PENDAHULUAN

Om Swastyastu
NAMA KELOMPOK:
1) Putu Indah Tia Wahyuni (22)
2) Ni Luh Meiliyani Putri (27)
3) Ni Kadek Suraniti Dewi (35)
4) Putu Syntia Hery Pratisanti (37)
5) Ni Made Yuni Santi Lestari(40)
 Bhakti ring Guru Pengajahan
Om Swastyastu
Inggih, matur suksma ring dane pengenter antuk galahe sida kapaica ring
titiang. Ida dane sane wangiang titiang, ibu-bapak para panuntun sane
pisinggihin titiang, taler pare semeton pamilet lomba mapidarta sane asihin
titiang.
Angayubagia uningayang titiang majeng ring Ida Sang Hyang Parama Wisesa,
duaning sangkaning asung kerta wara lugrahan-Ida mawinnan titiang miwah ida-
dane prasida mapadu wedana sekadi mangkin. Ring galahe sane becik puniki
titiang pacang matur samatra nganinin indik “Bhakti ring Guru Pengajahan”.
Inggih,Ida dane miwah para semeton sane kusumayang titiang, napi
mawinan titiang ngambil murda kadi asapunika? Duaning ring pakibeh jagate
sane kabaos masa kali senggara kadi mangkin,sampun akeh jadmane ngaliang
pangubakti ring sang kasinanggeh guru. Samaliha wenten sane kurun langgana,
piwal ring sang maraga guru mawastu kabaos alpaka guru.
Ring tepengan panegara druege kabaos aor tan pawates utawi wenten ring
era globalisasi, patut karasayang mungguing ius utawi panglalah wisatawane
sane kaon-kaon sampun makeh pisan sane mamurti. Punika sane mawinan tata
krama kahuripan para janane sampun karasangang sayan-sayan ngreredang.
 Inggih, Ida –dane ,iwah para pamile utsawa pidarta sane wangiang
titiang. Sepat siku-siku pawanggunane ring bali wantah Tri Hita Karana,
minakadi : Parhyangan, pawongan, miwah palemahan. Maka sami parajanane
patut prasida nunggilang pikayun, nelebang ajahan agama miwah adat baline.
Ring tata pawongan, igara patut ngupapira kahuripan tresna asih ring
sesamen mahurip. Maiketan ring tata pawongan puniki, agama hindune
madue ajahan “ Catur Guru”, minakadi guru rupaka, guru pengajian, guru
wisesa, miwah guru swadhyaya.
Guru rupaka inggih punika sang magraga rerama, I aji kalih, I biang utawi
meme-bapa. Sane kabaos guru pengajian, tantios wantah para gurune sane
mapaica aji kawruhan ring sekolahan. Sane kaping tiga, guru wisesa inggih
punika makasami jadmane sane pinaka prakangge ring pemerintahan. Raris
sane kabaos guru swadhyaya wantah Ida Sang Hyang Widhi Wasa.
Inggih, ida dane sanamian sane pasinggihin titiang. Sane mangkin ngiring
pikayun! Sapunapi tatacarane nyihnayang subaktine ring sang maraga guru
pengajian? Napi ke antuk ngaturang arta brana tetombokan? Kamanah antuk
titiang nenten je asapunika. Para guru pengajiane sampun ketah pinaka
pahlawan tanpa tanda jasa sane nenten manget nguberin arta brana. Guru
pengajiane acang rumasa bagia yening nenten wenten murid bandel, nenten
wenten sane sering bolos saha kayun tertib rikala dane ngajahin.
 Kauripan san setata nguberin kasukertan, miwah kekuasaan sering ngaliang
dresta kunane sane ngutamayang urip pasuka-dukan. Kahuripan sane ninggilang
pikayun sagilik-saguluk salunglung saphayantaka taler sampun sayan matilar.
Akeh sane maosang, moralitas parajanane sampun sayan-sayan reret. Punika
sane mawinan jagat druene kabaos keni krisis wenten krisis moneter, krisis
ekonomi, miwah krisis multidimensi. Puniki mawinan para sayan kadi sayan roug
jagate sami. Pengangguran sayan ngakehang, utang panerage sayan ngagengan,
miwah supremasi hukume taler masladukan. Indike puniki sane mawinan sayan-
sayan rered kepercayan rakyate ring sang maraga guru wisesa. Sampun karasayan
para pejabate, akeh sane katiben krisis moral, setate ngerebutin kekuasaan,
nanging nenten yukti kayun melanin rakyat. Kamanah antukn titiang, menawi
nenten wenten pamargi tiosan sane patut titenin, sejaba digelis mawali kajati
angga druene, makukuhin dasar panagarane pancasila saha nelebang daging
ajahan agama, anggen mikukuhin keutaman kayun mabela hati ring tanah
pamijilan, ngrajegang budaya baline.
Pacang mawewehan subagian kayun sang maraga guru yening wenten tur akeh
muride jemet mapitaken ring materi ajah-ajahan sane kapicayang. Sejaba punika,
yening para muride sampun satya nginutin sapituduh dane, mejanten para
hurune sampun risaksat kataur antuk arta brana ngebekin jagat.
Inggih, ida dane miwah sameton sami sane gumanti banget subaktinin
titiang. Napi luir sane sampun aturang titiang wawu, prasida kacutetang
asapuniki. Para sisyane patut subakti ring sang maraga guru duaning agung pisan
iraga mautang yasakerti ring dane. Sang kaning guru wenten anak wikan sane
dados dokter, polisi, presiden, miwah sane lianan. Antuk punika, anake sane
nenten bakti ring guru kabaos miratdana, alpaka guru.
Inggih, wantah asapunika titiang prasida matur ring galahe sane becik puniki.
Manawi ta akeh atur titiange sane sisit, sane nenten lali titiang ngelungsur agung
rena pangampura. Inggih, puputin titiang antuk parama santih.
Om santih, santih, santih Om.
Analisis Wangun Pidarta
1) Tema
2) Judul
3) Pemahbah
4) Daging Pidarta
5) Pamuput
“Om Santih, santih, Santih Om”