TATA IBADAH MINGGU PALMARUM

HKBP RESSORT PALANGKARAYA KALIMANTAN TENGAH

5 April 2020

1. Pangaradeon diri
Liturgis : Huria na hinaholongan ni Tuhanta, on ma minggu patoluhon di hita patupa
parmingguon di bagasta be siala panghorhonni ni sahit sorimago Virus Corona (Covid-19).
Tutu nunga masihol hita laho marsaor di bagas joroni Tuhan i, alai jamot do hita, molo tung pe
marminggu hita di bagasta be, asa rap manjaga do hita unang lam mangararati Covid-19 on di
luatta nang di negarata on. Asa molo tapatupa parmingguan on, gabe parsidohot ma hita
mamorangi sahit i, alai na umbalga panghirimon dohot tangianta tu Debata, ima tumibu salpu
sahit on sian tongatonganta nang sian portibi on.
Ruas: Olo tutu, sai tumibu ma salpu sahit sorimago Virus Corona on sian tongatonga ni
portibi on.
Liturgis: Nuaeng masuk ma hita tu Minggu PALMARUM na marlapatan: Maremare. Dung i
torang ni arina i, dibege halak na ro tu pesta i ma na naeng ro Jesus tu Jerusalem, jadi dibuat
nasida ma maremare laho manomunomu Ibana huhut manjoujouhon
RUAS : “Hosianna! Pinasupasu ma na ro marhite goar ni Tuhan i, Raja ni Israel.”
Liturgis: Nunga lam jonok sitaonon ni Tuhan i. Ingkon marsitaonon ma Ibana alani dosa dohot
pangalahonta. Ro do Ibana humophop hita. Antong tapangido ma nang tu Tuhanta asa dipalua
hita sian hasusaan dohot parungkilon alani panghorhonni Virus Corona na masa di luatta
naeng di sandok portibi on. Alai nang pe tongon marporang hita mangadopi virus Corona,
tongtong ma hita satia mamuji jala pasangaphon Ibana:

Marende BE. No. 581 : 1 – 2 “Sangap di Jahowa”

Sangap di Jahowa na sun timbul i, balga ni holongNa ndang tarasam i.
Dilehon AnakNa na sasada i, manobus hita jolma pardosa i.
Puji ma Debata ale manisia, las roham, las roham, somba ma Debata.
Dapothon Jahowa na sun timbul i, marhite AnakNa Tuhan Jesus i.
(jongjong) Tung so hasuhatan do basaNa i, marhite AnakNa nilehonNa i.
MudarNa durus do di hau silang i, rara pe dosanta ias dibaen i.
Puji ma Debata ale manisia, las roham, las roham, somba ma Debata.
Dapothon Jahowa na sun timbul i, marhite AnakNa Tuhan Jesus i.

2. Votum – Introitus – Tangiang (L: Liturgis, R: Ruas)

Liturgis:Marhitehite Goar ni Debata Ama dohot Goar ni AnakNa, Tuhan Jesus Kristus
dohot Goar ni Tondi Parbadia, na tumompa langit dohot tano on.
Ruas:Amen.
Liturgis:Asi ma rohaM di ahu, ale Jahowa, ai targogot do ahu, maras do rohangku dohot
dagingku.
Ruas:Alai anggo ahu, tu Ho do ahu marhaporusan, ale Jahowa, ningku do: Ho do
Debatangku.
Liturgis:Marguru tu tanganMu do angka parsorionki, sai palua ma ahu sian tangan ni
angka musungku dohot sian angka na mangalotongi ahu.
Ruas:Ale Jahowa, sai unang paurak ahu,
Liturgis: ai Ho do na hujou, sai palua ma ahu marhitehite hatigoranMu. Haleluya.
R:(mangendehon) Haleluya…Haleluya…Haleluya…!
Liturgis : Martangiang ma hita!! Ale Tuhan Jesus, sasada Ho do sipangolu padomuhon
jolma dohot Debata! Hupuji hami GoarMi, jala hudok hami mauliate tu Ho ala ni
saluhut na binahenMi, patupahon hangoluannami. Sai dongani ma hami marhitehte asi
ni rohaM di sude sitaonon na huadopi hami di ariari ni ngolunami di tingki on.
Panghorhonni Covid 19 Ala ni wabah pandemi corona (Covid 19) godang dongan nami na
marsahit jala sahat tu na marujung ngolu. Ndang tarbahen ianakhonnami be borhat marsikkola
songoni nang hami di angka na mulamulaon. Sudena huulahon hami sian bagasnami be.
Martangiang, mangula jala marsiajar di bagasnami be.
Margogo do Tuhani manaluhon nasa parsahiton Huboto hami do ale Tuhan, na margogo
situtu do Ho mangurupi hami laho manghamonanghon sian sitaonon i, mangalehon solusi
dohot mangumpat parsahiton i sian tonga-tonga ni portibion, songon holong ni rohaM
maradophon dongannami na adong di luat Wuhan.
Asa anggiat mulak songon na ujui Asa boi denggan jala nang tarbahen hami mulaoulaon si
ganup ari di inganannami be, mamuji Ho di bagas joroM jala marsaor rap dohot dongannami
ganup minggu jala ianakkonnami boi marsikkola.

