PELIH

Olih: I made aditya pramana

Deweke suba ngancan kelih,

Mara marasa liu ngelah pelih,

Ipidan sakancan kenehe tusing luih,

Munyine tusing luung pesu uli bibih,

Tuture tusing nganutin sor singgih,

Laksanane tusing adung tata linggih,

Ne jani mumpung enu angkih angkih,

Jumunin lan melahang mamilih,

Dharma agamane sandang alih,

Ento luwung sajan anggo sundih,

Sakancan ane jele baang kampih,

Eda marasa teken dewek ririh,

Apang idupe bagia tan pasedih.

UNSUR – UNSUR INTRINSIK
 TEMA : Mekaengen
 AMANAT : Iraga tusing patut marasa deweke paling ririh lan iraga
patut eling keneh sedurung melaksana
 ALUR/PLOT : Alur maju
 PENOKOHAN : Anak sane ngesor
 LATAR : Di jumah

ILUSTRASI
Anak sane sampun kelih sane marasa pidan liu ngelah pelih, memunyi sane
tusing luih, sane jani mekaengan antuk laksanane ipidan. Tuture pidan tusing
nganutin sor singgih lan laksanane tusing adung tata linggih, jani sampun merasa
pelih antuk laksanane sane akeh ngaenang deweke marasa pelih teken laksanane
punika. Jani enu angkih – angkih, lakar nyumunin lan melahang memilih, sane
sampun eling teken dharma agama sane patut alih. Apang iraga nuju idup sane
bagia tan pasedih