LITURGI NATAL KELUARGA

GBKP KLASIS MEDAN DELITUA TAHUN 2021

Thema : Isi jabuku eme warga Kerajaan Surga (Filipi 3:18-21)
Sub Thema : “Natal Keluarga erbahansa keluarga Kristen ngasup tetap ngataken bujur ibas
kerina situasi bagepe reh tutusna mpertahanken jati dirina selaku warga Kerajaan
Surga, amin pe ringan i tengah-tengah Kerajan doni”

I. PERSIKAPEN :
1. Adi si mbabai kebaktian Natal e sekalak serayan (Pdt, Pt/Dk,) maka kebaktian ibenaken
ibas No. 1 seh dung, tapi adi si mbabai Kebaktian Natal Keluarga e la serayan, maka
Kebaktian Natal Keluarga enda ibenaken ibas No. 3 seh 12.
2. Asa bancina sikapken pohon terang ras lilin rikutken perluna, janah aturken si muat bagin
guna nagani lilin.
3. Ope ibenaken kebaktin ipesikap ingan persembahen.
4. Ibas kebaktian enda banci itambahi alu kegiaten sideban, misalna vocal solo, koor, rsd.
5. Tedis ras kundul iaturken rikutken situasi ras perluna.
Kata Penaruh
Senina ras turang siikelengi Tuhanta Yesus Kristus ikataken kami man bandu kerina mejuah-
juah khusuna man kam kekelengen kami sisekali enda denga ikut mbuat bagin ibas Runggun
enda ngikuti kebaktian Natal. Meriah kal ukurta sebab banci kita kerina ngerayaken Natal ibas
masa adaptasi baru kenca PANDEMI COVID 19 enda. Seh kal belinna pemere Dibata man banta
kerina seh maka tetap denga kita kerina megegeh ras ngasup bertahan ibas situasi enda, tentu
kerina e pemere Dibata. Erkiteken sie ermengkahlah ateta asa silit ibas kita.

Tuhan Yesus reh ku doni enda jadi seri ras manusia,eme bukti kesetian ras keleng ate Dibata
simbelin man manusia siperdosa,enggit Ia jadi seri ras manusia gelahna banci kita terkelin.
Ketubuhen Yesus siirayaken kita ibas wari enda guna emperdameken kita ras Dibata gelahna kita
pe kerina enggeluh ibas perdamen.Keleng ate Tuhanta Yesus Kristus me singerakut
kiniersadanta ibas keriahen guna ngerayaken ketubuhen Tuhanta Yesus Kristus.

Rende KEE 294 : 1,2

1) Meriah kal ukurta reh kap penampat
Pesikaplah dalinNa ibas ukurta
Biak-biak keglapen tadingken krina
Aloken kesangapen keleng ateNa
Reff: Si alo-alo Ia ralep-aleplah min kita
Pesikaplah inganna pibas ukurta
2) Di lit simeluk-eluk sipesikaplah
Ukur singgeduk-nggeduk jadi pinterlah
Pesai-pesai dalanNa Raja mulia
 Babailah kalak krina nembah man baNa
Sialo-alo Ia ralep-aleplah min kita pesikaplah inganNa bas ukurta
II. KEBAKTIN
1. Votum/Salam
Lit : Kebaktin enda ibenaken ibas gelar Dibata Bapa, AnakNa Yesus Kristus ras Kesah
si Badia.
Ibas teruh lias ate Tuhan Dibata, si enggo naruhken kita (Kam) kerina seh ku bas
bulan Natal enda. Emaka, Kam O Tuhan, tetap nemani kami seh rasa lalap.
Amin.
Perp. : A………..min, A……….min, A….min (iendeken)
2. Invocatio:
Adi lit si la mperdiateken kade-kadena, terlebih-lebih keluargana, enggo ipersokenna
kinitekenna. Jahaten me ia asangken kalak si la tek man Jesus (1 Tim. 5:8)

