BNK 3023

KEMAHIRAN MEMBACA DALAM BAHASA IBAN

KUMPULAN A
TAJUK TUGASAN: TUGAS KHAS

NAMA NELVIANA NAH ANAK TIMBANG

NO MATRIK D20182085048

NO IC 970724-13-6614

SEMESTER 5 (2018/2019)

PROGRAM ISMP KIMIA (AT13)

NAMA PENSYARAH PROF. MADYA DR CHEMALINE ANAK USOP

Adar: Saut semua tanya di baruh tu. Nuan tau nyanding ngaga nota tauka sebarang
sumber ti bisi dikembuan nuan.

1. Terangka reti perkara di baruh tu:

PEKARA RETI
Pengelandik tu bisi bansa iya nya pengelandik mending enggau
Pengelandik bejaku sereta pengelandik macha. Reti jaku pengelandik tu iya nya
sebaka enggau reti pemandai tauka bisi ngembuan skill.
Pengelandik macha nya siti pengawa nyadaka simbul ti betulis
ngagai munyi jaku. Reti nya, tanda betulis nya dikalih ngagai sada
nyawa. Macha nya siti ari pengawa verbal iya nya pengawa ti
ngaihka pekara ti ditulis ngagai tukuh mekanis (verbal) tauka
mentalis. Ari pengelandik macha, kitai deka jampat nemu belajar
sereta nyungkakka chara nembiak berunding sereta ngiri penemu
Pengelandik Macha baru ngagai sida. Berindik ari nya tadi nembiak tebulika peneleba ti
baru ari ti macha bemacham teks. Kelimpah ari nya mega
pengelandik macha tau ngajar nembiak ngelala jaku sereta
nguasaka reti leka jaku lalu bisi pengelandik nisih penemu enggau
runding orang bukai. Nya mih kebuah pengelandik macha tu
pemadu dikemeratka lalu dikerembaika beserimbai enggau
pengelandik ti bukai.
Pengelandik jaku iya nya pengelandik bekenaka jaku lalu jaku tu
enda ulih dipeda pansut ari mulut (abstrak). Jaku iya nya munyi
sada ti disadaka nyawa kitai lalu unit jaku dikumbai kitai munyi
enti iya disebut tauka ditelah kitai. Jaku mega struktur munyi ti
Jaku unik tauka nyelai ti disadaka nyawa mensia lalu iya mega ukai
sebarang munyi tang mih munyi ti ngembuan struktur tauka unit
telah. Jaku mega dikena kitai besehari-hari lalu iya mega disebut
kitai ari ke dipih sereta ditusun ngambika iya meri reti ti engkeman,
nemban sereta terang ngagai orang ti mendingka jaku nya.

2. Kedutka penerang pasal teori di baruh tu:

 TEORI PENERANG
Nitihka pansik Panini (India), lebuh kitai deka bejaku, kitai mesti
berunding dulu sebedau mansutka leka jaku lalu jaku kitai mesti
dikenataika ari runding enggau pengasai ati lalu bisi atur sereta ulih
didinga. Sida mega mansik jaku betulis sereta mansik jalai jaku
enggau ukum iya lalu kelas jaku digaga bepelasarka leka jaku
enggau logik. Pia mega jaku ti disebut kitai nya dipilih sereta
ditusun ngambika iya meri reti ti engkeman, nemban sereta terang
ngagai orang ti mendingka jaku nya. Bidang psikolinguistik
mansik aspek ti besangkut enggau jaku, ulah sereta akal budi
Teori Jalai Jaku
mensia. Kenu’ Skinner, 1957 ati sida mega besangkut enggau pikir
(Panini)
runding lalu nya mih kebuah mensia bejaku meseti nitihka pengasai
ati laban leka jaku ti pansut nya mih ilmu tauka lelemu mensia.
Jaku ti disebut meseti bisi reti lalu psikolinguistik nyengkaum
proses meretika jaku tauka ayat ti disebut nya datai ari runding ati
mensia. Raban psikologi ngumbai mensia sechara keruan bisi
potensi/penau nguasa jaku lalu jaku mega bisi kaul enggau pikir
tauka runding enggau pengasai ati. Nya mih kebuah potensi tauka
penau tu ngasuh mensia mudah nguasa sesebengkah bansa jaku.

