PARTORDING NI PARMINGGUON

MINGGU XIII DUNG TRINITATIS

 Ev: 2 Korint 8 : 1 – 7  Ep: 2 Kronika 9 : 1 – 8

TOPIK :

MANGURUPI SIAN NASA HAHOLONGON

HURIA KRISTEN BATAK PROTESTAN

MINGGU, 03 September 2023
1. Marende BE HKBP No. 27 : 1 - 3 “Debata do manggomgomi” BL 86
♪ Haleluya! Ari Minggu ari na dumenggan i; Molo iba lao marpungu
dohot dongan Kristen i; Ari na sumurung i las ni rohangki do i.
♪ Maradian do tondingku di na jumpang Minggu i; Nasa arsak ni
rohangku hulononghon do disi; Tu bagasan roha ni Jesus Kristus
Tuhanhi.
….Musik……(Jongjong mangendehon auay 3).
.
♪ Na huula ganup ari hutundalhon do disi, Asa tarpasarisari au ngolu
ni tondingki; Arta na ummarga i, jumpang au di Minggu i.

2. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen. Nunga dipabotohon Ibana tu ho, ale jolma, manang aha na
denggan jala manang aha na niluluan ni Jahowa sian ho, i ma na
mangulahon uhum sambing dohot holong ni roha di habasaon, jala
marpangalaho haserepon maradophon Debatam. Haleluya!

H : (Mangendehon): BE HKBP No. 852 : 1 HALELUYA HKBP (3x)

BL 852
♫♪♫
Haleluya Haleluya Haleluya

U : Martangiang ma hita! Ale Tuhan Debata, Pargogo na hatudosan! Sai

lehon jala patubu ma di hami haporseaon na sintong. Tambai ma
haporseaonnami ganup ari, asa lam togu. Lehon ma di hami holong ni
roha na so marpangansi asa holong rohanami di Ho dohot di
dongannami jolma. Lehon di hami pangkirimon na mangolu, asa
marlas ni roha hami mambahen lomo ni rohaM i. Sai oloi ma
pangidoannami ala ni AnakMu, Tuhan Jesus Kristus Tuhannami.
Amen.
(Hundul )

1
3. Marende BE HKBP No. 564 : 2 - 3 “Las ma rohanta di Tuhanta
Debata” BL 564

♪ Parasiroha do Jahowa Debata parasiroha do Jahowa Debata;

Parasiroha do Jahowa Debata parasiroha ma nang hita on.
♪ Pardengganbasa do Tuhanta Debata pardengganbasa do Tuhanta
Debata; Pardengganbasa do Tuhanta Debata pardengganbasa ma nang
hita on.

4. PATIK:
U : Tangihon hamu (Tatangihon ma) Patik ni Debata di minggu sadari on,
i ma na tarsurat di 1 Timoteus 3 : 13. “Ai ia dung ture
parhobasonnasida, naek situtu ma nasida, jala marhiras ni roha godang
marhaporseaon di Kristus Jesus.”

I do sahatna. Antong, rap mangido gogo ma hita sian Tuhan Debata!

U+H : Ale Tuhan Debata, sai pargogoi ma hami mangulahon na hombar

tu PatikMi. Amen
5. Marende BE HKBP No. 164 : 1 + 3 “O Tuhan Jesus Ho Rajangku”
BL 107

♪ O Tuhan Jesus Ho Rajangku tangihon au naposoM on; Naeng

topotanhu do dosangku tu Ho Sigomgom tano on; Ai naeng mangolu
tondingki mahitehite mudarMi.
----Jongjong----
♪ O Jesus na marasi roha di saluhut pardosa i; Ondihon hami ai naeng
jora do hami mangulahon i; Sai sesa dosanami i mathitehite mudarMi.

