BABAK I (KAYONAN)

DADIATA PIRA PINTEN GATI KUNANG KALAN NIRA...

GUMENTER IKANANG PERTIWI TALA, APAH, BAYU, TEJA MUAHING AKASA,
LINTANG TERANGGANA KATEKANING SURYA CANDRAA....

KAWINURSITA.....

RI WUS PASCAT NIAN IKANANG SAPTA KANDA ARANYAKANDA, RI KETEGEPING

SIRA BHAGAWAN WALMIKI SIWA BODHA.

BABAK II
MIJIL..... SANG HYANG KAWI SUWARA, GUMANTI NADAK IKANANG TATWA CARITA,
CARITANIA.....MARIKANANG ALENGKAPURA PISAYA, RI.... WIJIL SIRA MAHA RAJA
DASA MEDANGGA, TANSAH... KINABEHI SIRA RAKRIANA PATIH MARICA (dawuh kalih
sampun hayas, mijil sira dasa muka)
MARICA...... AYUWA NUNANING PARIATNA...
KADIAT..... YANG DELENG SIRA TUANTA KADIAN APA RI CATUS PATA?
HAHAHAHAH......RING CATUS PATA KADI HYANG CATUR MUKA PALUNGGU RATU..
JIAH.... HUAAHHAAAA.... MAWIBAWA...
MARICAAAA.... YAN MARIKANANG SETRA GANDA MAYU, KADIAN SAPA DELENG
SIRA TUANTA?
HUAHHAAA, YENING MARIKANANG SETRA GANDA MAYU, KADIAN IDA HYANG
BHAIRAWA PALUNGGU RATU...

ATANGIANG PAMAN, TUT WURI LAMPAH SIRA TUANTA...

MARICA,,,,,,,, APAN SIRA RAMADEWA KETAKING DIAH SITA WUS MARIKANANG
NANDAKA WANA... NE JANI PAMAN UTUS GELAH, APANG SIDA PAMAN KEMU ALAS
NANDAKA, MATIANG SIRA RAMA KATEKANING LAKSMANA, PANG SIDA NI DIAH
SITA DADI PRAMESWARI DINI DIJAGAT ALENGKA PURA KATEKANING GELAH
PAMAN...
SINGGIH MATUR SISIP TITIANG PURUN MATUR RING PALUNGGU DUAGUNG, ELING-
ELINGANG SIRA RAMA DEWA PUNIKA WANTAH AWATARA SAKING IDA BHATARA
WISNU DUAGUNG, BECIKANG MANGDA NENTEN KENI SENGKALA.
PUAHHHH...MARICAAAA,,, LIPYA PWA KITA
SINGGIH DUAGUNG, YAN KADI SAPUNIKA TITAH DUAGUNG TITIANG SAIRING
NGETUT.. DURUS MELINGGIH RING PURIAN, TITIANG JAGA KA ALAS NANDAKA..

