa mangkatahon bani Kolose 3:23, “humbani gok ni uhur ma horjahon nasiam sagala horja nasiam, songon na bani Tuhan in
sedo bani jolma”.

b. Ayat 41: na manjalo sada nabi, halani nabi ia, jaloonni do upahni nabi, anjaha na manjalo halak parpintor halani halak parpintor
ia, jaloonni do upahni halak parpintor (Bhs. Indonesia: barangsiapa menyambut seorang nabi sebagai nabi, ia akan menerima upah
nabi, dan barangsiapa menyambut seorang benar sebagai orang benar, ia akan menerima upah orang benar )
Sada kisah bani bibelta na cukup terkenal aima pasal sahalak inang namabalu na marsibere-bere bani juak-juak ni Naibata ibagas
hahuranganni. Bani 1 Raja-raja 17:7-24; sahalak na mabalu na miskin i Sarfat, marsoban-soban do horjani, sipanganon na adong
bani pe otik do somalni sungkup sadari. Tapi ai pe ibagas haporsayaon marpambahenan na madear do ia dompak nabi Elias. Anjaha
jaloonni do upah humbani na binahenni ai, marhitei na ipasungkup Naibata do na porlu bani goluhni, seng marnabois homa. Sonai
homa gabe ijalo halonganan na humbani Naibata. Artini ai upah na jinaloni ai aima na humbani Tuhan. Tongon do lang halani
manigon adong upah hita ase marpambahenan na madear, ase marsibere-bere, tapi hunjon lambin tangkas paboa Tuhan Naibata
semakin memberkati orang yang mau menjadi berkat bagi orang lain (baik hamba Tuhan). Manjalo juak-juak ni Naibata doskon
manjalo Naibata do ai, anjaha manulak juak-juak ni Naibata doskon manulak Naibata do ai. Hunjai do hataridahanni na dihut hita
homa bani horja ni Naibata.

c. Ayat. 42: anjaha barang ise na mamberehon bah borgoh sasangkir gelah hubani sahalak na etek-etek on, halani susian-Ku ia, na
sintong do hatang-Kon bennima, seng anjai magou upahni. (bhs. Indonesia: dan barang siapa yang memberi air sejuk secangkir
sajapun kepada salah seorang yang yang kecil ini, karena ia murid-Ku, Aku berkata kepadamu; sesungguhnya ia tidak akan
kehilangan upahnya dari padanya)
Pambahenanta selaku halak na porsaya se-sederhana apapun anggo marhalanihon Tuhan do ai ihorjahon hita, seng anjai magou
upahta. Ihorjahon hita ai sebagai buahni haporsayaonta aima kesadaran halani susian ni Kristus hita, anjaha halani ibotoh hita horja
ni Kristus na ihorjahon hita ai, seng anjai magou upahta. Lang ase ibotoh halak, lang homa ase lambin tarmurmur goranta
(hasipakulah-kulahon). Isobut do hata “sahalak na etek-etek on” boi ihubungkon hita songon dakdanak na etek , na poso, bergantung
kepada orang lain, boi homa mararti orang yang lemah janah memang mangkaporluhon pangurupion, termasuk orang na lang
iperhitungkon homa bani bilangan na dewasa. Na memang pambahenan hubani halak sisonai ai sipata ianggap hita terlalu sederhana.
Halani lang hubani na sangap-sangap, tapi ai pe merupakan peambahenan na harga do ilobei ni Jahowa anggo ihorjahon halani
Tuhan. Memang anggo upah humbani halak sisonon seng dong arapkononta halani sidea pe butuh pangurupion do, tapi nini Tuhan
Jesus “seng anjai magou upahni”.

HAHONAANI
1. Panjaloon atap pangalo-aloonta hubani juak-juak ni Naibata aima sada hataridahan na dihut hita ambil bagian bani pararatni
Ambilan na madear in. Seng anjai magou upahta anggo sirsir hita mambahen na madear hubani juak-juak ni Tuhan in, anjaha
seng mintor hurangan hita anggo ihorjahon hita ai ibagas Tuhan. Upah siparayakonta lang pitah na itanoh on tapi upah surgawi.
2. Manggoluh gabe susian ni Tuhan, gabe saksi buei do tantanganta, tapi ijalo barang lang ijalo maningon toguh hita bani horja ni
Tuhan in
3. Kehadiranta selaku halak na porsaya selaku susian ni Tuhan, maningon lambin pataridahkon paboa hita aima utusan Tuhan i
dunia on, bani horja na madear. Hal sekecil apapun yang kita lakukan di dalam kebenaran sangat berharga di hadapan Tuhan.
4. Humbani gok ni uhurta ma horjahon hita sagala horjanta, songon na bani Tuhan in. Ase simbili hasipakulah-kulahon, parayak
hasintongan. Manggoluh ma hita ibagas hapintoron ampa holong ni Tuhan in.