Liturgis: Asi ma rohaM, di tonga-tongani hamaolon na huadopi hami, hupingkiri hami

do tongtong na tinaonMu dohot hamamateM, asa huarsakhon hami dosanami jala asa
tubu di hami haporseaon na sintong, jala asa marroha haholongan hami huhut mandok
mauliate tu Ho, asa olo hami mangihuthon Ho ro di hamatean. Ale Tuhan Jesus, di Ho
ma tama pujipujian ditongatonga ni saluhut huria , naung tinobusMu marhitehite
mudarMu na badia I, olat ni on ro di salelenglelengna. Amin.(hundul ma ruas)

3. Marende BE. No. 140 : 1 “Girgir ma hamu”

Girgir ma hamu manogu sude, na hum na begu manjua dope.
Di hata ni Jesus, na sangap tongtong. SangkapNa patulus di portibi on.

4. Patik
L:Tangihon hamu ma Patik ni Debata, i ma Patik na Parjolo : Ahu do Jahowa DebataM, ninna
Debatanta. Ndang jadi marangkup Ahu bahenonmu DebataM.
Dia do lapatan ni i?
On do : Ingkon umbiar rohanta jala humolong jala umpos mida Debata asa mida nasa na
adong.
Antong, rap mangido gogo ma hita sian Debata!
R: Ale Tuhan Debata! Sai pargogoi ma hami mangulahon na hombar tu PatikMi. Amen.
5. Marende BE. No. 162 : 7 “O Debata mansai balga”
Tu asiMi ma rohangki, sai sesa ma dosangku.
Tu lambungMi ma tondingki, dung tos muse hosangku.
6. Manopoti Dosa
Liturgis: Tatopoti ma dosanta ! Ale Tuhan Debata, Amanami na di banua ginjang! Ho do na
patupahon hasesaan ni dosa di hami halak na dangol on marhitehite Anak haholongan ni
rohaM. Sai asi ma rohaM di hami, angka na mangarsakhon dosananmi. Tarlumobi di
partingkian nuaeng. Tung humasusa do panghilalaannami alani panghornon pandemic virus
Corona. Godang angka dongannami jolma na mate, gabe mambahen susah angka keluarga na
ditadinghon, maol mulaulaon, tubu pangalaho ndang sapanghilalaan, marhite na mangalului
paruntungan di tonga-tongani hamaolon na diadopi donganna jolma, manimbun masker, hand
sanitizer, nang dohot na asing na diharingkothon donganna jolma, lam arga situhoron, nang
angka na asing dope panghorhonni na masa nuaeng di tonga-tonga ni negaranami. Alani
joujou hami tu Ho asa salpuhon ma parungkilon bolon na tongon huadopi hami
Ruas: Asi ma rohaM di hami ale Tuhan. Tangihon ma tangiangnami
Liturgis: Huhalashon rohanami do di hamamalum tu deba angka dongannami naung mandalani
perawatan ala hona Virus Corona, songoni naung mago pandemic virus Corona di luat Wuhan.
Huboto hami Ho do na mangula disi ale Tuhan. Alani pargogoi ma angka paramedis na gabe
garda terdepan mangubati angka dongannami na terpapar virus Corona, lehon ma habisuhon tu
Pamarentanami laho mambuat kebijakan naumuli tu hami angka na niuluhonna, lehon ma
habisuhon tu angka na pistar, asa marhite gabe jumpang ubat na gabe penawar tu Virus
Corona. Lehon ma tu hami TondiMi na badia i, asa unang ganggu rohanami di asi ni rohaM,
nang pe ingkon mangadopi hasusaan hami sangombas on, marhitehite Tuhan Jesus Kristus
Tuhannami. Amen.