LAMAKANE SIRA RAKRYANE PATIH MARICA NYUKTI RUPA ANADIAKEN KIDANG

MAS SAKSANA......
BABAK III (NANDAKA WANA )
SRI RAMA NALBADRA TUR LAKSMANA DIAH KINALGRI, CARITANING IKANANG
NANDAKA WANA... SAMANGKANA...
UDUH ADI,,,,, NI DIAH SITA IDEWA...
RUMASA GARGITA KAYUN BLINE GUKA JANI, RIANTUKAN ADI STATA ADE DINI
NAMPINGIN BLI, ADENE TEH IRAGA DINI DI ALAS NANDAKA ADI, AJAK BLI IDEWA
DINI MALU MAMONDOK...
SINGGIH BLI RAMA,,,, WANTAH GUMANTINE MULA TITIANG SANE NUENANG TALER
BLI, TITIANG SUMANGGUP STATA SIDA NAMPINGIN RAGAN BELINE MAGENAH,
YADIASTUN KE SANE MANGKIN KADI IRIKI MAMONDOK RING ALAS NANDAKA BLI...
MIJIL SIRAAA...... SANG LAKSMANA,,
SINGGIH BLI RAMA,,,, MATUR SISIP TITIANG MATUR RING ANGGAN BLI, PURUN SANE
MANGKIN TITIANG NGULGUL RAGAN BELI SARENG I MBOK DIAH SITA,
SANE MANGKIN TITIANG JAGA MATUR BLI.,,,, RIANTUKAN MAKASANI SARANA RING
PEWAREGAN SAMPUN TAMIS TELAS, SANE MANGKIN RAGAN BLI JAGI IRING TITIANG
MABOROS KATENGAHING WANA BLI, SINAMBI NGEREREH MAKASAI SARANA RING
PEWAREGAN SANE DURUNG JANGKEP. (KIDANG PESU)
UDUH SIRA LAKSMANA, YEN KETO ATUR IDEWANE KAPINING BLI, JALAN SUBA JANI
IDEWA NYAYAGAYANG PIRANTI-PIRANTI MABOROS BLINE MALU LAKSMANA...
SINGGIH BLI RAMA,,,, INDAYANG JUG JEBOS KIDANG MAS PUNIKI BLI,,,
UDUH LAKSMANA,,,TEGARANG JUK MASI KIDANG MASE DITU ....
SINGGIH BLI RAMA, SANE MANGKIN INDAYANG WENTEN TUNAS TITIANG MANGDA
BLI SIDA NANGKEP KIDANG MAS PUNIKA BLI, JAGI ANGGEN TITIANG UBUHAN IRIKI
RING PONDOK BLI...
UDUH NI DIAH SITA, YEN KETO ATUR IDEWANE, DE SUMANANGSAYA, BLI JANI
LAKAR MABOROS NGALIHANG IDEWA KIDANG MAS..
SAKSANA.... LUMAMPAH SIRA RAMA MARING TENGAHING WANA,,,
UDUH ADI LAKSMANA,,,, RASA BAGIA KAYUN MBOKE, APAN BLI IDEWANE SIDA
NAGINGING KAYUN MBOKE NGALIHANG KIDANG MAS KEMU KETENGAHING WANA,,
SINGGIH MBOK DIAH SITA, WANTAH GUMANTI PATUT KADI PENGENIKAN MBOKE,
BLI RAMA CUTET WANTAH TRESNA KAPINING MBOK ..
(*TULUNG.....TLUNG...TULUNG....)
UDUH LAKSMANA,,, DADI ADA SUARA NYAWANG-NYAWANG NUNAS TULUNG,
NADAK MAKLETEG KAYUN MBOKE TEKENING BLI RAMA, NE JANI TEGARANG
IDEWA KEMU LUAS KATENGAHING WANA NUTUG BLIN IDEWANE..
SINGGIH MBOK,,,, YAN KADI ASAPUNIKA PENGENIKAN MBOKE, TITIANG JAGA
NGIRINGANG, SAKEWANTEN MANGDA NENTEN MBOK KENI PANYENGKALA IRIKI
RING PONDOK, TITIANG JAGA NAGINGIN MBOK PANYENGKER, SAMPUNANG MBOK
MEDAL SAKING PANYENGKER TITIANG MBOK,,
OM HYANG PAKULUN PADUKA BHATARA, WEH AKENA KASIDIAN INGHULUN,
AMASANG ANYENGKER KUNANG SIRA DIAH SITA, IKI AGNI ANGLAYANG,
SAKSANA,,,,,,
LUMAMPAH SIRA LAKSAMANA,,,
CARITANIA, SIRA DIAH SITA MARIKANANG NANDAKA WANA,,,
MIJIL,,,, SIRA MAHA RAJA DASAMUKA, KADIAT....
HUAHAHA,,,, JANI SUBA GANTINE DIAH SITA DADI PRAMESWARI MARIKANG
ALENGKA PURA... HMMMM....
KADIAT...... ARAGHHHHH PANAS BARA SIRA DIAH SITA, ANA APA MANAWI IKI...
YAN SAMANGKANA BEPRAYA INGHULUN NYKTI RUPA ANADIAKAN SIRA
BRAHMANA,,, SAKSANA,,,,,

YAYATI....PARA SARA SUNU..

MAKO LALU YEH.. (NUNAS AJAK DEWI SITA)

(RAHWANA NGEDENG DIAH SITA)

CARITANIA.....PUNGGULING KUNANG TATWA CARITA,,,, MARIKANANG ARYANA

KANDA SIRA DIAH SITA KAPANDUNG,,, WUS SAMAPTA.....