6. TANGIANG MANOPOTI DOSA : B.9 – C.3

U : Tatopoti ma dosanta, martangiang ma hita: Ale Tuhan Debata,
Pargogo na so hatudosan, Parasiroha na sumurung, Ama ni Tuhan
Jesus Kristus Sipangolu hami! Hami, halak pardosa na dangol on ro tu
2
 jolo ni habangsa habadiaonMi manopoti jala manganggukhon
dosanami. Mansai jotjot huarsahi hami Ho marhitehtie pingkiran
dohot hata dohot pambahenannami na roa i. Ndang huhaholongi hami
Ho sian nasa rohanami dohot nasa ateatenami dohot nasa tondinami
dohot nasa gogonami; nang dongannami, ndang doshon dirinami
hubahen hami. Dibahen i tama do rimasanMu jala uhumanMu hami tu
hamatean saleleng ni lelengna i. Alai na maporus ma hami nuaeng tu
asi ni rohaM na godang i mangido sian nasa rohanami hasesaan ni
dosanami saluhutna. Sai urupi ma hami paubahon rohanami ala ni
Tuhan Jesus Kristus, Anak haholongan ni RohaM, Sipangolu hami
dohot ala ni GoarMu na badia i. Ale Tuhan, sai asi ma rohaM di hami
halak na dangol on! Amen.

Bagabaga ni Debata taringot tu hasesaan ni dosa:

Parasiroha jala pardengganbasa do Jahowa, lambat tarrimas jala

Parasiroha godang. Ndang dibahen tu hita hombar tu angka dosanta,
jala ndang dibaloshon tu hita hombar tu angka hajahatonta. Songon asi
ni roha ni amaama mida angka anakna, asi ni roha ni Jahowa di angka
na manghabiari Ibana.

Hasangapon ma di Debata na di ginjang!

U + H : Amen (Hundul)
7. Marende BE HKBP No. 468 : 1 + 3 “Di ganup luat mian” BL 247
♪ Di ganup luat mian tinobusMi Tuhan
Tarbege pamujion di holong ni rohaM
Di rura partangisan marolopolop do
Soara ni sisean naung monang dibaen Ho
♪ Di dia pe pajumpang parroha songon i
Sai tong do marsinondang pambaen ni Jesus i
Ai i do diendehon pangalahona i
Mura masitandaan dibaen dameNa i

8. E P I S T E L:
3
U : Tangihon hamu (Tatangihon) ma Hata ni Debata turpuk Epistel di
Minggunta sadari on, tarsurat di 2 Kronika 9 : 1 – 8. Ia raja boruboru
sian Saba, dung dibege barita ni si Salomo, ro ma nasida tu Jerusalem
naeng masiujian dohot si Salomo marundangundang, mardongan
parangan mansai tongam, tole unto, angka na mangusung na hushus
marragamragam dohot sere mansai godang dohot mata intan. Jadi
dung sahat nasida tu jolo ni si Salomo, dipaboaboa ma tu ibana
saluhut na di bagasan rohana i.
H : Jadi dipatorang si Salomo tu nasida sude sungkunsungkunna, jala
ndang adong na buni nanggo sada sian roha ni si Salomo, na so
pinatorangna tu nasida.
U : Jadi dung diida raja boruboru sian Saba hapistaran ni si Salomo dohot
bagas na pinaulina i.
H : Tole sipanganon di mejana, tole partordingna hundul angka
naposona, tole panagam ni angka parhaladona dohot
paheannasida, tole angka sitahu anggurna dohot paheannasida,
tole partanggaonna laho nangkok tu joro ni Jahowa, jadi hira na
tarmali tondinasida.
U : Laos didok ma mandok raja i: “Sintong do hape barita i na hubege di
luathu, taringot tu aturan binahenmi dohot taringot tu hapistaranmu.
H : Ndang nian diparhatongon rohangku jolo barita i paima ro ahu
tuson, gabe diida matangku; hape ida ma, nanggo satongana
ndang dibaritahon halak tu ahu sian hinagodang ni hapistaranmi;
dilompoi hapistaranmi do barita na hubage i.
U : Martua ma halak parhaladom, martua ma dohot angka naposom,
angka na tongtong marhalado di adopanmu pabegebege hapistaranmu!
H : Pinuji ma Jahowa Debatam, na marlomo ni roha mida ho laho
pabangkithon ho tu atas habangsaNa, bahen raja singkat ni
Jahowa Debatam! Ala holong ni roha ni Debatam mida Israel,
naeng pahotonNa do i ro di salelenglelengna, umbahen
dipabangkit Ibana ho gabe raja gumomgom nasida, mangulahon
uhum dohot hatigoran.”
U : I do sahatna. Martua do angka na tumangihon Hata ni Debata jala
na umpeopsa. Amen.

