Acara Ibadah GMI Pardomuan di Udean

1. Marende BEM No. 228 : 1-2

* Pasahat ma sudena, naniholsohonmi, Tu Debata Jahowa, pardenggan basa i,
Ai guru di Ibana do tano dohot laut lan pe ditahi jolma, rohana do na saut.
*Tung ingkon haposanmu, Jahowa Debatam, disi ma dapotonmu, sinangkap roham
Ai ndang adong gunana, nang pe holsoan ho tangiang do dalanna, asa taruli ho. Amin
2. Ianggo pangurupion di hita dibagasan goarni Jahowa, sitompa Langit dohot tano on
do. Amen
3. Pandita (Di tingki mandabuhon tano)
Ai songon tondi ni angka naung monding nunga mulak tu Debata na mangalehoni. Ala ni i
tapasahat ma bangke na tu tano, tano tu tano, orbuk tu orbuk, huhut mamaimaimahon
haheheon di nasa manisia di ari parpudi marhitehite Yesus Kristus na ro mardongan
hamuliaon laho manguhum Portibion. Dungi lehonon i laut dohot tano i ma angka na mate na
dibagasanna, jala daging ni halak na modom, dibagasan Yesus, ima daging na marhabusuhon i,
gabe paubaonna ma i muse dos dohot daging ni Tuhan Yesus na marmulia i, hombar tu
hagogoon ni Tuhanta na tarbahen patundukhon nasa na adong tu Ibana sandiri. Amin
4. (Diuduti dohonan Pandita)
Nunga hubege soara sian banua ginjang na mandok: suanton ma; martua ma angka na mate
dibagasan Tuhan i, olat ni on! Tutu didok tondi i, mansohot ma nasida sian parungkilon nasida,
ai namangihut ma tu nasida niula nasida i, ale Tuhan asi ma rohaM di hami! Ale Tuhan Yesus
Kristus, asi ma roham di hami! Ale Tuhan asi ma roham di hami. Amen
5. Marende BEM No. 234 : 1+4
*Adong do Ama na di surgo i, Tuhan Jahowa Debatanta i,
Dijou do au, na lao ma au, tu Ama na disurgo i.
Reff : Lao ma au2x, tu na di surgo i;
Dijou do au na lao ma tu tu Ama na di surgo i. Amen
* Molo masihol ho muse di au, Ingot ma, na disurgo i do au,
Dapothon au tu surgo i, Ai ho pe sonang do disi.
Reff : Lao ma au2x, tu na disurgo i;
Dapothon au tu surgo i, Ai ho pe sonang do disi! Amen
6. Tangiang Panutup : Ale Debata pargogo na so hatudosan! Saluhut tondi ni halak naung
monding mardongan haporseaon di Ho, rap dohot Ho do i dung malua sian siporsanan ni
daging i, marlas ni roha jala mariaria, mandok mauliate hami tu Ho, ala ni tiruan na denggan
na sian saluhut na posom naung paujungkon ulaon nasida dibagasan haporseaon dapotan
parujungan na sun denggan dohot las ni roha na so tarhatahon dibagasan hamuliaon mu na
saleleng ni lelengna, marhitehite Tuhan Yesus Kristus Tuhan nami. Amin
7. Rap mandok tangian “Ale Ama nami”
8. Pasupasu.