Transkip Home Visit

Coass : oma p nama lengkap sapa? (suara bunyi music di tetangga sebelah)
Oma : Dorce tanan
Coass : tempat tanggal lahir dimana?
Oma : Toraja 12 Mei 1957
Coass : umur sekarang so berapa oma?
Oma : jalan 62
Coass : asikk sekali hahaha (sambil tertawa coass danoma)
Coass : masih muda e berarti hahah
Oma : hahahah (sambil tertawa)
Coass : agama apa oma?
Oma : Kristen
Coass : Kristen protestan?
Oma : iyaa (bunyi suara music di tetangga sebelah)
Coass : jadi sekrang karja apa dan oma ?
Oma : cuman di rumah urus cucu 5 hahaha (sambil tertawa)
Coass : hahhahha
Oma : dorang p mama dengan papa so pisah kasiang jadi cuman kita yang jaga
pa dorang
Coass : oh kasiang oma terbaik, biar jo oma itu oma p berkat tersendiri nanti
tuhan balas
Oma : iya aamiin ( masih tetap terdengar suara music di tetangga sebelah)
Coass : oma p gejala ini oma da rasa pas kapan ? tu 2 minggu lalu?
Oma : iya itu 2 minggu lalu sakit skali da rasa di kaki dengan ujung-ujung jari
ba merah mar pernah da rasa ni saki bagini sekitar tahun lalu mar blum
pernah ba priksa cuman ja sebiar bagitu
Coass : itu saki saki skali ja menjalar ?
Oma : iya apalagi kalo baturun tangga lebih sakit, kadang ja bengkak dengan
ba merah di jempol mar ini so turun so nyanda
Coass : oh dari keluarga dan ada riwayat asam urat oma?
Oma : nyanda sih mar kita p almarhum kita p kakek dulu pernah saki asam urat
Oma : ada itu obat yang dokter dipuskesmas saki itu obat apa? ( sambil kasi
liat obat yang ada di bungkusan )
Coass : itu piroxicam oma minum 2 kali sehari ne itu obat supaya kasi kurang
itu nyeri di kaki
Oma : oh ia dok
Coass : oma p anak-anak nda ja pasiar p oma ? supaya oma minta tolong pa
dorang bawa ke puskesmas atau rs supaya ba priksa darah lengkap
supaya oma rutin minum obat
Oma : iya nannti kalo dorang datang nanti mo bilang
Coass : oma selama ini da punya saki gula kah, atau darah tinggi atau saki-saki
lain?
Oma : nyanda kita selama ini paling cuman batuk biasa, nda ja saki saki
bagitu
Coass : berarti nda pernah le to ba pengobatan bagitu karna nda saki apa-apa
Oma : iya dok
Coass : maaf ne oma sebelumnya oma pernah konsumsi rokok atau alcohol
bagitu?
Oma : nda pernah sama sekali
Coass : duh sehat skali berarti hahahaah (tertawa bersama- sama)
Coass : makan bagimana oma? 3 kali sehari toh ini? Kage oma ja malas
makan ini hahhah
Oma : hahahah nyanda dok, 3 kali ja makan dalam satu hari
Coass : kalo misalnya dia saki ulang oma pas so minum obat mar nda ilang
tu saki, om aba priksa ulang ne kong batanya supaya dokter di
puskesmas jelaskan
Oma : iya nanti kalo saki mo pigi ulang, mar malo lagi mo Tanya Tanya
(masih bunyi musk di tetangga sebelah)
Coass : hih nyanda apa supaya dokter jelaskan oma p saki dengan jelas tu
saki supaya mo cepat sembuh
Oma : iya dok
Coass : kalo ni rumah oma milik pribadi ?
Oma : iya ini milik pribadi
Coass : kamar mandi ada berapa ?
Oma : Satu ada dibelakang
Coass : listrik oma ?
Oma : iya disini pake token
Coass : oma tinggal dengan sapa di rumah ini ?
Oma : kita, opa, dengan cucu 5 mar ini kita p laki ka dua, yang pertama so
meninggal
Coass : oh so meninggal dang, berarti oma p anak ada berapa?
Oma : dua kita p anak, dengan laki ka dua nda ada anak
Coass : oh iyo iyo oma kong oma p anak sapa dang dorang p nama ?
Oma : yunike tanan dengan septiani tanan ( masih tetap terdengar suara
music di sebelah)
Coass : ini yang cucu 5 ini dorang p mama yg sapa?
Oma : yunike tanan
Coass : ini marga toraja dang oma? Berarti dorang oma masi ja beking tu
upacara adat dang kalo orang meninggal ?
Oma : iya kalo dulu, kita p orangtua ja beking tu upacara adat mar
sekarang torang so nda so lama so nda jaga bekeng
Coass : iyo soalnya kita p teman adaleh orang toraja kong dia bilang rata-
rata orang kumpul uang buat pesta waktu keluarganya meninggal
Oma : iyah kalo acara kawin ndak talalu bagimana mar kalo acara orang
mati meriah sekali hahah
Coass : waw hahahahhhaha (masih terdengar suara music di tetangga
sebelah)
Oma : kalo dokter asal mana?
Coass :asal tidore kita oma, Maluku utara hehe
Coass : oma kita mo minta izin boleh mo ba tensi pa om?
Oma : oh boleh skali (sambil menjulurkan tangan)
Coass : tunggu kita se kaluar tensi (sambil membuka tas megambil tensi)
Oma : berapa dok kita p darah?
Coass : oma p tekanan darah 120/80, normal oma
Oma : oh bagus
Coass : nanti oma rajin-rajin minum obat ne yang dari dokter puskesmas, itu
piroxicam dua kali satu ne oma minum nanti kalo kambuh ulang dia p
saki oma datang priksa ulang ne kong se kurang dulu gorengan-
gorengan, banyak minum air, makan buah-buahan, trus kalo bisa
olahraga ne oma bangun pagi kong jalan-jalan pagi jo di muka rumah
Oma : okee dokter
Coass : iyo oma kita somo pamit ne makasih dang oma so sadia waktu for kita
Oma : sama-sama dokter
Coass : oma manjo torang bafoto ne
Oma : oke dokter