Ari pansik Bloomfield, teori struktural tu iya nya chara dikena

bulih jaku laban jaku tu idup. Dalam teori struktural sida mansik
fonem (unit jaku ti pemadu mit) enggau morfem lalu sida endang
mansik batang tubuh jaku sereta nunjukka jalai jaku ti bisi kaul
Teori Struktural
dalam jaku enggau utai bukai ti ngelingi iya. Jaku mega dipejuraika
(Bloomfield)
secara induktif (enda dikibuhka tauka enda entu dikemeratka reti)
lalu mansik bakani jaku nya tumbuh lalu bisi sistem sereta jalai
jaku nemu berubah.

Teori Transformasyen Kenu’ Chomsky, 1967, 1965, teori tu betimbangka dua pekara
Generatif (Noam dikotomi iya nya tukuh penemu abstrak enggau tukuh ti nyengala
Chomsky) tauka nyengenda dipeda. Nembia mega ulih meda penemu ti
abstrak. Jaku mega bisi dua tikas iya nya struktur luar enggau
struktur dalam. Teoti tu mansik jaku ari sukut fungsyen lalu
 fungsyen jaku iya nya nyadika rengka penyambung. Nya alai, jaku
dikumbai baka material mata’ ti diproses nyadi utai bukai. Dalam
teori tu, jaku nya mih siti sistem pasal rumus tauka ukum jaku.
Penemu pasal jaku iya nya siti fenomena mental lalu pejaku
diadaka enggau penemu asal bejaku laban jaku tu besifat universal
(semua mensia bisi jaku)nenggau kreatif dalam jaku,
Teori Fungsional tu dipansik Halliday enggau Wilkins ti ngerambai
ari taum 1960-1970. Seduai mansik ari segi tukuh tauka struktur
enggau fungsyen tauka jaku ti dikena berandau lalu jaku tu kereban
dikena kitai berandau besehari-hari. Dalam teori tu, seduai meri
Teori Fungsional
tumpuk ngagai semantik lalu ulih nunjukka runding enggau
(Halliday)
geregayak ati. Pengering jaku sechara jaku verbal ( ulih didinga )
enggau jaku ukai verbal ( ditulis tauka nunjukka ulah )sereta mega
meri perening ngagai ubah.

Nitihka pansik Skinner, teori behaviorisma tu jaku ti keterubah

nembiak ti baru ada iya nya sida deka belajar ari jaku ti enda formal
laban ti niru tauka nitihka jaku ari apai indai sida. Ari teori tu,
nembiak deka ninga lalu nunda tauka nyebut munyi ti suah didinga
nyentukka iya ulih nyebut jaku nya enggau engkeman sereta betul.
Nembiak nya mega deka bulih jaku ari ulah lalu bisi kaul entara
Behaviorisma@tebiat/
peransang enggau respon. Respon ti engkeman disempulang
ulah
enggau upah lalu respon ti ditangkan enggau seriri positif mega
deka diulang lalu deka diulang enti iya disempulang enggau upah.
Respon mega nempa pengeriri lalu ari pengeriri kitai deka bulih
leka jaku. Teori Behaviorisma mega nerangka peneleba siku-siku
mensia lalu mansik senentang ulah ti nyata

Kognitif Teori Kognitif dipemunka Jean Piaget. Ko iya, bejaku nya siti
proses bepikir lalu semua mensia ngembuan potensi nemu bejaku.
Besai agi kitai mensia, ngerembai agi mega pemayuh jaku ti ditemu
kitai lalu landik agi ga kitai ngena jaku nya ngulihka utai ti
dikedeka kitai. Teori tu ngembuan penemu enggau penyedar pasal
leksikal enggau pattern sintaksis lalu jaku nyadika fenomena pikir.
 Kenu’ ko Jean Piaget, belajar nya siti proses mental lalu nembiak
deka nyerap penemu tauka data tauka penerang ti endang udah
dikembuanka sida dalam untak. Pengawa ngulihka jaku mega
besangkut enggau pemansang deria motor nitihka tikas pemansang
kognitif nembiak. Lebuh kitai belajarka jaku, kitai meseti
betimbangka tikas pemansang mental (kognitif) enggau deria
nembiak.
Dalam Teori Mentalis pengawa nguasaka jaku deka ngemeranka
proses pikir lalu iya ngemunka pengelandik macha enggau nulis.
Jalai jaku ti diajar mega diajar sechara formal. Kenu’ ko dalam
Teori Mentalis, bejaku tu siti pengelandik mensia ari asal iya ada
lalu jaku tu penemu ti diadaka siti proses dalam untak saraf kitai
Mentalis mensia. Enti nyema ayat enggau ara jaku ti diasilka enda betul
tauka logik, jaku nya enda mai reti lalu tu mih kebuah Teori
Mentalis ngemeranka reti enggau proses ngasilka jaku. Iya mega
ngemeranka kompeten enggau profisyen ba nembiak lebuh
belajarka jaku. Nya alai, penyilap nembiak dalam belajarka jaku
enda patut dikumbai nyadika penekul tauka penanggul.
Teori Interaksionalisma dipansik sida Bloom begulai enggau
Bowenna, Cromer enggau Halliday. Ko sida iya, utai ti nyadi
ngeingi kitai enggau kebuah ari asal bisi empas ngagai nembiak
bulih jaku. Faktor tauka kebuah sosial, penuai runding, biologi
enggau kognitif (untak) meri segang kitai nemu bejaku. Halliday
madah proses kognitif enggau proses interaksyen jaku meri segang
Interaksionalisma ngagai pemandai bejaku lalu ulah nembiak enggau ngelala reti tang
enda ulih dipadah enggau jaku enti nadai kaul linguistic. Belajar
nya siti proses ti aktif laban penemu enda ulihditerima enggau terus
tang deka diproses dulu. Struktur jaku ulih dipelajarka enggau
menyana enti nembiak betatika aktiviti enggau latih ti diberi
enggau bendar. Proses belajar mega nyadi nitihka maya enggau
gaya lalu belajar dikumbai menyana enti pekara nya bisi reti.

