Koduo, mogilo boros ponorimo’.

Boros ponorimo nopo nga boros di podolinon mantad teks

sandad (boros ponorimo ointutunan nogi do boros koduo). Tumanud di tangabaal do
mamadalin, sosongulun mamaamadalin minog do menguasai do boros ponorimo suai ko’
menguasai boros toud (ii podolinon). Poomitanan nopo nga, soira mamaamadalin teks boros
Cina kumaa boros Malayu, minog lobi koilo’ i mamaamadalin do boros Malayu ko ii boros
Cina, toi ko’ miagal koilaan dau.

Kotolu, toilaan doid gana di dolinon. Mooi do otopot kodolinon rati toi ko’ toilaan id teks sandad
kumaa boros ponorimo, minog aralom koilaan di mamaamadalin kokomoi gana di podolion.
Penguasaan do boros nopo nga au kouhup kodolinon di osonong, loolobi id gana profesional
miagal undang-undang, sains, teknologi, falsafa om kosusastaraan.

Kaapat, mogilo teori om koimaan kodolinan. Gana kopongodolinan nopo nga haro teori om
kaida’ ilmia’ dau sondii. Mantad di, oponsol do ogonop toilaan di mamaamadalin doid teori om
koimaan, pogulu do popotimpuun kopongodolinan dau.

Tumanud di Gerard-Rene de Root (1987), kodolion gana undang-undang lobi apangkal ko

kodolion id gana suai tu minog kabaalan linguistik om toilaan di aralom kokomoi sistom
undang-undang dii.