Pupuh Sinom (Wajib)

Sangsarane apang ilang

Magawe selegang jani
Apang ngelah arta brana
Da nyelselang Sang Hyang Widhi
Sangkan ada tiwas sugih
Ada bocok ada bagus
Tuwah uli karma phala
Eda pesan pada lali
Iki tutur
Kawedar saking sang pradnyan

Pupuh Ginada (Pilihan)

Langah widhine maruang
Teken anak males lekig
Diastu ngaturang daksina
Dije lakar ngidih tulung
Beloge suba megandong
Suba pasti
Lakar nepukin sengkala
Artos Pupuh Sinom :
- Inggih, ring sajeroning maurip sapunapi antuk, mangdane
kabiahparane prasida ical
- Mawinan patut setata mautsaha magehang sekancan pekaryan
- yen sampun setata mautsaha sinah molihang pikolih marupa
kasugihan
- Yening prade tan mapikolih sampunang ngubat abit Ida Sang
Hyang Widhi
- Duaning ring sajeroning urip wentenne anake luihing artha brana
makamiwah katunan
- Naler wenten anake luihing wibawa lan sane kaon rupane
- Punika makasami wantah sangkaning purwa karmane
- Punika mawinan sampunang pisan lenga
- Ring indik tutur-tutur kautaman
- Sane kapicayang antuk ida sang meraga luihing wicaksana

Artos Pupuh Ginada :

- Ten wenten puniki indike Ida Sang Hyang Widhi pacang
mapailonan
- Marep teken anake sane ngekoh mautsaha
- Yadiastun mrika mriki nunas ica majalaran ngaturang bebantenan
- Taler yadiastun mrika mriki pacang nunas pitulung
- Duaning mula sangkaning ngekohe utawi malese mawiwit
sangkaning beloge sane pondongin
- Mejanten sampun, kasengsarane tan prasida pacang kelidin