1.

Sesongan
Sesonggan wit saking kruna ” ungguh” sane mateges linggih, genah, tonggos. Kruna
ungguh polih pangiring -an dados ungguhan, raris polih pengater sa- dados saungguan
utawi songgan, raris kaduipurwayang dados sesongggan. Sesonggan inggih punika
palambang kahanan kalih polah jatama sane kaimbangan ring kahanan miwah polah
barang utawi buron.

2. Seseenggakan
Sasenggakan puniki pateh sakadi ibarat, ring bahasa Indonesia. Sasenggakan puniki
sakadi palambang utawi sasimbing indik kahanan kalih polah janma sane kaimbangan
ring kahanan kalih polah buron utawi barang, 

3. Sloka
Sloka yening ring Bahasa Indonesia pateh sekadi “Bidal”. Sloka puniki masaih ring
sesonggan, kantun ilid artinipun. Kewanten binanipun, sloka puniki ngengge
lengkara; Buka slokane,……., Buka slokane gumine,……., Kadi slokan jagate,……..

4. Sesawangan
Sesawangan, lingganipun “sawang”, artinipun : mirib, polih pangiring “an”, dados
sesawangan, raris kadwipurwayang dados “sesawangan”, tegesipun : punapa-punapi
ugi sane katon (kacingak), raris kalawatang (karasayang) ring kahiun, mirib sakadi
solah kalih kahanan janma (mapawongan), upami : kedapan bunga nagasarine
maelogan tempuh angin, kasawangan sakadi tangan anak istri ayu ngulapin.

5. Bebladbadan
Bebladbadan punika wantah silih sinunggil Basa Basitha sane lumrah kaanggen ring
Basa bali
Ring sor puniki wenten makudang-kudang conto bebladbadan ,
luiripune :
Maberuk tanah ,arti sujatine: caratan, arti paribasane : nyaratang

6. Cecimpedan
Cecimpedan puniki wantah bebaosan  kaanggen matebag-tebagan,pateh kadi syair
teka-tekiring Bahasa Indonesia.Cecirin cecimpedan nganggen pitaken ; Ape ke…?
Utawi Padik, apa

7. Raos Ngempelin
Raos ngempelin mawangun kruna-kruna sane dempet . Kruna-kruna sane asiki madue
 teges kekalih, sane siki madaging arti sejati, sane malih asiki maarti ngintar. Conto:

Lamun payu motonan, beli ja nyelengin.

Suksmanipun, teges 1: ninggalin sambil nyelengan, teges 2: ngemang celeng

8. Wewangsalan
Wewangsalan puniki pateh sakadi tamsil ring Bahasa Indonesia. Wewangsalan kruna
lingganipun "wangsal" sane artinipun "lampah", polih pangiring "an" dados
"wangsalan", kaduipurwayang dados "wewangsalan", artinipun lelampahan
saparipolah kalih kahanan jatma.
Wewangsalan puniki kawangun antuk angkepan kruna kalih carik, carik kaping 1
pinaka giing, carik kaping 2 pinaka isi, daging, utawi suksmanipun

9. Cecangkriman
Cangkriman maderbe suksma matebag-tebagan sakadi macecimpedan. Conto :
Berag landung , ngelah panak cerik liu, memene slelegang, panakne jejek menek tuun,
memene gelut gisiang. Punika cawisane Jan.

10.Sesapan
Sesapan mawit saking kruna sapa sane kadwipurwayang saha polih pangiring  -an
dados sesapan. Sesapan mateges baos nyapa utawi nyangra sane matetuek nunas
karahajengan ring Ida Sang Hyang Widhi Wasa. Sesapan sane kawedar seringan
nganggen bebaosan sane banban alon lan alus.

Conto:
Sesapan anak tengkejut mirengang krebek kuug:
“Kaki, kaki bentuyung, eda kesiabina tiang, tiang cucun kakine”.

11. Peparikan
Peparikan pateh ring pantun sajeroning basa Indonesia. Parikan kawangun antuk
lengkara petang carik , carik kaping 1 lan 2 pinaka giing, carik kaping 3 lan 4 pinaka
daging utawi suksmanipun.
Conto:

Balang minyak balang mamedi,

Balang kaja mawadah lumur.
 Lamun nyak jalan malali,
tusing joh teked di sanur.

12. Sesimbing
Peparikan pateh ring pantun sajeroning basa Indonesia. Parikan kawangun antuk
lengkara petang carik , carik kaping 1 lan 2 pinaka giing, carik kaping 3 lan 4 pinaka
daging utawi suksmanipun.

Conto:

Balang minyak balang mamedi,

Balang kaja mawadah lumur.
Lamun nyak jalan malali,
tusing joh teked di sanur.