Biologi atau ilmu hayat adalah ilmu nang mampalajari aspék pisik kahidupan.

Istilah "biologi"
dipinjam matan bahasa Walanda, biologie, nang jua diturunakan matan gabungan kata bahasa
Yunani, βίος, bios ("hidup") wan λόγος,logos ("lambang", "ilmu"). Istilah "ilmu hayat" diinjam
matan bahasa Arab, jua baarti "ilmu kahidupan". Ubjik kajian biologi wahini banyak banar wan
macakup samua makhluk hidup di babagai macam kahidupannya.
Bamacam-macam cabang biologi mangususakan diri di satiap kalumpuk organisma,
kaya botani (ilmu masalah tatumbuhan), zoologi (ilmu masalah binatang), wan mikrobiologi (ilmu
masalah jasad renik). Balain-lainan wan pangalumpukan didasari pada ciri-ciri pisik kalumpuk
organisme dipalajari di sistimatika, nang didalamnya ada jua taksonomi wan palebiologi.
Bamacam-macam aspik kahidupan dikaji jua di biologi. Ciri-ciri pisik bagian awak dipalajari
di anatomi wan morfologi, amun pungsinya dipalajari di fisiologi. Parilaku binatang dipalajari
di etologi. Parkambangan ciri pisik makhluk hidup di kurun waktu panjang dipalajari dalam évolusi,
lamum partumbuhan wan parkambangan di siklus kahidupan dipalajari di biologi parkambangan.
Hubungan sasama makhluk lawan alam sakitarnya dipalajari di ékologi; Mikanisma pewarisan sipat
(nang baguna dalam upaya manjaga kalangsungan hidup sabuting macam makhluk hidup) dipalajari
dalam génétika.
Wahini bakambang aspék biologi nang mangkaji kamungkinan ba-évolusinya makhluk hidup kaina,
jua kamungkinan adanya makhluk hidup di planét-planét salain bumi, yaitu astrobiologi.
Pahadangan nintu, parkambangan tiknulugi mamungkinakan pangkajian di tingkat molekul
panyusun organisma malalui biologi molekular lawan biokimia, nang banyak didukung ulih
parkambangan téknik komputasi malalui bidang bioinformatika.
Ilmu biologi banyak bakambang di abad ka-19, nang dimulai lawan panamuan ulih ilmuan bahwa
organisme baisi karakteristik inti. Biologi wahini adalah subjék palajaran sakulah wan univérsitas di
saluruh dunia, nang jutaan makalah diulah satiap tahun dalam susunan luas jurnal biologi wan
kadukteran.[1]

Isi

 1Pambagian nang didasari pada interaksi

 2Daftar LainNya
 3
 4Rujukan
Pambagian nang didasari pada interaksi[babak | babak asal mulanya]
Hubungan antarunit kahidupan atawa antarunit kahidupan wan lingkungannya tajadi di samua
tingkat urganisasi. Salain mampalajari kahidupan malalui babagai tingkatan di atas, biologi jua
mampalajari hal-hal naya, malalui cabang ilmunya masing-masing.

 Astrobiologi : ilmu pangatahuan spékulatif sual adanya makhluk hidup salain di bumi.
 biologi perkembangan (developmental biology): ilmu nang mampalajari tahap parkambangan
makhluk hidup (ontogeni) matan hintalu nang dibuahi manjadi individu;
 génétika: ilmu nang mampalajari pawarisan katurunan;
 étologi: ilmu nang mampalajari parilaku makhluk hidup;
 sistimatika: ilmu nang mampalajari kaanékaragaman organisma wan hubungannya lawan
rélasi tartantu;
 ékologi: ilmu nang mampalajari habitat wan interaksi makhluk hidup lawan lingkungannya;
 évolusi: ilmu nang mampalajari pa-ubahan nang tajadi pada makhluk hidup; wan
 mikologi : ilmu nang mempalajari sual cendawan/ jamur
 mikrobiologi : ilmu nang mampalajari makhluk-makhluk mikroskopis
bahkan tadapat sub-ilmu biologi nang baraitan lawan ilmu lain nangkaya biokimia dan biofisik,
dimana ilmu biologi dilihat matan sudut pandang kimia dan fisika.

Daftar LainNya[babak | babak asal mulanya]

Purtal Biologi

 Daptar ilmuwan biologi

 Asam deoksiribonukleat (DNA)
 Binatang
 Sel