3. Bidaka konsep “macha” enggau “ulih paham”.

 KONSEP PENERANG

Macha meri reti semina mindahka tulis ngagai munyi nyawa lalu nembiak
deka belajarka ukur pendiau ti manah ari macha, Sida mega nyadaka teks
Macha
aja tang enda tentu ulih pahamka isi kereban bacha nya ketegal nadai
pengelandik.
Ba penemu aku, jaku ulih paham tu bisi kaul enggau pengelandik dalam
macha. Ambika banding, lebuh nembiak bisi pengelandik macha dia mih
nembiak nya macha alu terus pahamka isi kereban ti dibacha ya. Ulih
Ulih paham
paham enggau bisi pengelandik tu bisi kaul enggau pengelandik nemu
macha, nembiak enda semina nemu nyadaka teks tang mega ulih pahamka
isi teks nya tadi.

4. Tuliska LIMA iti tuju macha.

LIMA ITI TUJU MACHA

1. Pengawa macha bup tau meri penemu enggau pengelandik ba mayuh macham bansa
pengelandik. Ambika banding, lebuh macha bup Jaku Iban kelebih agi bup ti bekaul
enggau main asal Iban baka bepantun, dia kitai deka bulih penemu bakani nempa pantun
ti manah sereta lunak didinga lebuh disadaka.
2. Nembiak mega nemu macha enggau lanchar sereta mandingka ni bagi ayat tunggal
enggau ayat turu ari mayuh macham kereban kreatif ngena patah nyawa, intonasyen
enggau tanda bacha ti engkeman sereta ekspresyen ti seriran enggau konteks.
3. Nembiak mega ulih ngena mayuh bengkah pengelandik enggau strategi macha dikena
meretika teks betukuh linear ari mayuh bengkah sumber. Sida mega nemu macha enggau
lenak lalu nemu nukuka sereta bejuraika leka jaku ke betukuh terminologi dikena
nambahka pengaya leka jaku sereta ngaga karang pandak bepelasarka leka jakunya tadi.
4. Nembiak ulih macha mayuh macham teks, cherita pandak enggau artikel ti betemaka
inovasyen. Ari macha, dia sida ulih macha lalu nemu nunjuk ngagai leka jaku ke
besenimbal enteli ba teks lalu ngaga pelandai ari leka jaku besenimbal entili sereta nisi
pengelandik dalam menganalisis sereta ngepunka runding dikena ngulihka penemu ari
mayuh macham kereban bacha.
5. Nembiak ulih macha mayuh macham kereban kreatif ti seriran dikena nanam pengerindu
macha sereta ngulihka penemu. Nembiak mega ulih nukuka reti ayat ke ngundan leka
jaku figuratif dalam mayuh macham kereban kreatif sereta nudukka gambar dalam
 runding.

