JANJI MUSPRO Dening : Anggi Lailatusholiqah Saiki jamane wes beda Ati buto kaaran kesatriya Gayane ngayomi Seng tak sawang mung nggegiris ati
Jarene wakil rakyat
Seng lungguh ing kono mung pengkhianat rakyat Janjimu mbiyen opo wis lali Opo kuwi mung syarat anggonmu oleh kursi?
Jarene negara makmur, negara demokrasi
Seng tak sawang mung tawur nglayangno oposisi Jarene mbrantas korupsi Ning kowe malah dadi tikus berdasi
Opo kowe isih eling ?
Cucur... kringet.... luh... ludira Ngguyur bumi nuswantara Ora peduli awak nandang lara Ninggalake anak bojo saha wong tuwa Kanggo kowe anak putune supaya urip mulya Ananging kabeh kuwi ilang.... Ilang muspra..... Kaganti wuta amarga arta Aku wong cilik Dudu anak bupati, dudu anak mentri Ora sugih dunyo kang kebak bondho Klambiku murahan, dudu merek reno-reno
Njungkel maliko anggonku nyuara
Kowe ora bakal ngrungokno Sadar.... aku sadar Aku iki dudu sapa-sapa
Mung bisa ndedungo marang gusti kang kuwasa
Supaya kowe sadar anggonmu nglarani anggonmu mblenjani Supaya kowe sadar ana rakyat kang mbok apusi