Baga-baga di hasesaan ni dosanta

LITURGIS: Tabege ma hata bagabaga taringot tu hasesaan ni dosa :
Ise be mangulahon angka na pinillit ni Debata ? Debata do na mamintori. Ise do na mandabu
uhum hamagoan ? Kristus Jesus do naung mate; alai ndada holan i, naung mulak mangolu do,
jala di siamun ni Debata do Ibana mangondihon hita. Hasangapon ma di Debata na di ginjang!
Ruas: Amen. (hundul ma ruas)

7. Marende BE. No. 129 : 1 “Huhalashon huringkoti”

Huhalashon, huringkoti haroroM tu tano on.
Jesus Sipalua hami jolma na mardangol on.
Ai marhite mudarMi dihophopi Ho do i;
huriaM asa badia, jala dohot marmulia
8. Epistel: Jesaya 52:7-12
Liturgis:Tabege ma Hata ni Debata turpuk ni ari Minggu on, i ma na tarsurat di Jesaya
52 : 7 – 12. Tajaha ma marsingkatsorin, songon on ma Hata ni Debata : Lehetna i di atas
ni angka dolok angka pat ni parbarita na uli, na patubegehon hadameon, na
mamaritahon barita na uli, na patubegehon hatuaon, na mandok tu Sion: “Debatam do
bangkit Raja.” (ay. 7)
Ruas:Soara ni jolma parhalmu, angka dipangiar be soarana rap marolopolop, ai adop bohi
be diida nasida, molo mulak Jahowa tu Sion. (ay. 8)
L:Pangiar ma soaramuna rap marolopolop ma hamu, ale angka pasipasi ni Jerusalem, ai
nunga marpangulahi roha ni Jahowa mida bangsoNa, nunga dipalua Jerusalem. (ay. 9)
R:Nunga pola dipatoltol Jahowa tanganNa na badia i di adopan ni saluhut bangso parbegu,
jadi saluhut ujung ni tano on marnida hatuaon ni Debatanta. (ay. 10)
L:Ruar, ruar, borhat ma hamu sian i, unang jama hamu na ramun! Ruar ma hamu sian
tongatonganasida! Manguras ma hamu, ale angka na mangusung ulaula ni Jahowa.(ay
11
R:Ai ndang pola humalaput hamu laho ruar, manang marlojong songon halak na maporus,ai
Jahowa do manguluhon hamu, jala Debata ni Israel mangiringiring hamu sian pudi. (ay.12)
L: I do sahatna. Martua do angka na tumangihon hata ni Debata jala na umpeopsa.
Amen.
9.Marende BE. No. 199 : 1 “Di surgo do alealenta”
Di surgo do alealenta, na burju roha situtu.
Ndang piga di banua tonga donganta na tongtong burju.
Antong tabaen ma Jesus i tongtong alealenta i.
10. Manghatindanghon Haporseaon
11. Marende BE. No. 385 : 1“Dijouhon jesus ro hamu”
Dijouhon Jesus ro sude hamu na loja i. Hutogutogu do hamu tu hasonangan i.
Hamu sude pamanat i, hamu niarahonNa i; tadinghon niarsakhonmi, dompakhon Tuhan i.
Sonang ni roha i, sonang ni roha i; sonang ni roha i dilehon Jesus i.
12. Jamita : Johannes 12 : 12 – 19
13. Marende BE. No. 802:1-2 “Pangke tingkim saonari” (Pelean)
Pangke tingkim saonari, dapothon ma Tuhan i.
Unang godang sidalian, ingot jempek ngolumi.
Nunga rade hasonangan, di surgo i, di surgo i.
Unang adong nanggo sada na so parjambar disi.
Suan ma holong ni roha, tiru ma Tuhanta i.
Las ma roham di gotilon jalo ma balos ni i.
Nunga rade hasonangan, di surgo i, di surgo i.
Unang adong nanggo sada na so parjambar disi

14. Tangiang Pelean – Ale Amanami - Pasupasu