5. Rintaika lima iti pekara ti nyadi dalam proses macha.

LIMA ITI PEKARA (PROSES MACHA)

Proses sensori

Proses berati

Proses jaku

Proses kognitif

Proses mentalis

6. Padahka bida bacha nyaris enggau bacha sengian.

PEKARA BIDA
Macha chara mekanis tauka macha chara oral mih dikumbai macha
nyaris dalam kelas. Nembiak endang sigi diperansang macha inggar
tauka nyaris ngambika nembiak patut lansik sereta jampat ngelala
leka jaku lalu nyebut iya enggau betul. Nya mih kebuah nembiak
diasuh macha nyaris ngambika sida ulih diuji ngelala buah runding
pengarang teks sereta meretika konteks ti dibacha sida. Nembiak
deka diperansang macha enggau nyaris kelebih agi maya nak Tahap
Bacha nyaris
1 ngambika sida nemu mansutka runding diri enggau chara
nyemetak pasal isi teks besereta chunto pasal gempung penemu
tauka pekara bepelasarka ayat enggau rurun jaku dalam teks. Tu tuju
macha enggau nyaris iya nya ngelatih nembiak macha enggau jampat
sereta betul, ngambika nembiak lanchat nyebut enteli jaku sereta
chukup dilatih ngelala tanda bacha lalu ngamal bacha nitihka tanda
bacha nya.
Bacha sengian Bacha sengian tau dikategorika dalam macha chara mentalis. Macha
mentalis retinya macha dalam ati aja lalu nadai didinga munyi nyawa
lebuh macha. Taja pia, pengawa macha chara mentalis tu iya nya
 pengawa macha ti nyengkaum pengingat visual enggau pengeregas
mata sereta pengingatka reti pekara ti dibacha. Dalam macha sechara
mentalis, iya bisi nyengkaum dua pengawa macha dalam
pengelandik belajar iya nya macha chara intensif enggau macha
chara ekstensif ti meri reti macha chara mentalis tu iya nya nukar isi
teks kereban ti dibacha ngagai reti sereta lebuh macha dalam ati
(bacha sengian) ngasuh nembiak jampat agi macha. Kebuah pia
ketegal macha chara mekanis lubah laban bacha bansa tu
ngemeranka asil munyi baka tiun, rentak enggau sebut ti inggar.
Tuju macha chara mentalis (bacha sengian) mega bebida ari chara
macha mekanis (bacha nyaris). Dalam macha chara mentalis, chara
tu deka ngelatih nembiak ngulihka pengasil tauka penguntung diri
empu, ngelatih nembiak ngatika diri ngiga penerang, ngelatih
nembiak macha dalam ati enggau jampat, meri penguntung ngagai
nembiak ari sukut penemu tauka chara nguasa ilmu sereta dikena
sida merindang ati diri.

7. Dalam pemar macha nitihka ayat, nama kebuah nembiak selalu ngulang tauka nandu leman
pekara ba baris teks ti dibacha iya?

Saut:

Ba penemu aku, kebuah nembiak selalu ngulang tauka nandu leman pekara ba baris teks ti
dibacha iya ketegal nembiak nya nadai pengelandik dalam macha. Sida bisi ngembuan
pengurang ba pengelandik macha lalu enda terus dipebetulka tekala nya ngujungka
nembiak majak enda nemu. Dalam definisyen pengelandik macha, lebuh kitai bisi
 pengelandik macha, kitai ukai semina macha sereta nyadaka nyawa macha teks, tang kitai
mega meretika tauka paham konteks ti dibacha kitai. Kelimpah arinya, nembiak tu mega
enda chukup latih pengaya sereta kurang peransang ari apai indai enggau pengajar sida
mega. Nya alai, nembiak tu ngulang tauka nandu leman pekara ba baris teks nya belama-
lama laban sida enggai agi berunding ke tiun enggau bunyi ari ayat nya tadi.

8. Ba penemu nuan pasal pemar macha, nama kebuah sekeda nembiak nya dikumbai merayap
(ngerayap) dalam aktiviti tu?

Saut:

Ba penemu aku, sekeda nembiak nya dikumbai merayap (ngerayap) dalam aktiviti macha
tu ketegal nembiak nya nadai ngembuan pengerindu ati dalam macha. Ambika chunto,
nembiak ti enda rindu macha sigi lubah amat nangkap lebuh pengajar ngajar chara macha
enggau betul. Sida ngelusu deka macha urup tauka nyepil enggau betul. Tu ngujungka
nembiak lubah tauka ngerayap dalam aktiviti macha tu. Kelimpah arinya, chara pengajar
ngajar nembiak mega bisi meri kebuah nembiak ngerayap dalam aktiviti tu. Ambika
banding baka dalam siti kelas, bisi siku tauka dua iku nembiak ti endang lubah amat
nangkap utai ke diajar dalam kelas. Tang ulah pengajar nya enda pedulika nembiak ya ti
lubah nya tadi ngujungka nembiak nya lalu ranjur ngerayap dalam aktiviti macha.