3. Rende : KEE 114 : 1 – 2

1) Sendah jumpa kita wari raya e,
Peringeten tubuh Tuhan Yesus e,
Nusur kita ndahi manusia e, keriahen kap e
Ref. Ermulia me Tuhanta, e sipuji me gelarNa
Perdamen ib’re Dibata, Tuhan Yesus kap e
2) Mari kita ku kuta Betlehem e
Muji nembah man Tuhanta Yesus e
E tinenges Tuhan si perkuah e, Dibata Bapa e
Ref. Ermulia…
3. Ertoto
4. RESPONSORIA
Lit : Sikataken bujur man Tuhan Dibata, si enggo masu-masu jabunta sekeluarga,
kita banci pulung merayaken Natal tahun enda.
Perp. : Siinget uga Dibata njadiken manusia ibas abu nari, janah Dibata mereken kesah
kegeluhen si njadiken kita banci nggeluh sentudu ras tempasNa.
Lit : Kita manusia ndauh belinen asangken kerina tinepaNa sideban, gelah kita
ngkuasaisa, nalukensa ras pe njagaisa.
 Perp. : Tapi kita manusia enggo ndabuh ku bas dosa, lanai ngikutken perentah Dibata si
erbahansa kita enggo sirang ras Dibata maka mbue kesusahen si alami kita ibas
geluh enda.
Lit : Manusia enggo saling ermusuhen, lanai siangkan, enggo saling nalahken dahinna,
lanai nggit ngakui kelepakenna, nggeluh erbana-bana.
Perp : Ibas manusia jadi sicianen, saling iri, dengki, lanai dame, murah nembeh, saling
ermusuhen la erngadi-ngadi, lit merasa la puas ibas jabu.
Lit : Tapi enggo dem paksana, isuruh Dibata anakNa, tubuh Ia arah diberu, iteruh
undang-undang Ia, gelah itebusiNa siniteruh undang-undang gelah kita ipekuanak
(Gal.4:4-5).

5. Rende KEE 135 : 1 – 3 (Nagani Lilin)

1) Berngi e, nggo kepe, Yesus reh ku doni e
Nusurlah ngangkut dosanta me kin
Jadi kap musil lah sangap pagin
Asa si tek Tuhan e, asa si tek Tuhan e
2) Anak e, bujur pe, si ngena me aku e
kiniulinNdu tadingken Kam kap
bengket ku doni lah t’rang si gelap
aku daramenNdu e, aku daramenNdu e
3) Berngi e, nggo kepe, Tuhan reh ku doni e
Padan Dibata teridah tetap
KinikelengenNa banta me kap
Tuhan si puji gelah, Tuhan si puji gelah
6. Pengakun Kiniteken
7. Persembahen (100% guna dana pensiunen GBKP)
L : Matius 2:11 : “E maka bengket ia ku bas i idahna Anak ndai ras Maria
nandeNa. Jenari erjimpuh ia nembah man Anak e. Ibuatna erta-erta si ibabana, jenari
ipersembahkenna man Anak si mbaru tubuh e”.

Mari sisehken persembahen alu Rende KEE 302 : 1 – 3

Nginget perkuah Dibata si mbelin
Si isehkenNa man banta k’rina kin
Ibas kerina dampar kegeluhen
 I doni si dem alu keguluten
Reff: Endeskenlah kulanta man Dibata
Kerinana si lit ibas geluhta
Selaku persembahenta si nggeluh
Em persembahen si ngena ateNa
Sabab bage me arusna kita kin
Ersembah man Dibatatanta si mejin
Si nggo m’reken man banta manusia
Keg’luhen si mehuli ras badia Reff
Marilah k’rina sipuji Dibata
Janah sipeteruk ka pe ukurta
Alu bage si dat sura-suraNa
Kai si mehuli ras ngena ateNa

8. Pertoton Persembahen + Syafaat

9. Rende KEE 307 : 1
1) O Tuhanku Kam me permakanku
Emaka la kekurangen aku
Ku mbal-mbal m’ratah aku babandu
Ipesenang-senangNdu geluhku
Reff. Permakanku si njayam geluhku
Malem ateku senang tuhu
KelengNdu tetap maler man bangku
Kam me Tuhanku permakanku
10. Pertoton Tuhan
11. Pemasu-masun
Lit : Aloken pasu-pasu idur Tuhan Dibata nari:
PERKUAH ATE TUHAN YESUS KRISTUS, KEKELENGEN DIBATA, RAS
KEREMBAKEN KESAH SI BADIA, RAS KITA (KAM) KERINA GELAH.
AMIN.
Perp. : A…min, A…min, A….min (iendeken)