JUJUR NGOLU

Satabi godangma diloloan saur matua. Amang Raja Inang Soripada,

hujahahon hami ma jujur ngolu ni ina nami Op. Giovanni Br.
Nainggolan.
Ina nami on tubu Tgl. 10 Oktober 1947, marhamulian ma tu amanami
Op. Giovanni Doli Sihite taon 1968.
Dibasabasahon Tuhan di nasida dakdanak ima
Anak: 4 Halak
Boru : 2 Halak
- Anak siangkangan mangalap boru ni Raja i marga nainggolan sian
Huta Tukka Dolok
- Anak si nomor dua mangalap boru ni Raja i marga Manalu sian
Huta Ambasang
- Anak si nomor tolu mangalap boru ni Raja i marga Sitorus Pane
sian Medan
- Anak si nomor opat mangalap boru ni Raja i marga Tambunan
sian Huta Rantau Parapat
Sian anak siakkangan dibasabasahon Tuhan di dakdanak di nasida
anak 1 halak, boru 1 halak
Sian anak si nomor dua dibasa-basahon Tuhan dakdanak di di nasida
anak 2 halak, boru 3 halak
Sian anak si nomor tolu dibasa-basahon Tuhan dakdanak ima anak 1
halak, boru 1 halak
Sian anak si nomor opat dibasabasahon Tuhan dakdanak di nasida
anak 2 halak, boru 1 halak

Boru siakkangan marhamulian tu anak ni Raja i amangborunami

marga pakpahan sian Huta Peadungdung, jala dibasabasahon Tuhan
dakdanak di nasida anak 2 halak, boru 1 halak
Boru si nomor dua marhamulian tu anak ni Raja i amangboru nami
marga Sinaga sian Huta Jambi, dibasabasahon Tuhan dakdanak di
nasida anak 1 halak, boru 2 halak.
Sian anak si nomor dua nunga 2 (dua) boru nami marhamulian.
Boru siakkangan marhamulian tu anak ni Raja i amangboru nami
marga Munthe sian Doloksanggul dibasa-basahon Tuhan dakdanak di
nasida (nono) anak : - , boru 1 halak
Sian boru si nomor dua marhamulian tu anak ni Raja i amangboru
nami marga Sinaga sian Pakkat, sosorgadong, dibasabasahon Tuhan
dakdanak (nono) di nasida anak = 2 halak, boru = - halak.
Jadi sude pinompar ni ina nami on naung saur matua on :
Anak: 4 halak
Parumaen : 4 halak
Boru : 2 halak
Hela : 2 halak
Pahompu 18 halak
Nono : 3 halak
Punguma sude = 33 halak

Dung songgop parsahiton tu ina nami on mulai bulan 5 nasalpu taon

2022 on huboan hami do tu parubatan na dumenggan, alai i ma huroa
tikki na binahenon ni Tuhan, di ari Sabtu, Tgl. 23 Juli taon 2022 pukul
18.30 Wib marujung ngolu ma ina nami on, jadi sahat tu tikki on
marumurma ina na huhaholongi hami on 75 taon.
Tikki di ngoluna godang do parsaoran ni ina nami on ditonga-tonga ni
masyarakat, atik adong hahurangan manang kesalahan ni ina nami on
maradophon hamu akka nahuparsangapi hami, marhite on ma hami
atas nama Keluarga Op. Giovanni Sihite mangido maaf tu sude hamu
amang inang, asa anggiat tulus ibana mandapothon Tuhanna.
Jala molo tung adong hutang manang singir ni ina nami on tikki di
ngoluna rade do hami manggarar dohot manjalo dung sae tasuanton
ina nami on tu inganan parsatongkinan i.

Amang Raja Inang Soripada, tarlumobi tu hamu Raja ni hula-hula nami

boan hamu ma hami ditangiang muna anggiat maninggalhon sangap
maninggalhon tua ina nami on di hami sude pinomparna.
Songoni ma jujur ngolu ni ina nami on naboi hupasahat hami.
Mauliatema.
Satabi godangma diloloan Marhabot ni roha.
Amang Raja Inang Soripada, hujahahon hami ma jujur ngolu ni inang
nami on Op. Ni Si Citra Br. Manalu.

Tubu ma dainang on tanggal 19 November 1973 di Huta Ambasang,

goar ni dainang nami on Elpina Manalu manang (Op. Ni Si Citra), ima
boru ni Oppung Bao nami Op. Lurinza Manalu dohot Oppung Boru
nami Op. Lurinza Br. Sihotang sian Huta Ambasang.

Tgl. 4 Desember 1999, marhamulian ma dainang nami on tu damang

nami LAMHOT SIHITE, tubu ni Oppung nami Op. Gio Doli Sihite, dohot
Oppung boru nami Op. Gio br. Nainggolan sian Hauagong, jala damang
on nunga jumolo dialap Tuhanta 4 taon nasalpu.

Dibasa-basahon Tuhanta do di damang dainang on 5 halak dakdanak,

2 halak ma i baoa, 3 halak boru.
Anak siangkangan ima namargoar Hezron Sihite (au sandiri ma i), jala
dang marhasohotan dope.
Anak si paduahon ima na margoar Zona Master Sihite (dang
marhasohotan dope).
Boru siakkangan ima na margoar Yolanda Sihite manang Mak Citra,
napinaraja ni anak ni amangboru nami Munthe sian doloksanggul,
dibasabasahon Tuhanta ma dinasida 1 halak dakdanak boru.

Boru si nomor dua, ima namargoar riani angel sihite, napinaraja ni

anak ni amangboru nami Sinaga sian Pakkat, dibasa basahon Tuhanta
do dinasida 3 halak dakdanak, 2 halak ma i baoa, 1 halak boru.
Boru si nomor 3, ima na margoar Rifka Sihite, dang marhamulian dope
Amang raja inang soripada, di ari selasa tanggal 12 September 2023
menurun ma kesehatan ni dainang on, jala huboan hami do tu
parubatan ima tu Puskesmas Pakkat dohot tu Rumah Sakit
Doloksanggul laho mandalathon perawatan kesehatanna. Dang
sangkap ni jolma nasaut hape, alai ingkon sangkap ni Tuhan do tu
ganup hita jolma, dialap Tuhanta ma inang on, marujung ngolu ma di
ari Sabtu tanggal 16 september 2023 jam 8 malam.

Tung mansai godang do poda dohot hata nauli nadenggan napinasahat

ni dainang on tuhami pinomparna, marbinege ma amanta Debata
namartua, anggiat ditangihon tamiang dohot pangidoan ni inang nami
on, asa tung anggiat sahat pasu-pasu tu hami pinomparna
maninggalhon tua dohot sangkap.
Amang inang soripada, molo pe ditinggi parngoluan ni dainang on
adong pambahenan na hurang tu akka amang dohot inang soripada,
hami sian pinomparna mangido maaf ma tu hamu amang inang
soripada, jala molo ditingki ngolu ni dainang on adong singir manang
utang ni dainang on rade do hami manjalo dohot manggarar.

Songoni ma jujur ngolu ni dainang na huhaholongi hami on, sai anggiat

ma inang nami on dijalo Tuhan pardenggan basa i dilambungna, ima di
surgo hasonangan saleleng ni lelengna.
Mauliate… horas