5B / 1700689
Folklor
Tatarucingan
Aya 3 cakcak, nu dua keur gelut, nu hiji deui keur nonton hungkul, terus nu keur nonton
ujug-ujug murag. Kunaon tah? (Soalna pas tepuk tangan poho nyekelan)
Mun aya raja maot, anakna jadi naon? (Yatim)
Mun gajah jadi hayam, kuda jadi hayam, sapi jadi hayam, domba jadi hayam, terus hayam
jadi naon? (Jadi loba)
Pak Asép meuli hayam 5, isukan dipencit 2, tinggal sabaraha hayamna? (Nya 5 atuh, kan
dipeuncitna isukan)
Aya 5 cakcak keur ngumpul dina hiji lampu, terus lampuna ujug-ujug pareum, aya
sabaraha cakcak nu aya kénéh deukeut lampu? (Tinggal 4 soalna nu hiji deui indit nyokot
sénter)
Cing naon sababna buuk superman nu keritingna aya hiji? (Mun keritingna loba mah
ngaranna Supermie)
Sapi naon anu bisa ngarayap dina tembok? (Sapiderman)
Naon bédana onta jeung kangkung? (Ari onta mah di Arab, ari kangkung mah di urab)
Aya monyet naék kana tangkal kai, tinggal naona? (Tinggal turunna)
Nini-nini naék tangkal kalapa hari naon? (Hariwang)
Kapas 5 kg, batu 5 kg, lamun ninggang kana suku nyeri mana? (Nyeri suku)
Kunaon tukang baso nakolan mangkok? (Ku sendok)
Sirahna dina beteng, Behengna dina beteng, ceulina dina beteng, naon? (Orok nu keur
dikandung ku indungna)
Palu naon anu bisa pidato? (Pa Lurah)
Di udag lumpat, ari di dagoan cicing? (Kalangkang)
Daun naon anu tengahna bolong? (Daunat)
Gajah ngapung kaciri naonna? (Kaciri wadulna)
Jari naon anu bisa nyanyi? (Klingking Park)
Aya manuk 10 ditembak hiji, tinggal sabaraha? (Euweuh hiji-hiji acan da kaburu hiber)
Kuda naon anu teu bisa lumpat? (Kuda nu dicangcang)
Bisa naék teu bisa turun? (Haji)
Bisa turun teu bisa naék? (Hujan)
Sato naon anu diwangun ku dua hurup? (U dan G)
Sato naon anu diwangun ku ngan sahuru? (G ajah, I kan)
Hurup naon anu ngeunah? (Nya T)
Sétan naon anu bisa nangtungkeun sepédah? (Sétandar)
Maké baju lain manusa, maké dudukuy lain patani? (Bebegig)
Jalma meuli kasur keur naon? (Keur beunta)
Ari sakintal bisa jadi sapuluh kilo? (Bisa, lamun kiloanana ruksak)
Aya balon sapuluh, bitu hiji, kempes tilu, kari sabaraha deui? (Kari 9 da nu kempes téh
ditiup deui)
Dicekék beuheungna diéléketek beuteungna? (Gitar)
Naon sababna ban sapédah anu tukang sok babari dugul? (Sabab capé mikiran kumaha
carana hayang miheulaan ban hareup.)
Maju éléh, mundur meunang? (Nu keur lomba tarik tambang)
Kaca naon anu nyeri? (Kacabok)
Lamun Superman ngapung tara ngadeukeutan panonpoé, naon sababna? (Sabab sieun S-
na lééh kapanasan)
Kasur naon anu matak nyeri? (Kasura)
Monyet turun naon heula? (Naék heula)
Bahasa arabna janggot ? (Balagadona)
Di tengah pasar aya naon? (Aya hurup S)
Luhureun i mah aya naon? (Luhureun i mah aya titik)
Perdana mentri Jepang anu lahirna di Jayapura? (Kurasa Takada)
Bahasa Arabna kopéah? (Wadah hulu)
Lima kali sabaraha anu eusina 17? (Lima kali solat)
Ditoél hipu, ditakol ngabelentrang? (Tai kotok napeul dina tihang listrik)
Sapi naon anu bau? (Sapiténg)
Sapi naon anu bisa dipaké nulis? (Sapidol)