Ida dane sareng sami titiang nunas uratiang duene riantukan acara Kebulatan tekad mendukung calon

Legeslatif pacang kakawitin. Ngiring sareng sami nyakupan kara kalih sapisanan nunas pasuecan Ida
Bhatara Siwa-Budha sane melinggih ring ajeng mangda iraga sareng sami ngemangguhan kerahayuan
malarapan antuk panganjali umat

Om Swastyastu.

Pinih riin majeng ring Bapak I Made Agus Mahayastra,SST.Par.,MAP. Pinaka Ketua DPC PDI Perjuangan
Kabupaten Gianyar sane wangiang tityang.

Majeng ring Bapak I Nyoman Parta,S.H. Pinaka calon anggota DPR RI Kabupaten Gianyar sane wangiang
tityang.

Majeng ring Putu Diah Pradnya Maharani, pinaka calon anggota DPRD Provinsi Bali sane wangiang
tityang

Majeng ring Bapak I Dewa Gede Agung Pastika pinaka calon DPRD Kabupaten Gianyar Dapil 07
Kecamatan Tampaksiring miwah calon DPRD Dapil 07 sane sampun nyarengin sane wangiang tityang.

Majeng ring Bapak I Made Kerta Suwirya pinaka calon anggota DPD Dapil Bali sane wangiang tityang.

Ida dane para uleman sane nenten prasida antuk titiang nyarca siki-siki sane kusumayang titiang.

Sane mangkin lugrayang titiang ngaturang rasa angayubagia majeng ring Ida Sang Hyang Widhi Wasa
riantukan sangkaning sih pasuecan Ida, asapunika taler Ida dane sinareng sami prasida mapangguh ring
galahe sane becik puniki. Nenten lali titiang ngaturang swati prapta saha matur suksma riantukan Ida
dane sampun prasida tur ledang rauh ring parikramane puniki. Mungguing dudonan acara ring rahinane
sane mangkin, inggih punika :

1. Tari penyambutan saking Pakis Desa Adat Basangambu

2. Sambutan saking Jro Bendesa Adat Basangambu
3. Ikrar kebulatan tekad mendukung calon Legeslatif
4. Sambramawacana saking Bapak Ketua DPC PDI Perjuangan
5. Penutup

Ida dane sareng sinami, titiang ngaturang swasti prapta antuk ngaturang sasolahan “Pendet”.
Majeng ring pragina inggih durusang

………………. Sesolahan Pendet……………….

 Para uleman sane kusumayang titiang

Asapunika iwawu sasolahan tari Pendet pinaka pamungkah acara. Sane mangkin
lanturang titiang antuk sambramawacana saking Jro Bendesa Adat Basangambu. Majeng
ring Jro Bendesa, galah katur ainggih durusang

………….. Atur Piuning Jro Bendesa………..

 Ida dane para semeton sane tresnasihin titiang
Parikrama selanturnyane inggih punika Ikrar Kebulatan Tekad mendukung para calon
Legeslatif miwah calon Anggota DPD. Titiang nunas majeng ring manggala Adat
Basangambu, manggala Adat Belahan, manggala Adat Mancingan, manggala Adat
Kerajangan miwah manggala Adat Temen mangda munggah ring ajeng .

…………………….. Ikrar Kebulatan Tekad………………………

Inggih majeng ring para manggala adat mangda malinggih ring genah sane iwawu

 Para uleman miwah para semeton sane wangiang titiang

Sane mangkin kelanturan antuk sambramawacana saking Bapak Ketua DPC PDI
Perjuangan. Majeng ring Bapak Ketua DPC PDI Perjuangan, galah katur ainggih
durusang.

…………………..Atur piuning Ketua DPC PDI Perjuangan ………………

 Ida dane sinareng sami, wantah rauh iriki titiang prasida ngenterang parikramane puniki.
Yening wenten atur titiang miwah paripolah titiang sane nenten manut ring arsa Ida
dane sinareng sami, titiang nunas geng rena sinampura. Puputang titiang antuk parama
santih.

Om Shanti Shanti Shanti Om