4
9. Marende BE HKBP No. 232 : 1 – 2 “Sian sude parulian na arga” BL
116

♪ Sian sude parulian na arga sada huboto hutiop tongtong

Jesus Tuhanhu Ho arta na arga na mangatasi sudena antong
Tangkup Tuhanmu tung tiop hataNa
Sai pangasahon ma bagabagaNa
----Jongjong----
♪ Neng ho pistar? Sai dapothon Tuhanmu nasa na hurang sai boan tusi
Tu pamodaiNa paunduk rohamu asa tiur sasude bogasmi
Tangkup Tuhanmu, d.u.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)

11. Tingting :
12. Marende BE HKBP No. 720 : 1… “Naeng marsinondang ngolungku”
BL 720 (Pasahat Pelean Ia, Ib)
♪ Naeng marsinondang ngolungku diigil Jesus i
Manang di dia pe ahu tongtong huingot i
Tiur marsinondang i do niigil ni Jesus
Tongtong marsinondang panondang do au tutu
♪ Ingkon hobas mangurupi angka na gele i
Jala burju manghobasi songon Tuhanta i
Tiur marsinondang i do niigil ni Jesus
Tongtong marsinondang panondang do au tutu

-----Musik------

♪ Tuhan urupi ma ahu sai jaga rohangki

Asa marsinondang ahu sai Ho tiruonhi
Tiur marsinondang i do niigil ni Jesus

5
 Tongtong marsinondang panondang do au tutu
♪ Naeng oloanhu Tuhanhu saleleng ngolungki
Sogot di surgo endengku pasangap Tuhan i
Tiur marsinondang i do niigil ni Jesus
Tongtong marsinondang panondang do au tutu
13. J A M I T A: 2 Korint 8 : 1 – 7
14. Marende BE HKBP No. 716 : 1… ”Di na mamolus sandok ngolu on”
BL 716 (Pasahat Pelean II)
♪ Di na mamolus sandok ngolu on gok do na marsak gale
Boan sinondang tu na holom i asa margogo muse
Bahen ma ahu parhiteanMu pasupasuM mabaor ma i
Ale Tuhanhu patupa ma au baen pasupasu tu dongan sude
♪ Sai baritahon Jesus na burju tuk manesa dosa i
Asa porsea di Jesus tutu denggan pambaenmu disi
Bahen ma ahu parhiteanMu pasupasuM mabaor ma i
Ale Tuhanhu patupa ma au baen pasupasu tu dongan sude

-----Musik-----

♪ Ula na denggan tu halak sude songon binaenNa tu ho

Ingot urupi luhut na gale gabe parholong ma ho
Bahen ma ahu parhiteanMu pasupasuM mabaor ma i
Ale Tuhanhu patupa ma au baen pasupasu tu dongan sude

15. Tangiang Pelean: ( Jongjong )

U : Tatangianghon ma peleanta. Ale Debata, Amanami na di banua

ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami

6
 godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.

H : (Mangendehon) BE HKBP No. 204 : 2 “Ndang tadinghononhu

Ho” BL 73
♫♪♫
Nasa na nilehonMi tondi ro di pamatanghu
Hosa dohot gogongki ro di saluhut artangku
Hupasahat i tu Ho na so unsatonhu do
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
H : (Mangendehon): BE HKBP No. 841 : 1 “Ai Ho do nampuna
harajaon” BL 841
♫♪♫
Ai Ho do nampuna harajaon dohot hagogoon
ro di hasangapon saleleng ni lelengna Amen
U : Tangiang Pasupasu
H : (Mangendehon ) BE No. 845 : 1 “Amen (3x) HKBP” BL 845
♫♪♫
Amen Amen Amen